Josué 3:16 - Li Santil hu

¹⁶ Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

Q'eqchi Bible

¹⁶ li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

Josué 3:16 ပူးပေါင်းရင်းမြစ်များ

Josué 3:13

Nak teꞌxxakab li rokeb saꞌ li nimaꞌ Jordán eb laj tij li yo̱keb chi cꞌamoc re lix Lokꞌlaj Ca̱x li Ka̱cuaꞌ laj e̱chal re chixjunil li ruchichꞌochꞌ, li haꞌ tixjach rib chi ribil rib. Li rok li haꞌ li nachal chak takecꞌ tixtu̱b rib. Incꞌaꞌ chic ta̱be̱k, chan laj Josué.

1 Reyes 7:46

Chixjunil aꞌin quixtakla xyi̱banquil li rey saꞌ li ru takꞌa re Jordán saꞌ xyi li cuib chi tenamit Sucot ut Saretán.

1 Reyes 4:12

Laj Baana li ralal laj Ahilud quicꞌanjelac saꞌ eb li tenamit Taanac, ut Meguido, ut saꞌ chixjunil li naꞌajej Bet-seán li cuan chixcꞌatk li naꞌajej Saretán, li cuan saꞌ li sur re li tenamit Jezreel. Naticla Bet-seán ut nacuulac toj Abel-mehola ut naxic toj jun pacꞌal Jocmeam.

Génesis 14:3

Li o̱b chi rey aꞌin queꞌxchꞌutub ribeb rochbeneb lix soldados saꞌ li ru takꞌa Sidim. Anakcuan li naꞌajej aꞌan Mar Muerto xcꞌabaꞌ.

Salmos 114:3

Nak queꞌcuulac laj Israel, li Caki Palau quixjach rib re nak teꞌnumekꞌ, ut li nimaꞌ Jordán incꞌaꞌ chic quibe̱c rok re nak naru teꞌnumekꞌ jun pacꞌal.

Deuteronomio 1:1

Aꞌan aꞌin li a̱tin li quixye laj Moisés reheb chixjunileb laj Israel nak cuanqueb saꞌ li chaki chꞌochꞌ nachꞌ riqꞌuin li nimaꞌ Jordán saꞌ li este. Cuanqueb saꞌ li naꞌajej Arabá saꞌ xcaꞌyaba̱l li Caki Palau saꞌ xya̱nkeb li naꞌajej Parán, Tofel, Labán, Hazerot ut Dizahab.

Números 34:3

Li nuba̱l saꞌ li sur ta̱ticla̱k saꞌ li chaki chꞌochꞌ re Zin ut ta̱cuulak toj saꞌ li nuba̱l re Edom. Ta̱ticla̱k cuan cuiꞌ li palau Mar Muerto xcꞌabaꞌ saꞌ li sur ut ta̱xic toj saꞌ li este.

Salmos 77:19

Usta kꞌaxal cham li palau, abanan la̱at catnumeꞌ aran nak cajach ru ut ma̱ ani qui-iloc re nak catnumeꞌ aran.

Salmos 74:15

Nak ma̱cꞌaꞌ rucꞌaheb laj Israel, la̱at caqꞌue xhaꞌeb. La̱at caqꞌue li yuꞌam haꞌ re nak teꞌucꞌak. Ut la̱at cajach chi ribil li nimaꞌ re nak chaki teꞌnumekꞌ cuiꞌ usta kꞌaxal cau rok li nimaꞌ.

Salmos 66:6

Quixjach ru li haꞌ saꞌ li Caki Palau ut chaki li chꞌochꞌ li queꞌnumeꞌ cuiꞌ. Ut quixram ru li haꞌ saꞌ li nimaꞌ Jordán ut chaki li queꞌnumeꞌ cuiꞌ. Joꞌcan nak chisahokꞌ li kachꞌo̱l riqꞌuin li cꞌaꞌru quixba̱nu li Dios.

Salmos 29:10

Li Ka̱cuaꞌ aꞌan li cuan xcuanquil saꞌ xbe̱n li butꞌi haꞌ, ut aꞌan li tzꞌakal rey li nataklan chi junelic.

