Josué 5:7 - Li Santil hu

⁷ Eb chic li ralal xcꞌajol eb aꞌan queꞌcana chokꞌ re̱kajeb xban nak joꞌcan quixye li Dios. Xban nak toj ma̱jiꞌ nequeꞌxcꞌul li circuncisión nak yo̱queb chi numecꞌ saꞌ li chaki chꞌochꞌ, joꞌcan nak laj Josué quixba̱nu li circuncisión reheb.

Q'eqchi Bible

⁷ A'eb' chik li ralal xk'ajoleb' ke'kanaak cho'q reeqajeb' xb'aan naq jo'kan yeeb'il xb'aan li Yos. Laj Josué kixb'aanu li sirkunsisyon reheb' xb'aan naq maji' uxb'il reheb' chiru li xb'eenikeb'.

Josué 5:7 ပူးပေါင်းရင်းမြစ်များ

Deuteronomio 1:39

Teꞌoc le̱ ralal e̱cꞌajol li toj ma̱jiꞌ nequeꞌxqꞌue retal cꞌaꞌru li us ut cꞌaꞌru li incꞌaꞌ us. Aꞌaneb li queye nak teꞌchapekꞌ ut teꞌcꞌamekꞌ chi pre̱xil, abanan la̱in tinqꞌue li naꞌajej reheb aꞌan. Aꞌaneb li teꞌe̱chani̱nk re.

Números 14:31

Abanan le̱ ralal e̱cꞌajol li queye nak teꞌchapekꞌ xbaneb li xicꞌ nequeꞌiloc e̱re, aꞌan eb li tebinqꞌue chi cua̱nc aran saꞌ li naꞌajej li xetzꞌekta̱na.

Josué 5:6

Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Josué 5:8

Nak ac xeꞌxcꞌul li circuncisión chixjunileb, queꞌcana saꞌ li naꞌajej aꞌan chi hila̱nc saꞌ lix muheba̱leb toj queꞌqꞌuira.

Génesis 34:14

Queꞌxye reheb: —Incꞌaꞌ naru takaqꞌue li kanab re junak cui̱nk ma̱jiꞌ naxcꞌul li circuncisión xban nak xuta̱nal aꞌan saꞌ kaya̱nk la̱o, chanqueb.