Josué 24:26 - Li Santil hu

²⁶ Ut laj Josué quixtzꞌi̱ba retalil li queꞌxba̱nu saꞌ li hu li tzꞌi̱banbil cuiꞌ lix chakꞌrab li Dios. Ut quixchap jun li nimla pec ut quixxakab rubel jun to̱n li ji li cuan aran chixcꞌatk li tabernáculo.

Q'eqchi Bible

²⁶ Laj Josué kixtz'iib'a eb' li aatin a'in sa' xHuhil li xChaq'rab' li Yos. Chirix chik a'an kixchap jun nimla pek ut kixxaqab' aran, chi roq li ji li wank sa' li xloq'laj ochoch li Qaawa',

Josué 24:26 ပူးပေါင်းရင်းမြစ်များ

Jueces 9:6

Chirix chic aꞌan, chixjunileb li cuanqueb Siquem queꞌxjunaji ribeb riqꞌuineb li cuanqueb Bet-milo ut queꞌco̱eb bar cuan cuiꞌ li cheꞌ ji ut li pec li quixakaba̱c aran Siquem. Ut aran queꞌxxakab laj Abimelec chokꞌ xreyeb.

Génesis 35:4

Eb aꞌan queꞌxkꞌaxtesi saꞌ rukꞌ laj Jacob chixjunileb li jalanil dios. Queꞌxkꞌaxtesiheb ajcuiꞌ chixjunileb li caꞌxic li queꞌxqꞌue xcuanquil. Laj Jacob quixmuk li cꞌaꞌak re ru aꞌin saꞌ chꞌochꞌ rubel jun to̱n li cheꞌ ji. Li cheꞌ aꞌan nachꞌ cuan riqꞌuin li tenamit Siquem.

Éxodo 24:4

Ut chixjunil li cꞌaꞌru quixye li Dios, quixtzꞌi̱ba retalil saꞌ jun li hu laj Moisés. Joꞌ cuulajak chic nak toj ekꞌela laj Moisés quicuacli ut quixyi̱b jun li artal saꞌ xto̱n li tzu̱l. Quixyi̱b ajcuiꞌ riqꞌuin pec cablaju li okech ut quixxakab aran. Li cablaju chi okech, aꞌan retalil li cablaju xte̱paleb aj Israel.

Génesis 35:8

Ut quicam lix Débora li quicuan chokꞌ xmo̱s li camenak Rebeca. Ut queꞌxbec xjulel rubel jun lix to̱nal ji ut aran queꞌxmuk nachꞌ riqꞌuin li tenamit Bet-el. Alón-bacut queꞌxqꞌue chokꞌ xcꞌabaꞌ li naꞌajej aꞌan.

Génesis 31:45

Laj Jacob quixchap jun li pec ut quixxakab saꞌ li chꞌochꞌ.

1 Samuel 7:12

Laj Samuel quixchap jun li pec ut quixxakab saꞌ xyi li cuib chi tenamit Mizpa ut Sen. Ut quixqꞌue chokꞌ xcꞌabaꞌ “Eben-ezer” ut quixye: —Toj chalen anakcuan li Ka̱cuaꞌ yo̱ chi tenkꞌa̱nc ke, chan.