Josué 3:10 - Li Santil hu

¹⁰ Ut quixye ajcuiꞌ reheb: —Nak li Lokꞌlaj Ca̱x ta̱numekꞌ jun pacꞌal li nimaꞌ Jordán, te̱nau nak li yoꞌyo̱quil Dios cuan saꞌ kaya̱nk ut aꞌan ajcuiꞌ ta̱isi̱nk reheb laj cananeo, eb laj heteo, eb laj heveo, eb laj ferezeo, eb laj gergeseo, eb laj amorreo ut eb laj jebuseo saꞌ li kabe li bar tonumekꞌ cuiꞌ.

Q'eqchi Bible

¹⁰ Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Josué 3:10 ပူးပေါင်းရင်းမြစ်များ

Deuteronomio 7:1

Li Ka̱cuaꞌ le̱ Dios ta̱ocsi̱nk e̱re saꞌ li naꞌajej li te̱re̱chani la̱ex. Ta̱risiheb che̱ru li cuukub chi xni̱nkal ru tenamit. Aꞌaneb laj heteo, eb laj gergeseo, eb laj amorreo, eb laj cananeo, eb laj ferezeo, eb laj heveo, joꞌ eb ajcuiꞌ laj jebuseo. Eb li tenamit aꞌin cauheb rib ut kꞌaxal ni̱nkeb xcuanquil che̱ru la̱ex.

Éxodo 33:2

Ut la̱in tintakla li ángel cha̱cuu. Ut saꞌ li naꞌajej aꞌan tincuisiheb laj cananeo, laj amorreo, laj heteo, laj ferezeo, laj heveo joꞌ eb ajcuiꞌ laj jebuseo.

Hebreos 10:31

Kꞌaxal xucuajel nak ta̱rakok a̱tin li yoꞌyo̱quil Dios saꞌ xbe̱neb li nequeꞌtzꞌekta̱nan re.

1 Samuel 17:26

Laj David quia̱tinac riqꞌuineb li cuanqueb chixcꞌatk. Quixye reheb: —¿Cꞌaꞌru ta̱qꞌuehekꞌ re li ani ta̱camsi̱nk re li cui̱nk li incꞌaꞌ naxpa̱b li Dios? ¿Ani ta̱isi̱nk re li xuta̱n li xqꞌue saꞌ xbe̱neb laj Israel? ¿Cꞌaꞌru xcuanquil nak naxhobeb lix soldados li yoꞌyo̱quil Dios? chan.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

2 Reyes 19:4

Lix reyeb laj Asiria quixtakla laj Rabsaces li nim xcuanquil chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios li hoboc ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Josué 22:31

Ut laj Finees li ralal laj Eleazar laj tij quixye reheb: —Anakcuan nakanau nak li Ka̱cuaꞌ Dios cuan kiqꞌuin. La̱ex incꞌaꞌ xekꞌet xchakꞌrab li Dios nak xeyi̱b li artal aꞌin. Anakcuan nakanau nak li Dios incꞌaꞌ tixqꞌue raylal saꞌ kabe̱n la̱o aj Israel, chan.

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

1 Ts 1:9

Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo.

Oseas 1:10

Li ralal xcꞌajol laj Israel kꞌaxal cuiꞌchic teꞌta̱mk. Lix qꞌuialeb chanchan li ru li samaib li cuan chire li palau. Incꞌaꞌ naru rajlanquil xban xqꞌuialeb. Saꞌ li naꞌajej bar quiyeheꞌ cuiꞌ reheb xban li Dios, “La̱ex ma̱cuaꞌex chic lin tenamit”, aran ajcuiꞌ ta̱yehekꞌ reheb: “La̱ex cualal incꞌajol la̱in li yoꞌyo̱quil Dios.”

Salmos 9:16

At Ka̱cuaꞌ, xban nak nacatrakoc a̱tin saꞌ xya̱lal, nacacꞌutbesi la̱ ti̱quilal. Aꞌut li incꞌaꞌ useb xnaꞌleb xjunes nequeꞌxsicꞌ xraylaleb riqꞌuin li incꞌaꞌ us nequeꞌxba̱nu.

Deuteronomio 5:26

¿Ma cuan ta biꞌ chic junak qui-abin re lix ya̱b xcux li yoꞌyo̱quil Dios nak quia̱tinac saꞌ xam joꞌ nak quikabi la̱o ut incꞌaꞌ xcam?

San Mateo 16:16

Quichakꞌoc laj Simón Pedro ut quixye: —La̱at li Cristo, li Ralal li yoꞌyo̱quil Dios.—

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

1 Reyes 22:28

Ut laj Micaías quixye re: —Cui la̱at tatsukꞌi̱k chak chi sa saꞌ a̱chꞌo̱l, ma̱cuaꞌ li Ka̱cuaꞌ xyehoc cue li xinye, chan. Ut quixye reheb li tenamit —Che̱junilex la̱ex qꞌuehomak retal li xinye, chan.

