Josué 5:1 - Li Santil hu

¹ Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Q'eqchi Bible

¹ Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Josué 5:1 ပူးပေါင်းရင်းမြစ်များ

Números 13:29

Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

1 Reyes 10:5

Ut quixqꞌue ajcuiꞌ retal li tzacae̱mk li nequeꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

Apocalipsis 18:10

Cꞌajoꞌ nak teꞌxucuak chirilbal li cꞌaꞌru tixcꞌul li tenamit. Teꞌxakli̱k chi najt riqꞌuin xban xxiuheb ut teꞌxye: Tokꞌob ru li tenamit Babilonia li nim xcuanquil nak quicuan. Tokꞌob ru lix nimal ru tenamit. Chiru jun cꞌamoc xrakeꞌ a̱tin saꞌ xbe̱neb.

Amós 2:9

Abanan re e̱colbal la̱ex aj Israel xebinsach laj amorreo, usta kꞌaxal ni̱nkeb rok, joꞌ li caki cheꞌ chacalteꞌ. Usta kꞌaxal cau ribeb joꞌ li ji, xebinsach chi junaj cua.

Daniel 5:6

Ut quisakquirinoꞌ li riloba̱l li rey xban xxiu ut qui-oc xcꞌaꞌux ut nasicsot xban xxiu toj retal nequeꞌxtochꞌ rib li xbe̱n rak.

Ezequiel 21:7

Nak teꞌxpatzꞌ a̱cue cꞌaꞌut nak yo̱cat chi ya̱bac, la̱at ta̱ye reheb, “Yo̱quin chi ya̱bac xban resil li raylal li cha̱lc re.” Nak te̱rabi resil la̱ex, cꞌajoꞌ nak texxucuak. Ma̱cꞌaꞌak chic xmetzꞌe̱u le̱ rok e̱rukꞌ. Sicsotkex aj chic xban e̱xiu ut chixjunilex ta̱chꞌina̱nk e̱chꞌo̱l. Cuulac re xkꞌehil. Relic chi ya̱l ta̱cꞌulma̱nk, chan li nimajcual Dios.

Ezequiel 16:3

Ta̱ye reheb nak li nimajcual Dios naxye chi joꞌcaꞌin chirixeb laj Jerusalén. La̱at catyoꞌla aran Canaán. La̱ yucuaꞌ, aꞌan aj amorreo ut la̱ naꞌ, aꞌan aj hetea.

Salmos 135:11

Quixqꞌue chi camsi̱c laj Sehón lix reyeb laj amorreo. Quixqꞌue chi camsi̱c laj Og lix reyeb laj Basán. Ut quixqꞌueheb ajcuiꞌ chi camsi̱c chixjunileb li rey li queꞌcuan Canaán.

Esdras 9:1

Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.

2 Samuel 21:2

Laj David quixbokeb li cuanqueb Gabaón re ta̱a̱tinak riqꞌuineb. (Eb li cuanqueb Gabaón ma̱cuaꞌ xcomoneb li ralal xcꞌajol laj Israel. Xcomoneb ban laj amorreo. Ut eb laj Israel queꞌxye junxil saꞌ juramento nak incꞌaꞌ teꞌxcamsiheb. Abanan laj Saúl quixsicꞌ xya̱lal chanru nak tixcamsiheb xban nak quiraj li us chokꞌ reheb li ralal xcꞌajol laj Israel ut reheb li ralal xcꞌajol laj Judá.)

1 Samuel 25:37

Cuulajak chic nak ac xnumeꞌ xcalajic laj Nabal, li rixakil quixserakꞌi re li cꞌaꞌru quicꞌulman. Cꞌajoꞌ nak qui-oc xcꞌaꞌux laj Nabal chirabinquil aꞌan. Quisach xnaꞌleb ut incꞌaꞌ chic qui-ecꞌan.

Jueces 11:23

Li Ka̱cuaꞌ li kaDios la̱o aj Israel, aꞌan li quikꞌaxtesin saꞌ kukꞌ chixjunil lix naꞌajeb laj amorreo. ¿Ma la̱ex texmakꞌok re chiku chi joꞌcanan?

Jueces 4:2

Joꞌcan nak li Ka̱cuaꞌ quixkꞌaxtesiheb saꞌ rukꞌ laj Jabín lix reyeb laj Canaán. Aꞌan nataklan saꞌ li tenamit Hazor. Li cui̱nk li nacꞌamoc be saꞌ xya̱nkeb lix soldado li rey Jabín, aꞌan laj Sísara. Aꞌan nacuan saꞌ li naꞌajej Haroset-goim.

Jueces 3:3

Aꞌaneb aꞌin li tenamit li queꞌcanaba̱c saꞌ li naꞌajej Canaán: eb li o̱b chi rey li queꞌtaklan saꞌ xbe̱neb laj filisteo, chixjunileb laj cananeo, eb laj Sidón, ut eb laj heveo li queꞌcuan saꞌ eb li tzu̱l re Líbano, li naticla saꞌ li tzu̱l Baal-hermón toj saꞌ li naꞌajej Hamat.

Jueces 1:1

Nak ac xcam laj Josué, eb laj Israel queꞌtijoc chiru li Ka̱cuaꞌ ut queꞌxye re: —¿Ani ke xbe̱n cua teꞌxic chi pletic riqꞌuineb laj Canaán? chanqueb.

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Josué 17:18

La̱ex te̱re̱chani chixjunil li naꞌajej li tzu̱l ru ut te̱cꞌale. Ta̱cꞌanjelak che̱ru li qꞌuicheꞌ. Te̱risiheb laj cananeo saꞌ li naꞌajej aꞌan. Usta cuanqueb xcarruaje re pletic ut usta kꞌaxal cauheb rib, la̱ex tex-e̱chani̱nk re, chan.

Josué 17:12

Eb li ralal xcꞌajol laj Manasés incꞌaꞌ queꞌru risinquileb laj cananeo saꞌ xya̱nkeb xban nak eb laj cananeo incꞌaꞌ queꞌraj e̱lc saꞌ li naꞌajej aꞌan. Joꞌcan nak queꞌcana chi cua̱nc saꞌ xya̱nkeb.

Éxodo 23:28

La̱in tinqꞌueheb chi sachc xnaꞌlebeb xban xxiuheb laj heveo, eb laj cananeo joꞌ eb ajcuiꞌ laj heteo ut teꞌe̱lelik che̱ru.

Génesis 48:22

La̱in numtajenak xqꞌuial li cꞌaꞌak re ru li xinqꞌue a̱cue chiruheb la̱ cuas. Anakcuan tinkꞌaxtesi a̱cue li naꞌajej Siquem li xincue̱chani nak xinpletic riqꞌuineb laj amorreo, chan laj Jacob re laj José.

Génesis 12:6

Laj Abram yo̱ chi numecꞌ saꞌ li tenamit aꞌan nak coxtau li naꞌajej Siquem. Aran cuan jun to̱n li cheꞌ ji re jun li cui̱nk aj More xcꞌabaꞌ. Saꞌ li naꞌajej aꞌan cuanqueb laj cananeo.

Isaías 41:5

Eb li najtil tenamit queꞌril li cꞌaꞌru yo̱ chi cꞌulma̱nc ut queꞌxucuac. Li cuanqueb saꞌ chixjunil li ruchichꞌochꞌ queꞌoc xxiuheb. Joꞌcan nak queꞌxchꞌutub ribeb chi cha̱lc.

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

Josué 3:17

Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.