Josué 15:2

Ut li nuba̱l li cuan saꞌ li sur, aꞌan nacuulac cuan cuiꞌ li palau Mar Muerto xcꞌabaꞌ.

Deuteronomio 3:17

Saꞌ li oeste lix naꞌajeb quicuulac cuan cuiꞌ li nimaꞌ Jordán. Naticla cuan cuiꞌ li palau Cineret ut quicuulac cuan cuiꞌ li palau Mar Muerto xcꞌabaꞌ li cuan saꞌ li sur. Nacuulac cuan cuiꞌ li tzu̱l Pisga li cuan saꞌ li este.

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Salmos 33:7

Li Dios quixchꞌutub ru li haꞌ ut quixcanab saꞌ xnaꞌajeb. Ut aran queꞌcana li xni̱nkal ru palau.

Salmos 114:5

¿Cꞌaꞌut nak quixjach rib li Caki Palau? Ut, ¿cꞌaꞌut nak quixakli li nimaꞌ Jordán ut incꞌaꞌ chic quibe̱c rok?

Isaías 50:2

¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Ezequiel 47:8

Quixye cue li cui̱nk: —Li haꞌ aꞌin yo̱ chi xic saꞌ li este. Nanumeꞌ saꞌ li ru takꞌa Arabá ut tox-ocak saꞌ li palau Mar Muerto. Nak li haꞌ aꞌin ta̱oc saꞌ li palau, ta̱cha̱bilokꞌ li haꞌ.

Nahum 1:4

Nak naxye aꞌan nak ta̱chakik li palau, nachakic ajcuiꞌ. Ut naxqꞌueheb ajcuiꞌ chi chakic li nimaꞌ. Quixsach ru li cha̱bil pim li cuan aran Basán ut quixsach ru li acui̱mk li cuan saꞌ li tzu̱l Carmelo. Ut quixsach ajcuiꞌ ru li cha̱bil cheꞌ li cuan aran Líbano.

Habacuc 3:8

At nimajcual Dios, ¿ma yo̱ ta biꞌ a̱joskꞌil saꞌ xbe̱n li nimaꞌ nak xaxakab li haꞌ? ¿Ma yo̱ ta biꞌ a̱joskꞌil saꞌ xbe̱n li palau nak xajach ru? La̱at xaba̱nu aꞌan re xcolbaleb la̱ tenamit nak queꞌnumeꞌ jun pacꞌal li haꞌ chirixeb lix cacua̱y ut saꞌ eb lix carruaje.

Éxodo 14:22

Ut eb laj Israel saꞌ chaki chꞌochꞌ queꞌnumeꞌ nak quixjach rib li haꞌ. Chanchan li tzꞌac quicana li haꞌ saꞌ xcaꞌ pacꞌalil li be.

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Éxodo 15:8

Chanchan apunbil xaba̱nu nak xajach ru li palau. Chanchan li tzꞌac quicana li haꞌ saꞌ xcaꞌ pacꞌalil li be saꞌ xyi li palau.

Josué 4:22

Ut la̱ex te̱chꞌolob chiruheb chanru nak eb laj Israel queꞌnumeꞌ jun pacꞌal li nimaꞌ Jordán ut chaki li queꞌnumeꞌ cuiꞌ.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Josué 12:3

Ut aꞌan ajcuiꞌ nataklan saꞌ xbe̱neb li naꞌajej li cuan saꞌ li este, li cuan saꞌ li ru takꞌa nachꞌ riqꞌuin li nimaꞌ Jordán. Naticla cuan cuiꞌ li palau Cineret. Nacuulac cuan cuiꞌ li palau Mar Muerto saꞌ xjayal li tenamit Bet-jesimot li cuan saꞌ li sur cuan cuiꞌ li tzu̱l Pisga.

Josué 16:7

Naxic toj saꞌ eb li tenamit Atarot ut Naarat. Nacuulac toj saꞌ li tenamit Jericó ut nocox-e̱lk cuan cuiꞌ li nimaꞌ Jordán.

Jueces 7:22

Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

Salmos 78:13

Quixjach ru li haꞌ ut quixnumsiheb jun pacꞌal li Caki Palau. Chanchan jun li tzꞌac nak quixakli li haꞌ ut chaki queꞌnumeꞌ cuiꞌ.