Josué 4:24 - Li Santil hu

²⁴ Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

Q'eqchi Bible

²⁴ Chi jo'kan chixjunileb' li tenamit li wankeb' sa' ruuchich'och' te'xk'e reetal li xnimal xwankil li Qaawa', ut laa'ex junelik teeroxloq'i li Qaawa' leeYos”.

Josué 4:24 ပူးပေါင်းရင်းမြစ်များ

Salmos 106:8

Abanan li Ka̱cuaꞌ quicoloc reheb joꞌ quixye reheb. Quixcꞌut chiruheb lix cuanquil re nak ta̱qꞌuehekꞌ xlokꞌal.

Salmos 89:13

Kꞌaxal nim la̱ cuanquil ut kꞌaxal cau a̱cuib. La̱at yal a̱cue saꞌ xbe̱n chixjunil xban nak nim a̱cuanquil.

1 Crónicas 29:12

La̱at nacatqꞌuehoc re li biomal ut li lokꞌal. La̱at yal a̱cue saꞌ xbe̱n chixjunil. Saꞌ a̱cuukꞌ cuan li cacuilal ut li cuanquilal. La̱at nacatqꞌuehoc re li junju̱nk lix cacuilal ut lix cuanquilal.

2 Reyes 19:19

At Ka̱cuaꞌ, at kaDios, choa̱col taxak saꞌ rukꞌ lix reyeb laj Asiria re nak chixjunileb li xni̱nkal ru tenamit li cuanqueb saꞌ ruchichꞌochꞌ teꞌxqꞌue retal nak caꞌaj cuiꞌ la̱at li Ka̱cuaꞌ li tzꞌakal Dios, chan laj Ezequías.

Éxodo 15:16

Chacuocsiheb taxak xxiuheb chixjunil li tenamit. Mem ta cheꞌcana̱k nak teꞌrabi lix nimal la̱ cuanquilal re nak la̱o li tenamit li xasicꞌ ru tonumekꞌ saꞌ xya̱nkeb.

Éxodo 14:31

Ut eb laj Israel queꞌxxucua ru ut queꞌxlokꞌoni li Ka̱cuaꞌ Dios nak queꞌril li quixba̱nu reheb laj Egipto. Queꞌxpa̱b li Dios ut queꞌabin chiru laj Moisés xban nak aꞌan aj cꞌanjel chiru li Dios.

Deuteronomio 6:2

Tincꞌut li chakꞌrab che̱ru re nak la̱ex ut eb le̱ ralal e̱cꞌajol ut eb le̱ ri te̱xucua ru li Ka̱cuaꞌ le̱ Dios. Junelic te̱ba̱nu lix chakꞌrab ut le̱ taklanquil xban re nak ta̱najtokꞌ rok le̱ yuꞌam.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

Salmos 89:7

Chixjunileb li santil ángel nequeꞌxqꞌue a̱lokꞌal xban nak kꞌaxal nim la̱ cuanquil. La̱at xucuanbil a̱cuu xbaneb chixjunileb li cuanqueb saꞌ choxa.

2 Reyes 5:15

Laj Naamán qui-el saꞌ li nimaꞌ ut co̱ cuiꞌchic saꞌ rochoch li profeta Eliseo rochben chixjunileb lix mo̱s. Ut laj Naamán quixye re laj Eliseo: —Anakcuan xinqꞌue retal nak ma̱cꞌaꞌ chic junak Dios saꞌ chixjunil li ruchichꞌochꞌ. Caꞌaj cuiꞌ arin Israel. Joꞌcan nak nintzꞌa̱ma cha̱cuu nak ta̱cꞌul junak la̱ ma̱tan tinsi a̱cue, chan laj Naamán.

1 Samuel 17:46

Anakcuan ajcuiꞌ tatxkꞌaxtesi saꞌ cuukꞌ li Ka̱cuaꞌ. La̱in tinnumta̱k saꞌ a̱be̱n ut tinset la̱ cux. Ut tinqꞌue lix tibeleb li soldados aj filisteo chixtiuheb li xul li nequeꞌrupupic, joꞌ ajcuiꞌ li joskꞌ aj xul. Ut chixjunileb li cuanqueb saꞌ ruchichꞌochꞌ teꞌxqꞌue retal nak lix Dios eb laj Israel kꞌaxal nim xcuanquil.

Éxodo 20:20

Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Deuteronomio 28:10

Ut chixjunileb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ quisicꞌoc chak e̱ru chokꞌ ralal xcꞌajol ut teꞌxucuak e̱ban.

1 Reyes 8:60

Choxtenkꞌa taxak re nak eb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan li tzꞌakal Dios. Ma̱cꞌaꞌ chic junak joꞌ aꞌan.

1 Reyes 8:40

Cui ta̱ba̱nu chi joꞌcan riqꞌuineb, teꞌxxucua a̱cuu joꞌ najtil teꞌcua̱nk saꞌ li chꞌochꞌ li caqꞌue reheb li kaxeꞌto̱nil yucuaꞌ.

Li xHu LAJ JOB 40:9

¿Ma kꞌaxal nim ta biꞌ la̱ cuanquil joꞌ la̱in? Ut, ¿ma chanchan ta biꞌ nak namok li ca̱k nak nacat-a̱tinac la̱at?

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.