Josué 4:23 - Li Santil hu

²³ Li Ka̱cuaꞌ li kaDios quixchakihobresi li nimaꞌ Jordán li joꞌ nimal tonumekꞌ cuiꞌ joꞌ nak quixchakihobresi li Caki Palau li joꞌ nimal conumeꞌ cuiꞌ chak junxil.

Q'eqchi Bible

²³ Xb'aan naq li Qaawa' leeYos kixchaqihob'resi li nima' cheru toj reetal kexnume'k chaq. A'an ajwi' kixb'aanu chaq li Qaawa' leeYos sa' li Kaqipalaw: kixchaqihob'resi toj reetal koonume'k chaq.

Josué 4:23 ပူးပေါင်းရင်းမြစ်များ

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Isaías 43:16

Najter kꞌe cutan la̱in quexinqꞌue chi numecꞌ saꞌ li palau. La̱in quinramoc re li haꞌ re nak incꞌaꞌ chic ta̱be̱k.

Salmos 78:13

Quixjach ru li haꞌ ut quixnumsiheb jun pacꞌal li Caki Palau. Chanchan jun li tzꞌac nak quixakli li haꞌ ut chaki queꞌnumeꞌ cuiꞌ.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

1 Reyes 8:43

Ut la̱at, at Ka̱cuaꞌ, toj saꞌ li choxa li cuancat cuiꞌ, ta̱cuabi lix tijeb. Ut ta̱sume li cꞌaꞌru teꞌxtzꞌa̱ma cha̱cuu li jalaneb xtenamit re nak chixjunileb li cuanqueb saꞌ ruchichꞌochꞌ teꞌxnau nak nim a̱cuanquil ut teꞌxxucua a̱cuu joꞌ nakaba̱nu la̱o aj Israel. Ut re ajcuiꞌ nak teꞌxqꞌue retal nak la̱at li tatlokꞌoni̱k saꞌ li templo aꞌin li xinyi̱b la̱in.

Éxodo 15:19

Chixjunileb lix cacua̱yeb ut lix carruaje, joꞌ ajcuiꞌ chixjunileb lix soldado laj faraón quilajeꞌco̱eb rubel li haꞌ nak quixjunaji rib li palau xban xcuanquil li Ka̱cuaꞌ Dios. Abanan la̱o aj Israel conumeꞌ saꞌ chaki chꞌochꞌ saꞌ xyi li palau.