Josué 4:6 - Li Santil hu

⁶ Li pec aꞌin ta̱cꞌanjelak ke chokꞌ retalil li cꞌaꞌru quixba̱nu li Ka̱cuaꞌ. Mokon eb le̱ ralal e̱cꞌajol teꞌxpatzꞌ e̱re, “¿Cꞌaꞌru aj e li pec aꞌin?” chaꞌkeb.

Q'eqchi Bible

⁶ re naq a'anaq jun li loq'laj eetalil sa' eeyanq. Naq wulaj kab'ej leeralal eek'ajol te'xpatz' eere: «K'aru xyaalal eb' li pek a'in?», cha'qeb',

Josué 4:6 ပူးပေါင်းရင်းမြစ်များ

Éxodo 13:14

Mokon chic le̱ ralal e̱cꞌajol teꞌxpatzꞌ e̱re cꞌaꞌru xya̱lal li nequeba̱nu. La̱ex te̱ye reheb, “Nakaba̱nu aꞌin re xjulticanquil nak riqꞌuin xnimal xcuanquilal li Dios corisi chak saꞌ li tenamit Egipto bar cocuan cuiꞌ chak chokꞌ rahobtesinbil mo̱s.

Josué 4:21

Ut quixye reheb laj Israel: —Mokon eb le̱ ralal e̱cꞌajol teꞌxpatzꞌ e̱re: “¿Cꞌaꞌru aj e li pec aꞌin?” chaꞌkeb.

Salmos 44:1

At kaDios, ac xkabi resil li joꞌ qꞌuial caba̱nu chak najter. Eb li kanaꞌ kayucuaꞌ queꞌxserakꞌi ke chanru nak catenkꞌaheb chak najter.

Josué 22:27

Xkayi̱b ban joꞌ retalil chokꞌ ke ut chokꞌ e̱re la̱ex ut reheb ajcuiꞌ li kalal kacꞌajol li teꞌcua̱nk mokon. Xkayi̱b re xcꞌutbal nak la̱o naru ajcuiꞌ nakalokꞌoni li Ka̱cuaꞌ Dios ut naru ajcuiꞌ toxic saꞌ li tabernáculo re xqꞌuebal li kamayej ut li cꞌatbil mayej re xtzꞌa̱manquil xcuybal li kama̱c ut re ajcuiꞌ xcꞌambal kib saꞌ usilal riqꞌuin li Dios. Chi joꞌcan eb le̱ ralal e̱cꞌajol incꞌaꞌ naru teꞌxye reheb li kalal kacꞌajol nak incꞌaꞌ naru teꞌxic chixlokꞌoninquil li Dios.

Deuteronomio 11:19

Ut te̱cꞌut ajcuiꞌ li ra̱tin li Dios chiruheb le̱ ralal e̱cꞌajol. Junelic te̱serakꞌi reheb nak cua̱nkex saꞌ le̱ rochoch ut nak yo̱kex chi be̱c, nak oc e̱re chi cua̱rc, ut joꞌcan ajcuiꞌ nak texcuacli̱k.

Isaías 55:13

Chokꞌ re̱kaj li qꞌuix ta̱yoꞌla̱k li ciprés. Ut chokꞌ re̱kaj li cuara qꞌuix ta̱yoꞌla̱k li cuau̱t. Riqꞌuin aꞌan ta̱cꞌutu̱nk nak kꞌaxal nim xcuanquil li Ka̱cuaꞌ. Ut li retalil aꞌin ma̱ jokꞌe ta̱sachma̱nk. Ta̱cua̱nk ban chi junelic.

Isaías 38:19

Caꞌaj cuiꞌ li yoꞌyo̱queb teꞌqꞌuehok a̱lokꞌal. Joꞌ la̱in yoꞌyo̱quin ut yo̱quin chixqꞌuebal a̱lokꞌal anakcuan. Eb li yucuaꞌbej nequeꞌxserakꞌi reheb li ralal xcꞌajol nak kꞌaxal cha̱bilat.

Salmos 71:18

At inDios, mina̱canab injunes anakcuan nak ac ti̱xin chic ut sak chic injolom xban nak tento tinye resil la̱ cuanquilal reheb li tenamit aꞌin ut reheb li alal cꞌajolbej li teꞌyoꞌla̱k mokon.

Hechos 2:39

Yechiꞌinbil e̱re la̱ex li ma̱tan aꞌin, ut yechiꞌinbil ajcuiꞌ reheb le̱ ralal e̱cꞌajol ut reheb ajcuiꞌ li ma̱cuaꞌeb aj judío. Yechiꞌinbil reheb chixjunileb li joꞌ qꞌuialeb teꞌbokekꞌ xban li Ka̱cuaꞌ li kaDios, chan.

Ezequiel 20:20

Cheqꞌuehak xlokꞌal lin hiloba̱l cutan li quinsantobresi chokꞌ retalil chokꞌ cue ut chokꞌ e̱re ajcuiꞌ la̱ex nak la̱in le̱ Dios.

Ezequiel 20:12

La̱in quinye reheb nak teꞌx-oxlokꞌi li hiloba̱l cutan chokꞌ retalil li contrato li xkaba̱nu chi kibil kib nak la̱in li Ka̱cuaꞌ ninsantobresin reheb.

Números 16:38

Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

Éxodo 31:13

—Ta̱ye aꞌin reheb laj Israel, “Che-oxlokꞌi li hiloba̱l cutan ut cheba̱nu li cꞌaꞌru xinye e̱re. Cui la̱ex te̱ba̱nu li cꞌaꞌru xinye e̱re, aꞌan ta̱cꞌanjelak chokꞌ retalil chicuu joꞌ ajcuiꞌ che̱ru la̱ex nak la̱in li Ka̱cuaꞌ Dios ut la̱ex sicꞌbil e̱ru inban. Ta̱cꞌanjelak ajcuiꞌ chokꞌ retalil chiruheb le̱ ralal e̱cꞌajol.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

Josué 4:5

Ut quixye reheb: —Numenkex chi ubej chiru lix Lokꞌlaj Ca̱x li Ka̱cuaꞌ, li cuan saꞌ xyi li nimaꞌ. Che̱junju̱nkal te̱sicꞌ jun li pec ut te̱cꞌam saꞌ xbe̱n e̱tel ut texnumekꞌ jun pacꞌal li nimaꞌ. Li cablaju chi pec, aꞌan retalil li cablaju te̱p chi tenamit.