Josué 24:31 - Li Santil hu

³¹ Ut eb laj Israel queꞌcꞌanjelac chiru li Ka̱cuaꞌ nak toj yoꞌyo laj Josué. Joꞌcan ajcuiꞌ queꞌxba̱nu chiruheb laj cꞌamol be li toj queꞌcana nak quicam laj Josué xban nak eb aꞌan queꞌxnau chixjunil li joꞌ qꞌuial li usilal quixba̱nu li Ka̱cuaꞌ reheb laj Israel.

Q'eqchi Bible

³¹ Eb' laj Israel ke'k'anjelak chiru li Qaawa' naq toj yo'yo laj Josué. Jo'kan ajwi' ke'xb'aanu chiruheb' li cheekal winqeb' li toj ke'kanaak naq kikamk laj Josué, a'eb' li neke'nawok re chixjunil li xninqal xb'aanuhom li Qaawa' cho'q reheb' laj Israel.

Josué 24:31 ပူးပေါင်းရင်းမြစ်များ

Jueces 2:7

Eb li tenamit queꞌcꞌanjelac chiru li Ka̱cuaꞌ joꞌ najtil quicuan laj Josué saꞌ xya̱nkeb. Ut nak ac xcam laj Josué, queꞌxlokꞌoni ajcuiꞌ li Dios joꞌ najtil yoꞌyo̱queb li queꞌcꞌamoc be chiruheb, li queꞌril riqꞌuin xnakꞌeb ru li quixba̱nu li Ka̱cuaꞌ re xcolbaleb laj Israel.

Deuteronomio 31:13

Tento nak teꞌrabi eb li ralal xcꞌajoleb, li toj ma̱jiꞌ nequeꞌrabi li chakꞌrab aꞌin. Teꞌxtzol ribeb chixxucuanquil ru li Ka̱cuaꞌ le̱ Dios joꞌ najtil teꞌcua̱nk saꞌ li naꞌajej li xic e̱re chire̱chaninquil nak te̱kꞌax li nimaꞌ Jordán, chan laj Moisés.

Deuteronomio 31:29

La̱in ninnau nak chirix lin camic eb li tenamit teꞌxba̱nu li ma̱usilal ut teꞌxtzꞌekta̱na li cꞌaꞌru xinye reheb. Raylal ta̱cha̱lk saꞌ xbe̱neb chiruheb li cutan cha̱lel xban nak teꞌxba̱nu li ma̱usilal chiru li Ka̱cuaꞌ. Teꞌxqꞌue xjoskꞌil li Ka̱cuaꞌ riqꞌuin li cꞌaꞌru teꞌxyi̱b riqꞌuin li rukꞌeb.—

Deuteronomio 11:2

Anakcuan cheqꞌuehak retal nak eb le̱ cocꞌal incꞌaꞌ queꞌril nak li Ka̱cuaꞌ quexkꞌus. La̱ex ban quex-iloc re lix lokꞌal, lix cuanquilal ut li sachba chꞌo̱lej,

Filipenses 2:12

Ex inherma̱n, raro̱quex inban, junelic xexpa̱ban chicuu nak cuanquin chak e̱riqꞌuin. Joꞌcan ajcuiꞌ te̱ba̱nu anakcuan nak ma̱ anihin e̱riqꞌuin. Junelic chexcꞌoxlak chirix le̱ colbal. Cheqꞌuehak taxak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak ta̱tzꞌaklok ru le̱ colbal.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

2 Crónicas 24:2

Laj Joás quixba̱nu li us chiru li Ka̱cuaꞌ joꞌ najtil yoꞌyo laj Joiada laj tij.

Deuteronomio 11:7

La̱ex queril riqꞌuin xnakꞌ e̱ru chixjunil li quilajxba̱nu li Ka̱cuaꞌ riqꞌuin lix nimal xcuanquilal.

Génesis 14:10

Saꞌ li ru takꞌa Sidim cꞌajoꞌ li jul cuan. Saꞌ eb li jul aꞌin cuan li asfalto. Nak yo̱queb chi e̱lelic chiruheb li ca̱hib chi rey, eb li soldados re Sodoma ut Gomorra queꞌlajeꞌtꞌaneꞌ saꞌ li jul ut cuan li queꞌe̱lelic saꞌ li tzu̱l. Eb li o̱b chi rey incꞌaꞌ queꞌxcuy xcolbal ribeb saꞌ rukꞌeb li ca̱hib chic.

Jueces 2:6

Ut laj Josué quixchakꞌrabiheb laj Israel ut queꞌco̱eb chi xjunju̱nkaleb chi cua̱nc saꞌ lix naꞌajeb li queꞌre̱chani.

Jueces 2:10

Ut queꞌcam ajcuiꞌ chixjunileb laj Israel li cuanqueb nak toj yoꞌyo laj Josué. Ut eb li ralal xcꞌajol li queꞌyoꞌla mokon incꞌaꞌ chic queꞌxpa̱b li Ka̱cuaꞌ, chi moco queꞌxnau chixjunil li usilal li quixba̱nu li Dios reheb laj Israel.

2 Crónicas 34:33

Ut li rey Josías quixtakla xsachbal chixjunileb li jalanil dios li cuanqueb saꞌ chixjunileb lix naꞌajeb laj Israel. Quixye reheb nak tento teꞌcꞌanjelak chiru li Dios chixjunileb laj Israel. Ut incꞌaꞌ queꞌxcanab xlokꞌoninquil li Ka̱cuaꞌ li queꞌxlokꞌoni lix xeꞌto̱nil yucuaꞌ joꞌ najtil yoꞌyo laj Josías.