Josué 6:19 - Li Santil hu

¹⁹ Chixjunil li cꞌaꞌak re ru yi̱banbil riqꞌuin oro, plata, bronce ut hierro ta̱xocma̱nk ut ta̱kꞌaxtesima̱nk chiru li Ka̱cuaꞌ, chan laj Josué.

Q'eqchi Bible

¹⁹ Chixjunil li plaat, oor ut jo'nimal yiib'anb'il rik'in q'anch'iich' ut ch'iich', q'axtesinb'ilaq re li Qaawa'. Tento taa'ok sa' li reechanihom”, chan laj Josué.

Josué 6:19 ပူးပေါင်းရင်းမြစ်များ

San Mateo 27:6

Ut eb lix be̱nil aj tij queꞌxxoc li tumin ut queꞌxye: —Incꞌaꞌ us xqꞌuebal li tumin aꞌin saꞌ xcaxil lix mayej li rochoch li Dios xban nak xtzꞌak xyuꞌam li cui̱nk.—

1 Crónicas 26:20

Laj Ahías, aꞌan jun xcomoneb li ralal xcꞌajol laj Leví. Ut aꞌan li qui-iloc re li naꞌajej li xocxo cuiꞌ li cꞌaꞌru re li templo li terto xtzꞌak, joꞌ ajcuiꞌ li naꞌajej li cuan cuiꞌ li cꞌaꞌak re ru li santobresinbil.

San Marcos 12:41

Saꞌ jun cutan quicuulac li Jesús saꞌ rochoch li Dios. Quicꞌojla chixcꞌatk lix ca̱xil li mayej. Yo̱ chirilbal li tenamit nak yo̱queb chixqꞌuebal li tumin saꞌ li ca̱x. Nabaleb li biom nabal lix mayej yo̱queb chixqꞌuebal.

Nehemías 10:38

Tento nak cua̱nk junak laj tij xcomoneb li ralal xcꞌajol laj Aarón rochbeneb laj levita nak teꞌxcꞌul li junju̱nk saꞌ xlaje̱tkil. Ut eb laj levita teꞌxcꞌam li junju̱nk saꞌ xlaje̱tkil saꞌ li cab bar naxocman cuiꞌ li cꞌaꞌru re lix templo li Dios.

1 Crónicas 18:11

Li rey David quixkꞌaxtesiheb li ma̱tan aꞌan chiru li Ka̱cuaꞌ rochben li oro ut li plata li quire̱chani nak quipletic riqꞌuineb laj Edom, eb laj Moab, eb laj Amón, eb laj filisteo, ut eb laj Amalec.

2 Reyes 24:13

Quicꞌulman joꞌ quixye li Ka̱cuaꞌ. Li rey Nabucodonosor quirisi saꞌ lix templo li Ka̱cuaꞌ chixjunil li terto xtzꞌak ut quixcꞌam chokꞌ re. Ut quixcꞌam ajcuiꞌ li terto xtzꞌak li cuan saꞌ li rochoch li rey. Ut quixcꞌam ajcuiꞌ chixjunil li nacꞌanjelac saꞌ lix templo li Ka̱cuaꞌ li quixyi̱b riqꞌuin oro laj Salomón lix reyeb laj Israel.

1 Reyes 7:51

Joꞌcaꞌin nak quixchoy xyi̱banquil li cꞌaꞌru quicꞌanjelac saꞌ lix templo li Dios li quixtakla xyi̱banquil li rey Salomón. Ut quixcꞌameb ajcuiꞌ li secꞌ ut li plata ut li oro li ac kꞌaxtesinbil re li Dios xban laj David lix yucuaꞌ. Quixkꞌaxtesiheb saꞌ li naꞌajej li nequeꞌxxoc cuiꞌ li nacꞌanjelac saꞌ li templo.

2 Samuel 8:11

Li rey David quixkꞌaxtesiheb li ma̱tan aꞌan chiru li Ka̱cuaꞌ, rochben li oro ut li plata li quire̱chani

Miqueas 4:13

Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.

2 Crónicas 31:12

Ut saꞌ eb li naꞌajej aꞌan queꞌxxoc li xbe̱n ru li racui̱mkeb li queꞌxqꞌue chokꞌ xmayejeb ut li junju̱nk saꞌ xlaje̱tkil joꞌ ajcuiꞌ chixjunil li mayej li ac kꞌaxtesinbil chiru li Ka̱cuaꞌ. Ut queꞌxxakab laj Conanías laj levita re nak aꞌan ta̱cꞌuluk re rochben laj Simei li ri̱tzꞌin.

