Josué 24:32 - Li Santil hu

³² Eb laj Israel queꞌxcꞌam chak lix bakel laj José nak queꞌel chak Egipto ut queꞌxmuk aran Siquem saꞌ li chꞌochꞌ li quixlokꞌ laj Jacob junxil riqꞌuineb li ralal laj Hamor. Laj Hamor, aꞌan lix yucuaꞌ laj Siquem. Jun ciento chi tumin plata quixtoj cuiꞌ laj Jacob ut li naꞌajej aꞌan quicana chokꞌ xnaꞌajeb li ralal xcꞌajol laj José.

Q'eqchi Bible

³² Li xb'aqel laj José li ke'xk'am chaq toj Ejiipt eb' li ralal xk'ajol laj Israel, kimuqmank aran Sikem, sa' li ch'och' kixloq' laj Jakob rik'ineb' li ralal laj Jamor, xyuwa' laj Sikem, chiru o'k'aal chi tumin, ut kikanaak moqon cho'q reechanihomeb' li ralal laj José.

Josué 24:32 ပူးပေါင်းရင်းမြစ်များ

Génesis 50:25

Laj José quixye ajcuiꞌ reheb: —Anakcuan la̱ex te̱ba̱nu junak li juramento cuiqꞌuin. Nak li Ka̱cuaꞌ Dios texrisi saꞌ li tenamit aꞌin, te̱ba̱nu usilal, te̱cꞌam lin bakel che̱rix nak texxic, chan laj José. Ut eb li ras laj José queꞌxcꞌul xchꞌo̱l li juramento li quixye reheb.

Génesis 33:19

Laj Jacob quixlokꞌ li chꞌochꞌ li quixyi̱b cuiꞌ lix muheba̱l. Jun ciento chi tumin quixtoj cuiꞌ li chꞌochꞌ riqꞌuineb li ralal laj Hamor. Laj Hamor aꞌan lix yucuaꞌ laj Siquem.

Éxodo 13:19

Laj Moisés quixcꞌam xbakel li camenak José chirixeb nak queꞌco̱eb. Quicꞌameꞌ xbakel xban nak junxilaj laj José quixye reheb li ralal xcꞌajol: —Chi ya̱l li Ka̱cuaꞌ Dios texrisi saꞌ li tenamit aꞌin. Te̱cꞌam lin bakel che̱rix nak tex-e̱lk arin, chan.

Hechos 7:16

Lix bakeleb queꞌcꞌameꞌ Siquem ut queꞌmukeꞌ saꞌ li naꞌajej li quixlokꞌ laj Abraham riqꞌuineb li ralal xcꞌajol laj Hamor.

Hebreos 11:22

Xban lix pa̱ba̱l laj José, nak ac ca̱mc re, quixjultica reheb laj Israel nak saꞌ jun cutan teꞌe̱lk saꞌ li tenamit Egipto. Ut quixye ajcuiꞌ reheb nak teꞌxcꞌam lix bakel nak teꞌe̱lk saꞌ li tenamit aꞌan.

San Juan 4:5

Nak yo̱ chi numecꞌ Samaria, quicuulac saꞌ li tenamit Sicar. Li tenamit aꞌan nachꞌ cuan riqꞌuin li naꞌajej li quixqꞌue laj Jacob re laj José li ralal.

Génesis 48:22

La̱in numtajenak xqꞌuial li cꞌaꞌak re ru li xinqꞌue a̱cue chiruheb la̱ cuas. Anakcuan tinkꞌaxtesi a̱cue li naꞌajej Siquem li xincue̱chani nak xinpletic riqꞌuineb laj amorreo, chan laj Jacob re laj José.

Hechos 7:15

Joꞌcaꞌin nak co̱eb aran Egipto laj Jacob li kaxeꞌto̱nil yucuaꞌ ut aran quicam joꞌqueb ajcuiꞌ li ralal.

Génesis 50:24

Saꞌ jun li cutan, laj José quixye reheb li ras: —La̱in chi se̱b nincam. Li Ka̱cuaꞌ Dios ta̱ilok e̱re chi junelic. Ut aꞌan ta̱isi̱nk e̱re saꞌ li tenamit aꞌin ut texcꞌam cuiꞌchic saꞌ li tenamit Canaán. Aꞌan li chꞌochꞌ li yechiꞌinbil chak najter xban li Ka̱cuaꞌ Dios reheb laj Abraham, laj Isaac ut laj Jacob, chan.