Josué 4:12 - Li Santil hu

¹² Ut eb li ralal xcꞌajol laj Rubén ut eb li ralal xcꞌajol laj Gad joꞌqueb ajcuiꞌ yijach li ralal xcꞌajol laj Manasés ac cauresinbileb re pletic nak queꞌnumeꞌ. Aꞌaneb li xbe̱n li queꞌnumeꞌ joꞌ quiyeheꞌ reheb xban laj Moisés.

Q'eqchi Bible

¹² Eb' laj Rubén, eb' laj Gad ut li xyiijachil xteepaleb' laj Manasés ke'nume'k chi tustu chiruheb' laj Israel, jo' yeeb'il reheb' xb'aan laj Moisés.

Josué 4:12 ပူးပေါင်းရင်းမြစ်များ

Josué 1:14

Chixjunileb le̱ rixakil, le̱ cocꞌal ut le̱ queto̱mk teꞌcana̱k arin saꞌ li naꞌajej aꞌin li xqꞌue e̱re laj Moisés. Ut la̱ex cui̱nk, li joꞌ qꞌuialex cau e̱chꞌo̱l ut cau e̱rib chi pletic, texxic jun pacꞌal li nimaꞌ Jordán chi pletic rochbeneb le̱ rech aj Israelil ut te̱tenkꞌaheb chi pletic.

Éxodo 13:18

Li Dios quixcꞌameb aꞌan saꞌ li chaki chꞌochꞌ saꞌ xjayal li palau Mar Rojo xcꞌabaꞌ. Nequeꞌtzololnac nak queꞌel chi junju̱nk chꞌu̱tal saꞌ li tenamit Egipto.

Números 1:24

Queꞌtzꞌi̱ba̱c xcꞌabaꞌeb li ralal xcꞌajol laj Gad li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Números 32:17

Abanan la̱o takacauresi kib ut toxic chi ubej chi pletic toj retal take̱chani li naꞌajej li teꞌcua̱nk cuiꞌ li jun chꞌol chic laj Israel. Li kixakil ut eb li kacocꞌal teꞌcana̱k arin saꞌ eb li tenamit li ac cauresinbileb re teꞌxcol cuiꞌ ribeb chiruheb li cuanqueb saꞌ li naꞌajej aꞌin.

Deuteronomio 3:18

Saꞌ li cutan aꞌan la̱in quinye e̱re, Li Ka̱cuaꞌ li kaDios xqꞌue e̱re li naꞌajej aꞌin re texcua̱nk cuiꞌ. Cauresihomakeb li cauheb xchꞌo̱l chi pletic ut taklahomakeb jun pacꞌal li nimaꞌ Jordán re xtenkꞌanquileb li jun chꞌol chic laj Israel chixcolbal rix lix naꞌajeb.

Deuteronomio 33:21

Queꞌxsicꞌ ru li naꞌajej li kꞌaxal cha̱bil chokꞌ reheb. Ut quiqꞌueheꞌ reheb li naꞌajej joꞌ quiqꞌueheꞌ reheb li nequeꞌcꞌamoc be. Ut queꞌxba̱nu li cꞌaꞌru quiraj li Ka̱cuaꞌ ut queꞌxba̱nu li ti̱quilal nak chꞌutchꞌu̱queb li nequeꞌcꞌamoc be saꞌ xya̱nkeb laj Israel.

Josué 4:11

Nak ac xeꞌnumeꞌ chixjunileb li tenamit, queꞌnumeꞌ ajcuiꞌ laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ ut queꞌco̱eb chi ubej.

Josué 4:13

Caꞌcꞌa̱l mil (40,000) na chi cui̱nk li ac cauresinbileb re teꞌxic chi pletic. Queꞌco̱eb saꞌ li ru takꞌa Jericó. Ut li Ka̱cuaꞌ cuan riqꞌuineb.