Josué 3:3 - Li Santil hu

³ Ut queꞌxye reheb chixjunileb chi joꞌcaꞌin: —Nak te̱ril nak yo̱k chak chi cha̱lc li Lokꞌlaj Ca̱x li yo̱keb chak chixcꞌambal eb laj levita laj tij, la̱ex tex-e̱lk chak saꞌ le̱ naꞌaj ut texxic chirix,

Q'eqchi Bible

³ ut ke'xye li taqlahom a'in reheb' li tenamit: “Naq teeril li xLoq'laj Kaaxil li Sumwank paqonb'il xb'aaneb' laj tij aj Leví, tex'elq sa' li na'ajej wankex wi' ut texxik chirix.

Josué 3:3 ပူးပေါင်းရင်းမြစ်များ

Deuteronomio 31:9

Ut laj Moisés quixtzꞌi̱ba li chakꞌrab aꞌin ut quixqꞌue reheb laj tij, eb li ralal laj Leví. Aꞌan eb li nequeꞌcꞌamoc re li Lokꞌlaj Ca̱x li cuan cuiꞌ li contrato li quixba̱nu li Ka̱cuaꞌ. Ut quixqꞌue ajcuiꞌ reheb li cui̱nk li nequeꞌcꞌamoc be saꞌ xya̱nkeb laj Israel.

2 Samuel 6:13

Nak ac xeꞌxqꞌue cuakib yoc li yo̱queb chi cꞌamoc re li Lokꞌlaj Ca̱x, laj David quixmayeja chiru li Ka̱cuaꞌ jun li bo̱yx ut jun li carner nim xtibel.

Josué 3:8

Ta̱ye reheb laj tij li yo̱keb chi cꞌamoc re li Lokꞌlaj Ca̱x, “Nak tex-oc saꞌ li nimaꞌ Jordán, aran texxakli̱k,” chan li Ka̱cuaꞌ.

Deuteronomio 31:25

Chirix aꞌan quixye reheb laj levita li nequeꞌpakon re li Lokꞌlaj Ca̱x li cuan cuiꞌ lix contrato li Ka̱cuaꞌ:

Números 10:33

Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

Apocalipsis 14:4

Aꞌaneb aꞌin li queꞌpa̱ban re li Jun li chanchan carner, li queꞌta̱ken re yalak bar, li incꞌaꞌ queꞌxmux ribeb riqꞌuin ixk chi incꞌaꞌ sumsu̱queb. Aꞌineb li xbe̱n queꞌcoleꞌ saꞌ xya̱nkeb li cuanqueb saꞌ ruchichꞌochꞌ re nak teꞌoc chokꞌ ralal xcꞌajol li Dios ut chokꞌ ralal xcꞌajol li Jun li chanchan carner.

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

San Mateo 8:19

Ut saꞌ li ho̱nal aꞌan quicuulac riqꞌuin li Jesús jun aj tzꞌi̱b ut quixye re: —At tzolonel, tincuaj a̱ta̱kenquil yalak bar tatxic, chan re.

2 Samuel 6:3

Queꞌrisi li Lokꞌlaj Ca̱x saꞌ rochoch laj Abinadab li cuan saꞌ xbe̱n bol ut queꞌxqꞌue saꞌ xbe̱n jun li carre̱t toj acꞌ. Laj Uza ut laj Ahío, eb li ralal laj Abinadab, yo̱queb chi beresi̱nc re li acꞌ carre̱t.

Josué 6:6

Laj Josué quixbokeb laj tij ut quixye reheb: —Cꞌamomak lix Lokꞌlaj Ca̱x li Ka̱cuaꞌ. Ut cuukub e̱re teꞌxcꞌam lix xucub li carner re teꞌxya̱basi ut teꞌxic chi ubej chiru lix Lokꞌlaj Ca̱x li Ka̱cuaꞌ.—

Josué 4:10

Ut eb li tenamit queꞌxba̱nu li cꞌaꞌru quixye laj Josué. Eb laj tij li yo̱queb chi cꞌamoc re li Lokꞌlaj Ca̱x queꞌcana chi xakxo saꞌ xyi li nimaꞌ Jordán toj queꞌxba̱nu li joꞌ qꞌuial quixye li Ka̱cuaꞌ re laj Josué, joꞌ quiyeheꞌ re junxil xban laj Moisés. Ut eb li tenamit queꞌnumeꞌ chi junpa̱t jun pacꞌal li nimaꞌ.

Josué 3:6

Ut laj Josué quixye ajcuiꞌ reheb laj tij: —Pakomak li Lokꞌlaj Ca̱x ut numenkex chiruheb li tenamit, chan. Ut eb aꞌan queꞌxpako li Lokꞌlaj Ca̱x ut queꞌnumeꞌ chiruheb li tenamit.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Josué 3:4

re nak te̱nau li be bar yo̱kex chi xic, xban nak la̱ex ma̱ jun sut numenakex saꞌ li be aꞌan. Abanan mexjiloc chi nachꞌ riqꞌuin li Lokꞌlaj Ca̱x li xocxo cuiꞌ lix contrato li Dios. Jun kilómetro ban xnajtil cua̱nkex chirix, chanqueb laj cꞌamol be.

1 Samuel 6:15

Nak toj ma̱jiꞌ queꞌxjor li carre̱t, eb li ralal xcꞌajol laj Leví queꞌxcubsi li Lokꞌlaj Ca̱x joꞌ ajcuiꞌ li caxon li cuan cuiꞌ li retalil yi̱banbil riqꞌuin oro. Ut queꞌxqꞌueheb saꞌ xbe̱n li pec. Saꞌ li cutan aꞌan eb laj Israel li cuanqueb Bet-semes queꞌxmayeja li cꞌatbil xul chiru li Ka̱cuaꞌ ut queꞌxqꞌue ajcuiꞌ xmayejeb.

1 Reyes 8:3

Nak ac chꞌutchꞌu̱queb chixjunileb laj cꞌamol be saꞌ xya̱nkeb laj Israel, eb laj tij queꞌrisi saꞌ li tabernáculo li Lokꞌlaj Ca̱x ut queꞌxcꞌam saꞌ lix templo li Ka̱cuaꞌ.

Jeremías 33:18

Ut teꞌcua̱nk ajcuiꞌ eb li ralal xcꞌajol laj Leví li teꞌcꞌanjelak chicuu chokꞌ aj tij. Rajlal teꞌmayejak chicuu ut teꞌxqꞌue lix cꞌatbil mayej joꞌ ajcuiꞌ li mayej cꞌaj.