Josué 4:3 - Li Santil hu

³ Ta̱ye reheb nak teꞌxxoc junju̱nkak xpequeb saꞌ xyi li nimaꞌ bar xakxo̱queb cuiꞌ laj tij ut teꞌxcꞌam. Ut teꞌxtus saꞌ li naꞌajej bar texhila̱nk cuiꞌ chiru li kꞌojyi̱n aꞌin, chan.

Q'eqchi Bible

³ ut taaye reheb': Sa' li nima' Jordán, b'arwi' xe'xaqliik eb' laj tij, xokomaq kab'laju chi pek li teek'am ut toxeek'e sa' li na'ajej b'arwi' texhilanq chiru li q'oqyink a'in”.

Josué 4:3 ပူးပေါင်းရင်းမြစ်များ

Josué 4:8

Ut eb li cablaju chi cui̱nk queꞌxba̱nu joꞌ quixye laj Josué. Queꞌxxoc li cablaju chi pec saꞌ xyi li nimaꞌ Jordán joꞌ quiyeheꞌ re laj Josué xban li Dios. Aꞌan retalil li cablaju te̱p chi tenamit re Israel. Queꞌxcꞌam li pec ut queꞌxchꞌutub saꞌ li naꞌajej bar queꞌhilan cuiꞌ.

Josué 3:13

Nak teꞌxxakab li rokeb saꞌ li nimaꞌ Jordán eb laj tij li yo̱keb chi cꞌamoc re lix Lokꞌlaj Ca̱x li Ka̱cuaꞌ laj e̱chal re chixjunil li ruchichꞌochꞌ, li haꞌ tixjach rib chi ribil rib. Li rok li haꞌ li nachal chak takecꞌ tixtu̱b rib. Incꞌaꞌ chic ta̱be̱k, chan laj Josué.

San Lucas 19:40

Li Jesús quichakꞌoc ut quixye reheb: —La̱in ninye e̱re nak cui eb lin tzolom teꞌxcanab xqꞌuebal inlokꞌal, aꞌ chic li pec teꞌxjap re chixqꞌuebal inlokꞌal, chan li Jesús.

Salmos 103:2

Tinlokꞌoni ru li Ka̱cuaꞌ ut incꞌaꞌ ta̱sachk saꞌ inchꞌo̱l nak aꞌan kꞌaxal cha̱bil cuiqꞌuin.

Salmos 11:4

Abanan la̱in ninye a̱cue: Li Ka̱cuaꞌ Dios cuan chak saꞌ li Santil Naꞌajej ut kꞌaxal nim xcuanquil. Li Ka̱cuaꞌ Dios naril chixjunileb. Aꞌan naxnau cꞌaꞌru nequeꞌxba̱nu.

1 Samuel 7:12

Laj Samuel quixchap jun li pec ut quixxakab saꞌ xyi li cuib chi tenamit Mizpa ut Sen. Ut quixqꞌue chokꞌ xcꞌabaꞌ “Eben-ezer” ut quixye: —Toj chalen anakcuan li Ka̱cuaꞌ yo̱ chi tenkꞌa̱nc ke, chan.

Josué 24:27

Ut quixye reheb laj Israel: —Li pec aꞌin ta̱cꞌanjelak e̱re chokꞌ retalil nak la̱ex xesume xba̱nunquil chixjunil li joꞌ qꞌuial xye ke li Ka̱cuaꞌ Dios. Nak te̱ril li pec aꞌin, ta̱julticokꞌ e̱re li cꞌaꞌru xeye cui incꞌaꞌ yo̱quex chixba̱nunquil li cꞌaꞌru quesume xba̱nunquil. Li pec aꞌin ta̱cꞌanjelak re nak incꞌaꞌ texcana̱k chokꞌ aj ticꞌtiꞌ chiru li Ka̱cuaꞌ li kaDios, chan laj Josué.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Josué 4:4

Ut laj Josué quixbokeb li cablaju chi cui̱nk li quixsiqꞌueb ru saꞌ xya̱nkeb li ralal xcꞌajol laj Israel. Junju̱nk quixsicꞌ ru saꞌ li ju̱nk te̱p.