Josué 3:17 - Li Santil hu

¹⁷ Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.

Q'eqchi Bible

¹⁷ Eb' laj tij li yookeb' chi k'amok re li xLoq' laj Kaaxil li Sumwank, xaqxookeb' sa' xyi li nima' naq yookeb' chi nume'k chixjunileb' laj Israel. Ut chaqi li ch'och' li xaqxookeb' wi'.

Josué 3:17 ပူးပေါင်းရင်းမြစ်များ

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Éxodo 14:22

Ut eb laj Israel saꞌ chaki chꞌochꞌ queꞌnumeꞌ nak quixjach rib li haꞌ. Chanchan li tzꞌac quicana li haꞌ saꞌ xcaꞌ pacꞌalil li be.

Salmos 66:6

Quixjach ru li haꞌ saꞌ li Caki Palau ut chaki li chꞌochꞌ li queꞌnumeꞌ cuiꞌ. Ut quixram ru li haꞌ saꞌ li nimaꞌ Jordán ut chaki li queꞌnumeꞌ cuiꞌ. Joꞌcan nak chisahokꞌ li kachꞌo̱l riqꞌuin li cꞌaꞌru quixba̱nu li Dios.

Isaías 25:8

Li nimajcual Dios ta̱risi xcuanquil li ca̱mc. Tixmes li xyaꞌal ruheb. Ta̱risi lix xuta̱neb lix tenamit saꞌ chixjunil li ruchichꞌochꞌ. Li Ka̱cuaꞌ, aꞌan li quiyehoc re aꞌin.

2 Reyes 2:8

Ut laj Elías quirisi li tꞌicr li cuan chirix. Quixbas ru ut chiru aꞌan quixsacꞌ li haꞌ. Ut li nimaꞌ quixjach rib. Laj Elías ut laj Eliseo queꞌnumeꞌ jun pacꞌal li nimaꞌ ut chaki li chꞌochꞌ li queꞌnumeꞌ cuiꞌ.

Josué 4:3

Ta̱ye reheb nak teꞌxxoc junju̱nkak xpequeb saꞌ xyi li nimaꞌ bar xakxo̱queb cuiꞌ laj tij ut teꞌxcꞌam. Ut teꞌxtus saꞌ li naꞌajej bar texhila̱nk cuiꞌ chiru li kꞌojyi̱n aꞌin, chan.

Hebreos 11:29

Xban lix pa̱ba̱leb laj Israel, queꞌnumeꞌ saꞌ xyi li Caki Palau. Chaki chꞌochꞌ li queꞌnumeꞌ cuiꞌ. Ut joꞌcan ajcuiꞌ queꞌraj xba̱nunquil eb laj Egipto. Aban incꞌaꞌ queꞌru xban nak li haꞌ quixjunaji rib saꞌ xbe̱neb ut aran queꞌosoꞌ chixjunileb.

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Números 33:51

Ut quixye re: —Tat-a̱tinak riqꞌuineb laj Israel ut ta̱ye reheb chi joꞌcaꞌin. Nak texnumekꞌ jun pacꞌal li nimaꞌ Jordán ut tex-oc saꞌ li naꞌajej Canaán,

Josué 4:1

Nak ac xeꞌnumeꞌ chixjunileb laj Israel jun pacꞌal li nimaꞌ Jordán, li Ka̱cuaꞌ quixye re laj Josué:

Josué 4:22

Ut la̱ex te̱chꞌolob chiruheb chanru nak eb laj Israel queꞌnumeꞌ jun pacꞌal li nimaꞌ Jordán ut chaki li queꞌnumeꞌ cuiꞌ.

Josué 4:10

Ut eb li tenamit queꞌxba̱nu li cꞌaꞌru quixye laj Josué. Eb laj tij li yo̱queb chi cꞌamoc re li Lokꞌlaj Ca̱x queꞌcana chi xakxo saꞌ xyi li nimaꞌ Jordán toj queꞌxba̱nu li joꞌ qꞌuial quixye li Ka̱cuaꞌ re laj Josué, joꞌ quiyeheꞌ re junxil xban laj Moisés. Ut eb li tenamit queꞌnumeꞌ chi junpa̱t jun pacꞌal li nimaꞌ.

Josué 4:11

Nak ac xeꞌnumeꞌ chixjunileb li tenamit, queꞌnumeꞌ ajcuiꞌ laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ ut queꞌco̱eb chi ubej.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.