Josué 24:20 - Li Santil hu

²⁰ Cui la̱ex te̱tzꞌekta̱na li Ka̱cuaꞌ ut te̱lokꞌoni li yi̱banbil dios, li Ka̱cuaꞌ ta̱qꞌuehok e̱re chixtojbal rix le̱ ma̱c ut tixsach e̱ru usta ac xexrosobtesi, chan laj Josué.

Q'eqchi Bible

²⁰ Wi laa'ex teekanab' li Qaawa' re k'anjelak chiruheb' li jalanil yos, li Qaawa' tixtaqla chaq rahilal sa' eeb'een ut tixsach eeru, us ta ak xb'aanu naab'al usilal eere”, chan.

Josué 24:20 ပူးပေါင်းရင်းမြစ်များ

Hechos 7:42

Joꞌcan nak li Ka̱cuaꞌ Dios quixcanabeb xjuneseb. Quixcanabeb chixlokꞌoninquil li chahim li cuan chiru choxa. Ut quitzꞌakloc ru li tzꞌi̱banbil chak najter xbaneb li profeta nak queꞌxye: La̱ex aj Israel, ¿ma quexmayejac ta biꞌ chak chicuu la̱in nak yo̱quex chak chi numecꞌ saꞌ li chaki chꞌochꞌ chiru caꞌcꞌa̱l chihab?

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Isaías 1:28

Abanan eb laj kꞌetol a̱tin ut eb laj ma̱c teꞌsachekꞌ ruheb. Teꞌosokꞌ chixjunileb li nequeꞌtzꞌekta̱nan cue.

Esdras 8:22

Quinxuta̱nac xtzꞌa̱manquil chiru li rey nak tixtaklaheb lix soldado ut lix carruaje chikacolbal chiruheb li xicꞌ nequeꞌiloc ke nak yo̱ko chi xic. Ac xinye re li rey chi joꞌcaꞌin: —Li Ka̱cuaꞌ li kaDios cuan riqꞌuineb li ani nequeꞌqꞌuehoc xlokꞌal ut aꞌan ta̱tenkꞌa̱nk reheb. Abanan najoskꞌoꞌ saꞌ xbe̱neb li ani natzꞌekta̱nan re, chanquin.

2 Crónicas 15:2

Joꞌcan nak laj Azarías qui-el chixcꞌulbal laj Asa ut quixye re: —At rey Asa, chacuabi taxak li cꞌaꞌru tinye a̱cue. Ut cherabihak ajcuiꞌ la̱ex li ralal xcꞌajol laj Judá ut la̱ex li ralal xcꞌajol laj Benjamín. Li Ka̱cuaꞌ ta̱cua̱nk e̱riqꞌuin cui la̱ex cua̱nkex riqꞌuin aꞌan. Cui te̱sicꞌ li Dios, aꞌan tixcꞌutbesi rib che̱ru. Abanan cui te̱tzꞌekta̱na, li Dios textzꞌekta̱na ajcuiꞌ la̱ex.

Hebreos 10:38

Li ti̱c xchꞌo̱l xban inpa̱banquil cuan xyuꞌam chi junelic. Cui naxcanab inpa̱banquil, incꞌaꞌ ta̱sahokꞌ inchꞌo̱l riqꞌuin, chan li Dios. (Hab. 2:3-4)

Deuteronomio 4:25

Mokon chic nak ac xenumsi nabal chihab saꞌ li cha̱bil naꞌajej ut nak ac cua̱nkeb chic le̱ ralal e̱cꞌajol, mexma̱cob riqꞌuin xyi̱banquil le̱ pechꞌbil dios ut yalak cꞌaꞌru chi jalam u̱chil. Aꞌan ma̱c chiru li Ka̱cuaꞌ le̱ Dios ut ta̱joskꞌokꞌ saꞌ e̱be̱n cui te̱ba̱nu chi joꞌcan.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Josué 24:21

Ut eb li tenamit queꞌchakꞌoc ut queꞌxye: —Incꞌaꞌ ta̱cꞌulma̱nk chi joꞌcan. La̱o tocꞌanjelak chiru li Ka̱cuaꞌ, chanqueb.

1 Samuel 12:15

Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

1 Samuel 12:25

Abanan cui yal yo̱kex chixba̱nunquil li incꞌaꞌ us, ta̱sachekꞌ e̱ru ut ta̱sachekꞌ ajcuiꞌ ru le̱ rey, chan laj Samuel.

1 Crónicas 28:8

Joꞌcan ut anakcuan, ex cuas cui̱tzꞌin, chiru li nimajcual Dios ut chiruheb chixjunileb laj Israel, lix tenamit li Dios, yo̱quin chixtzꞌa̱manquil che̱ru nak te̱qꞌue e̱chꞌo̱l chixba̱nunquil chixjunil li chakꞌrab li quixqꞌue ke li Ka̱cuaꞌ li kaDios re nak te̱col rix li cha̱bil naꞌajej aꞌin ut te̱canab reheb le̱ ralal e̱cꞌajol li teꞌcua̱nk mokon.

Salmos 89:31

Cui nequeꞌxkꞌet li cua̱tin ut nequeꞌxmux ru lin chakꞌrab, la̱in tinqꞌueheb chixcꞌulbal li raylal.