2 Crónicas 15:18

Ut quixqꞌue cuiꞌchic saꞌ lix templo li Dios li cꞌaꞌru terto xtzꞌak, li oro ut li plata li quixkꞌaxtesi re li Ka̱cuaꞌ lix yucuaꞌ joꞌ ajcuiꞌ li quixkꞌaxtesi aꞌan.

1 Crónicas 28:12

Quixqꞌue re li retalil chixjunil li quixcꞌoxla xyi̱banquil. Quixqꞌue re li retalil li neba̱l ut eb li naꞌajej li cuan chire li neba̱l. Quixqꞌue ajcuiꞌ li retalileb li naꞌajej li xocxo̱k cuiꞌ li nacꞌanjelac saꞌ lix templo li Dios, joꞌ ajcuiꞌ li mayej li santobresinbil.

1 Crónicas 26:28

Cuanqueb ajcuiꞌ aran li cꞌaꞌak re ru li quikꞌaxtesi̱c chi cꞌanjelac chiru li Ka̱cuaꞌ xbaneb li profeta Samuel, laj Saúl li ralal laj Cis, laj Abner li ralal laj Ner, ut laj Joab lix yum lix Sarvia. Chixjunil li cꞌaꞌak re ru li kꞌaxtesinbil chiru li Ka̱cuaꞌ, aꞌaneb laj Selomit ut eb li rechꞌalal li queꞌcꞌacꞌalen re.

1 Crónicas 26:26

Laj Selomit ut eb li ri̱tzꞌin, aꞌaneb li queꞌcꞌacꞌalen re li cꞌaꞌak re ru li queꞌxkꞌaxtesi chi cꞌanjelac chiru li Dios li rey David, joꞌ eb ajcuiꞌ li nequeꞌtaklan saꞌ xbe̱neb li junju̱nk cabal, ut eb li ni̱nkeb xcuanquil, joꞌ eb ajcuiꞌ li nequeꞌtaklan saꞌ xbe̱neb li junju̱nk chꞌu̱tal chi soldado.

1 Reyes 14:26

Ut quixcꞌam chokꞌ re chixjunil li terto xtzꞌak li xocxo saꞌ li palacio, joꞌ ajcuiꞌ li xocxo saꞌ li templo. Ut quixcꞌam eb ajcuiꞌ li chꞌi̱chꞌ li nequeꞌxram cuiꞌ re xchꞌo̱l, li quixyi̱b riqꞌuin oro laj Salomón.

Jeremías 38:11

Quixcꞌameb li cui̱nk laj Ebed-melec ut qui-oc saꞌ rochoch li rey. Quinumeꞌ rubel li naꞌajej li naxocman cuiꞌ li cꞌaꞌru terto xtzꞌak. Ut quixxoc chak li kꞌel tꞌicr ut quixbacꞌ riqꞌuin cꞌa̱m ut quixcubsi saꞌ li jul re laj Jeremías.

Números 31:22

Tento xnumsinquil saꞌ xam chixjunil li chꞌi̱chꞌ joꞌ li oro, li plata, li bronce, li hierro ut li estaña joꞌ ajcuiꞌ li plomo.

Levítico 19:24

Saꞌ xca̱ li chihab, te̱kꞌaxtesi chixjunil li ru li cheꞌ chokꞌ cue la̱in re xbantioxinquil chicuu.

Números 31:11

Queꞌxcꞌam chirixeb chixjunil li cꞌaꞌru queꞌxxoc. Queꞌxcꞌam li cristian joꞌ eb ajcuiꞌ lix queto̱mkeb.

Números 31:12

Queꞌxcꞌam chixjunil riqꞌuineb laj Moisés ut laj Eleazar laj tij ut riqꞌuineb laj Israel li cuanqueb saꞌ li ru takꞌa Moab li cuan chire li nimaꞌ Jordán. Li naꞌajej aꞌan nacana saꞌ xcaꞌyaba̱l li tenamit Jericó.

Josué 7:11

Eb laj Israel xeꞌma̱cob ut xeꞌxkꞌet li contrato li xinba̱nu riqꞌuineb nak xinye reheb nak incꞌaꞌ teꞌxxoc li cꞌaꞌak re ru ac kꞌaxtesinbil re ta̱sachekꞌ. Eb aꞌan xeꞌrelkꞌa li cꞌaꞌru incꞌaꞌ raj xeꞌxchꞌeꞌ ut xeꞌticꞌtiꞌic. Ut li cꞌaꞌru xeꞌxxoc, xeꞌxqꞌue saꞌ xya̱nk li cꞌaꞌruheb re.

1 Crónicas 26:27

Li cꞌaꞌak re ru li queꞌre̱chani chak saꞌ eb li ple̱t, aꞌan li queꞌxkꞌaxtesi chi cꞌanjelac re xyi̱banquil lix templo li Ka̱cuaꞌ.