Josué 4:22 - Li Santil hu

²² Ut la̱ex te̱chꞌolob chiruheb chanru nak eb laj Israel queꞌnumeꞌ jun pacꞌal li nimaꞌ Jordán ut chaki li queꞌnumeꞌ cuiꞌ.

Q'eqchi Bible

²² teech'olob' chiruheb' ut teeye: «Chaqi ru li b'e ke'nume'k wi' eb' laj Israel junpak'al li nima' Jordán», cha'qex.

Josué 4:22 ပူးပေါင်းရင်းမြစ်များ

Josué 3:17

Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.

Isaías 51:10

Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?

Apocalipsis 16:12

Ut li xcuak ángel quixhoy li cuan saꞌ lix secꞌ saꞌ xbe̱n li nimaꞌ Éufrates. Quichakic li haꞌ re teꞌnumekꞌ eb li rey li queꞌchal chak saꞌ eb li naꞌajej li na-el cuiꞌ chak li sakꞌe.

Isaías 44:27

Cui la̱in tinye nak ta̱chakik li palau, ta̱chakik. Ut cui tinye nak teꞌchakik li nimaꞌ, teꞌchakik ajcuiꞌ.

Éxodo 15:19

Chixjunileb lix cacua̱yeb ut lix carruaje, joꞌ ajcuiꞌ chixjunileb lix soldado laj faraón quilajeꞌco̱eb rubel li haꞌ nak quixjunaji rib li palau xban xcuanquil li Ka̱cuaꞌ Dios. Abanan la̱o aj Israel conumeꞌ saꞌ chaki chꞌochꞌ saꞌ xyi li palau.

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Éxodo 14:22

Ut eb laj Israel saꞌ chaki chꞌochꞌ queꞌnumeꞌ nak quixjach rib li haꞌ. Chanchan li tzꞌac quicana li haꞌ saꞌ xcaꞌ pacꞌalil li be.

Josué 4:21

Ut quixye reheb laj Israel: —Mokon eb le̱ ralal e̱cꞌajol teꞌxpatzꞌ e̱re: “¿Cꞌaꞌru aj e li pec aꞌin?” chaꞌkeb.

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.