Josué 3:1 - Li Santil hu

¹ Joꞌ cuulajak chic ekꞌela queꞌel Sitim laj Josué rochbeneb chixjunileb laj Israel ut queꞌco̱eb. Queꞌcuulac cuan cuiꞌ li nimaꞌ Jordán. Abanan incꞌaꞌ queꞌnumeꞌ jun pacꞌal. Toj queꞌcana chi hila̱nc aran.

Q'eqchi Bible

¹ Laj Josué kiwakliik eq'la ut, rochb'een chixjunileb' laj Israel, ke'elk Sitín ut ke'wulak wan wi' li nima' Jordán. Ab'anan ink'a' ke'nume'k junpak'al; toj ke'kanaak chi hilank aran.

Josué 3:1 ပူးပေါင်းရင်းမြစ်များ

Josué 2:1

Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

San Marcos 1:35

Cuulajak chic nak toj ma̱jiꞌ na-iqꞌueꞌ li cutan, li Jesús quicuacli ut qui-el saꞌ li tenamit. Ut co̱ xjunes chi tijoc saꞌ jun li naꞌajej bar ma̱cꞌaꞌ cuiꞌ cristian.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Jeremías 26:5

Cui incꞌaꞌ te̱rabi li cꞌaꞌru nequeꞌxye li profetas li nequeꞌcꞌanjelac chicuu, li quintakla e̱riqꞌuin rajlal ut incꞌaꞌ nequex-abin chiruheb,

Jeremías 25:3

Ut quixye reheb: —Chalen nak yo̱ oxlaju chihab roquic chokꞌ xreyeb laj Judá laj Josías li ralal laj Amón ut toj anakcuan li Ka̱cuaꞌ yo̱ chi a̱tinac cuiqꞌuin. Ut chiru oxib xcaꞌcꞌa̱l (23) chihab la̱in rajlal yo̱quin chixyebal e̱re li cꞌaꞌru quixye li Ka̱cuaꞌ. Abanan la̱ex incꞌaꞌ xex-abin.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Salmos 119:60

Junpa̱t xin-oc cuiꞌchic xba̱nunquil li cꞌaꞌru naxye la̱ chakꞌrab. Incꞌaꞌ xinbay cuib.

Números 25:1

Eb laj Israel queꞌcana chi cua̱nc aran Sitim. Nak cuanqueb aran eb li cui̱nk queꞌxtiquib ma̱cobc riqꞌuineb li ixk aj Moab.

Génesis 22:3

Joꞌ cuulajak chic nak toj ekꞌela laj Abraham quicuacli. Quixqꞌue rix lix bu̱r. Ut quixyocꞌ lix siꞌ. Ut co̱ saꞌ li naꞌajej li quiyeheꞌ re xban li Dios. Quixcꞌam li ralal chirix nak co̱ ut quixcꞌam ajcuiꞌ cuib lix mo̱s li toj sa̱jeb.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

Josué 6:12

Joꞌ cuulajak chic laj Josué quicuacli toj ekꞌela ut eb laj tij queꞌxcꞌam lix Lokꞌlaj Ca̱x li Ka̱cuaꞌ.

Josué 6:15

Saꞌ li xcuuk li cutan queꞌcuacli toj ekꞌela chi us ut queꞌco̱eb chixsutinquil rix li tenamit joꞌ queꞌxba̱nu xbe̱n cua. Abanan anakcuan cuukub sut queꞌxsuti rix li tenamit.

Josué 7:16

Joꞌ cuulajak chic laj Josué quicuacli toj ekꞌela. Ut quixye reheb nak teꞌnumekꞌ laj Israel chi te̱p. Ut lix te̱pal li ralal xcꞌajol laj Judá quicꞌuteꞌ chiru laj Josué xban li Dios.

Josué 8:10

Cuulajak chic laj Josué quicuacli toj ekꞌela ut quixchꞌutub lix soldado. Ut laj Josué rochbeneb li nequeꞌcꞌamoc be saꞌ xya̱nkeb laj Israel, aꞌan eb li queꞌcꞌamoc be chiruheb li soldado nak queꞌco̱eb chi pletic riqꞌuineb laj Hai.

Jueces 20:19

Cuulajak chic eb laj Israel queꞌco̱eb ut queꞌxyi̱b lix muheba̱leb nachꞌ riqꞌuin li tenamit Gabaa.

1 Samuel 17:20

Cuulajak chic nak toj ekꞌela laj David quicuacli ut quixcanabeb li carner saꞌ rukꞌ jalan chic re nak aꞌan chic ta̱ilok reheb. Quixcꞌam li tzacae̱mk ut co̱ joꞌ quiyeheꞌ re xban laj Isaí lix yucuaꞌ. Nak quicuulac cuanqueb cuiꞌ lix muheba̱leb li soldados, ac xiqueb re chi pletic ut yo̱queb chixjapbal reheb.