Josué 6:2 - Li Santil hu

² Abanan li Ka̱cuaꞌ quixye re laj Josué: —La̱in xinkꞌaxtesi li tenamit Jericó saꞌ a̱cuukꞌ, ut xinkꞌaxtesi ajcuiꞌ li rey joꞌ eb ajcuiꞌ lix soldado.

Q'eqchi Bible

² Ab'an li Qaawa' kixye re laj Josué: “K'e reetal, laa'in tink'e sa' laawuq' li tenamit Jerikó jo'wi' li x'awab'ej.

Josué 6:2 ပူးပေါင်းရင်းမြစ်များ

Deuteronomio 7:24

Li Ka̱cuaꞌ tixkꞌaxtesiheb lix reyeb saꞌ e̱rukꞌ. Te̱camsiheb ut ma̱ ani chic ta̱jultica̱nk reheb. Ma̱ ani tixcuy e̱sumenquil la̱ex. Te̱sach ban ruheb chixjunileb.

Josué 8:1

Tojoꞌnak li Ka̱cuaꞌ Dios quixye re laj Josué: —Matxucuac chi moco chichꞌina̱nk a̱chꞌo̱l. Cꞌameb chixjunileb la̱ soldado ut ayukex chire̱chaninquil li tenamit Hai. La̱in tintenkꞌa̱nk e̱re chi numta̱c saꞌ xbe̱n lix reyeb ut saꞌ xbe̱neb li tenamit. Li tenamit ut chixjunil li naꞌajej aꞌan e̱rehak chic.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Josué 2:9

—La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.

Nehemías 9:24

Eb li ralal xcꞌajol laj Israel queꞌoc saꞌ li naꞌajej Canaán ut caqꞌueheb chi numta̱c saꞌ xbe̱neb li cuanqueb aran. Queꞌnumta saꞌ xbe̱neb laj cananeo, ut saꞌ xbe̱neb ajcuiꞌ lix reyeb. Cakꞌaxtesiheb saꞌ rukꞌeb re nak eb aꞌan chic teꞌtakla̱nk saꞌ xbe̱neb.

Daniel 4:17

Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

2 Samuel 5:19

Laj David quitijoc ut quixye re li Dios: —¿Ma tinxic chi pletic riqꞌuineb laj filisteo? ¿Ma tina̱tenkꞌa chi numta̱c saꞌ xbe̱neb? chan. Ut li Ka̱cuaꞌ quixye re: —Ayu chi pletic riqꞌuineb. La̱in tinkꞌaxtesiheb saꞌ a̱cuukꞌ, chan.

Jueces 11:24

Cui ta laj Quemos le̱ dios tixsi e̱chꞌochꞌ, ¿ma ma̱cuaꞌak ta biꞌ e̱re? Joꞌcan ajcuiꞌ la̱o. Chixjunil li xsi ke li kaDios, aꞌan ke ajcuiꞌ la̱o.

Jueces 11:21

Abanan li Ka̱cuaꞌ li kaDios la̱o aj Israel, coxtenkꞌa chi numta̱c saꞌ xbe̱neb laj Sehón. Joꞌcan nak xke̱chani lix naꞌajeb laj amorreo li cuanqueb saꞌ li naꞌajej aꞌan.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Daniel 5:18

At rey, li nimajcual Dios quixqꞌue chi cua̱nc chokꞌ rey laj Nabucodonosor la̱ yucuaꞌ ut quixqꞌue xnimal xcuanquil ut xnimal xlokꞌal ut qui-oxlokꞌi̱c xbaneb li tenamit.

Josué 6:1

Eb li cuanqueb Jericó queꞌxtzꞌap li oqueba̱l re lix tenamit chi us xban nak yo̱queb xxiu chiruheb laj Israel. Ma̱ ani naru na-oc chi moco naru nequeꞌel.

Josué 6:3

La̱ex soldado aj Israel te̱suti rix li tenamit jun sut chiru li cutan. Joꞌcaꞌin te̱ba̱nu chiru cuakib cutan.

Josué 12:9

Lix cꞌabaꞌeb li rey li queꞌsacheꞌ ruheb, aꞌaneb aꞌin: li rey re Jericó, li rey re Hai li cuan nachꞌ riqꞌuin Bet-el,

Josué 20:1

Li Ka̱cuaꞌ Dios quia̱tinac riqꞌuin laj Josué ut quixye re: