Josué 6:17 - Li Santil hu

¹⁷ Li tenamit aꞌan, ut chixjunil li cuan chi saꞌ ta̱sachma̱nk ru joꞌ quixye ke li Ka̱cuaꞌ. Caꞌaj cuiꞌ lix Rahab xcomoneb li nequeꞌxcꞌayi rib, aꞌan ta̱colekꞌ rochbeneb li cuanqueb saꞌ li rochoch xban nak aꞌan li quimukuc reheb li cui̱nk li queꞌtakla̱c chi qꞌuehoc etal.

Q'eqchi Bible

¹⁷ Li tenamit a'in ut chixjunil li k'a'aq re ru wank chisa', sachb'ilaq ru chi junajwa sa' xk'ab'a' li Qaawa'. Ka'ajwi' lix Rajab laj yumb'eet taakanaaq chi yo'yo rochb'eeneb' li wankeb' sa' rochoch, xb'aan naq kixmuqeb' li winq kiqataqlaheb' chaq chi k'ehok eetal.

Josué 6:17 ပူးပေါင်းရင်းမြစ်များ

Deuteronomio 20:17

Te̱sach ruheb chi junaj cua eb laj heteo, eb laj amorreo, eb laj cananeo, eb laj ferezeo, ut eb laj heveo, joꞌ eb ajcuiꞌ laj jebuseo, joꞌ quixye e̱re li Ka̱cuaꞌ le̱ Dios.

Santiago 2:25

Lix Rahab, aꞌan xcomoneb li ixk li nequeꞌxcꞌayi rib nak quicuan. Abanan quixtenkꞌaheb laj qꞌuehol etal chixsicꞌbal jalan chic be re nak teꞌxcol ribeb. Riqꞌuin li usilal quixba̱nu lix Rahab, li Dios quixye nak ti̱c xchꞌo̱l.

Miqueas 4:13

Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.

Hebreos 11:31

Lix Rahab aꞌan jun ixk naxcꞌayi rib nak quicuan. Xban nak quipa̱ban, quixtenkꞌaheb laj Israel li queꞌchal chixqꞌuebal retal li tenamit. Xban lix pa̱ba̱l, lix Rahab incꞌaꞌ quicam saꞌ xya̱nkeb li incꞌaꞌ queꞌpa̱ban re li Dios.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

Gálatas 3:12

Li chakꞌrab incꞌaꞌ naxye nak topa̱ba̱nk. Caꞌaj cuiꞌ naxye nak tento xba̱nunquil li naxye re nak ta̱cua̱nk li kayuꞌam. Joꞌcaꞌin tzꞌi̱banbil saꞌ li chakꞌrab: Li ani naxba̱nu chixjunil li naxye li chakꞌrab, li jun aꞌan ta̱cua̱nk xyuꞌam. (Lev. 18:5)

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

1 Corintios 2:7

Abanan la̱in ninchꞌolob xya̱lal li naꞌleb li quixqꞌue li Dios. Li naꞌleb aꞌan mukmu nak quicuan chak junxil. Incꞌaꞌ natauman ru nak quicuan. Abanan chalen chak najter kꞌe cutan nak toj ma̱jiꞌ quixyi̱b li ruchichꞌochꞌ ac cuan chak saꞌ xchꞌo̱l li Dios nak tixqꞌue li kalokꞌal ut li kalokꞌal, aꞌan li kacolbal.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Génesis 12:3

Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

Ezequiel 39:17

Li nimajcual Dios quixye cue; —At ralal cui̱nk, bokeb li joskꞌ aj xul ut eb li qꞌuila pa̱y ru li xul li nequeꞌrupupic re teꞌcha̱lk saꞌ li mayejac li yo̱quin chixcauresinquil. Aꞌan jun nimla mayejac saꞌ eb li tzu̱l li cuanqueb Israel. Ta̱cua̱nk li tib re teꞌxtiu ut ta̱cua̱nk li quicꞌ re teꞌrucꞌ.

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Isaías 34:6

Nak teꞌcamsi̱k chanchan nak lix chꞌi̱chꞌ li Ka̱cuaꞌ ta̱osokꞌ saꞌ lix quiqꞌueleb ut saꞌ lix xe̱b. Chanchan nak nequeꞌcamsi̱c li cocꞌ carner ut eb li chiba̱t nak nequeꞌxqꞌue lix mayej. Chanchan nak li Ka̱cuaꞌ oc re xqꞌuebal li cꞌatbil mayej aran Bosra. Ma̱ caꞌchꞌin li camsi̱nc ta̱cua̱nk aran Edom.

Esdras 10:8

Eb li cuanqueb saꞌ xcuanquil ut eb li nequeꞌcꞌamoc be saꞌ xya̱nkeb laj judío queꞌxcꞌu̱b ru nak li ani incꞌaꞌ ta̱cuulak chiru oxib cutan, ta̱isi̱k chiru chixjunil li cꞌaꞌru cuan re ut ta̱isi̱k ajcuiꞌ aꞌan saꞌ xya̱nkeb laj Israel li queꞌsukꞌi Jerusalén.

1 Samuel 15:6

Quixtakla xyebal reheb laj Ceneo: —Elenkex saꞌ xya̱nkeb laj Amalec re nak incꞌaꞌ texsachekꞌ rochbeneb aꞌan. Incꞌaꞌ texsachekꞌ xban nak la̱ex xeril xtokꞌoba̱l ruheb laj Israel nak queꞌel Egipto, chan. Ut eb laj Ceneo queꞌel saꞌ xya̱nkeb laj Amalec.

Josué 7:1

Jun li cui̱nk aj Acán xcꞌabaꞌ, xcomoneb li ralal xcꞌajol laj Judá, quixxoc chokꞌ re li cꞌaꞌru ac kꞌaxtesinbil xban li Dios re sachecꞌ. Laj Acán, aꞌan li ralal laj Carmi. Laj Carmi, aꞌan li ralal laj Zabdi ut laj Zabdi, aꞌan li ralal laj Zera. Li ma̱c quixba̱nu laj Acán, li Dios quixqꞌue saꞌ xbe̱neb chixjunileb li ralal xcꞌajol laj Israel, ut cꞌajoꞌ nak quijoskꞌoꞌ saꞌ xbe̱neb.

Josué 2:22

Li cuibeb laj qꞌuehol etal queꞌco̱eb saꞌ li naꞌajej li tzu̱l ru ut aran queꞌxmuk ribeb chiru oxib cutan. Ut eb li soldado yo̱queb chixsicꞌbal yalak bar. Ut ma̱ bar queꞌxtauheb. Joꞌcan nak queꞌsukꞌi Jericó eb li soldado.

Josué 2:1

Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Levítico 27:21

Ut nak ta̱cana̱k libre li chꞌochꞌ saꞌ li chihab re sahil chꞌo̱lejil, li chꞌochꞌ aꞌan kꞌaxtesinbil re li Ka̱cuaꞌ. Ut ta̱cana̱k chokꞌ reheb laj tij.