Josué 6:15 - Li Santil hu

¹⁵ Saꞌ li xcuuk li cutan queꞌcuacli toj ekꞌela chi us ut queꞌco̱eb chixsutinquil rix li tenamit joꞌ queꞌxba̱nu xbe̱n cua. Abanan anakcuan cuukub sut queꞌxsuti rix li tenamit.

Q'eqchi Bible

¹⁵ Sa' xwuq li kutan, naq kihik'e'k, ke'wakliik ut wuqub' sut ke'xsuti li tenamit jo' k'aynaqeb' xb'aanunkil. Ka'ajwi' sa' li kutan a'an ke'xsuti li tenamit wuqub' sut.

Josué 6:15 ပူးပေါင်းရင်းမြစ်များ

Salmos 119:147

Nincuacli ekꞌela ut nintijoc ut nintzꞌa̱ma intenkꞌanquil cha̱cuu. La̱ cua̱tin naxqꞌue xcacuil inchꞌo̱l.

2 Pedro 1:19

Riqꞌuin aꞌin nakanau nak relic chi ya̱l na-uxman li cꞌaꞌru tzꞌi̱banbil chak najter xbaneb li profeta. Us cui te̱qꞌue retal li quilajeꞌxtzꞌi̱ba chak li profeta. Aꞌan naxcutanobresi chiku joꞌ junak xam nacutanobresin saꞌ junak naꞌajej kꞌojyi̱n ru. Li Ka̱cuaꞌ Jesucristo naxcutanobresi saꞌ li ka̱m joꞌ nak naxcutanobresi ru li kꞌojyi̱n li cak chahim nak sake̱uc re.

San Mateo 28:1

Nak ac xnumeꞌ li hiloba̱l cutan, sake̱uc re li xbe̱n cutan re li xama̱n, quicuulac lix María aj Magdala rochben lix María jun chic chirilbal li mukleba̱l.

Hebreos 11:30

Xban lix pa̱ba̱leb laj Israel, cuukub cutan queꞌxsuti rix li tenamit Jericó. Ut saꞌ xcuuk li cutan quitꞌaneꞌ li tzꞌac li sutsu cuiꞌ li tenamit. Ut queꞌre̱chani li tenamit.

Josué 6:14

Ut saꞌ xcab li cutan queꞌxsuti cuiꞌchic rix li tenamit ut queꞌsukꞌi cuiꞌchic saꞌ lix naꞌajeb. Joꞌcaꞌin queꞌxba̱nu chiru cuakib cutan.

Josué 6:16

Ut nak eb laj tij queꞌxya̱basi li xucub saꞌ li xcuuk sut, laj Josué quixye reheb lix soldado: —Japomak e̱re xban nak li Ka̱cuaꞌ xkꞌaxtesi saꞌ kukꞌ li tenamit Jericó.

Josué 3:1

Joꞌ cuulajak chic ekꞌela queꞌel Sitim laj Josué rochbeneb chixjunileb laj Israel ut queꞌco̱eb. Queꞌcuulac cuan cuiꞌ li nimaꞌ Jordán. Abanan incꞌaꞌ queꞌnumeꞌ jun pacꞌal. Toj queꞌcana chi hila̱nc aran.