Josué 21:45

Chixjunil li us li quixyechiꞌi reheb laj Israel, li Ka̱cuaꞌ quixqꞌue. Ma̱ jun li cꞌaꞌak re ru li quixyechiꞌi quicana ta yal chi joꞌcan. Quixba̱nu ban chixjunil li quixye.

Éxodo 17:7

Laj Moisés quixqꞌue chokꞌ xcꞌabaꞌ li naꞌajej aꞌan Masah ut Meriba, xban nak eb laj Israel queꞌxcuechꞌi rix li Ka̱cuaꞌ Dios ut queꞌxye: —¿Ma cuan li Dios kiqꞌuin malaj incꞌaꞌ? chanqueb.

San Juan 6:69

La̱o nakapa̱b li cꞌaꞌru nacaye ut nakanau nak la̱at li Cristo, li Ralal li yoꞌyo̱quil Dios, chan.

Deuteronomio 7:21

Mexxucuac chiruheb xban nak li Ka̱cuaꞌ le̱ Dios li cuan e̱riqꞌuin, aꞌan li kꞌaxal nim xcuanquil che̱tenkꞌanquil.

Josué 3:9

Laj Josué quixye reheb laj Israel: —Jilonkex chak ut abihomak li cꞌaꞌru yo̱ chixyebal li Ka̱cuaꞌ li kaDios.—

Josué 9:1

Eb li rey li cuanqueb jun pacꞌal li nimaꞌ Jordán saꞌ li oeste queꞌrabi resil li cꞌaꞌru queꞌxba̱nu laj Israel. Eb li rey aꞌan cuanqueb saꞌ eb li naꞌajej li tzu̱l ru ut li ru takꞌa ut cuanqueb ajcuiꞌ chire li Palau Mediterráneo chiru li naꞌajej Líbano. Aꞌaneb laj heteo, eb laj amorreo, eb laj cananeo, eb laj ferezeo, eb laj heveo ut eb laj jebuseo.

1 Samuel 26:6

Rochbeneb laj David cuanqueb laj Ahimelec aj heteo ut laj Abisai, lix yum lix Sarvia. Laj Abisai, aꞌan li ri̱tzꞌin laj Joab. Laj David quixye reheb: —¿Ani e̱re ta̱xic chicuix saꞌ lix muheba̱l laj Saúl? chan. —La̱in tinxic cha̱cuix, chan laj Abisai.

Salmos 42:2

Chi anchal inchꞌo̱l nacuaj nak tatcua̱nk cuiqꞌuin, at Ka̱cuaꞌ. La̱at li yoꞌyo̱quil Dios. Nacuaj raj cua̱nc saꞌ la̱ cuochoch re a̱lokꞌoninquil.

Génesis 15:21

Ut aran ajcuiꞌ cuanqueb laj amorreo, ut eb laj cananeo, ut eb laj gergeseo, ut eb laj jebuseo, chan li Dios re laj Abram.

Números 13:29

Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

Josué 11:3

Ut quixtakla ajcuiꞌ xyebal resil reheb laj cananeo li cuanqueb saꞌ xcaꞌ pacꞌalil li nimaꞌ Jordán ut reheb laj amorreo, eb laj heteo, eb laj ferezeo, eb laj jebuseo, li cuanqueb saꞌ li tzu̱l ru joꞌ eb ajcuiꞌ laj heveo li cuanqueb nachꞌ riqꞌuin li tzu̱l Hermón li cuan saꞌ li naꞌajej Mizpa.

Josué 12:8

Li naꞌajej li quixjeqꞌui, aꞌaneb aꞌin: li tzu̱l ru ut li ru takꞌa re li nimaꞌ Jordán, ut li chaki chꞌochꞌ joꞌ ajcuiꞌ li cuan jun pacꞌal, joꞌ ajcuiꞌ li naꞌajej Neguev. Chixjunil li naꞌajej aꞌin, aꞌan li queꞌcuan cuiꞌ eb laj heteo, eb laj amorreo, eb laj cananeo, eb laj ferezeo, ut eb laj heveo ut eb laj jebuseo.

Josué 24:11

Joꞌcan nak quexnumeꞌ jun pacꞌal li nimaꞌ Jordán ut quexcuulac saꞌ li tenamit Jericó. Ut eb li cuanqueb aran queꞌpletic e̱riqꞌuin. Ut queꞌpletic ajcuiꞌ e̱riqꞌuin eb laj amorreo, eb laj ferezeo, eb laj cananeo, eb laj heteo, eb laj gergeseo, eb laj heveo, ut eb laj jebuseo. Ut la̱in xexintenkꞌa chi numta̱c saꞌ xbe̱neb.

1 Crónicas 1:14

Laj Canaán, aꞌan lix xeꞌto̱nil yucuaꞌeb laj jebuseo, eb laj amorreo, eb laj gergeseo,