Josué 24:2 - Li Santil hu

² Ut laj Josué quixye reheb chixjunileb li tenamit: —Aꞌan aꞌin li xye li Ka̱cuaꞌ li kaDios la̱o aj Israel: “Najter kꞌe cutan eb le̱ xeꞌto̱nil yucuaꞌ, laj Taré lix yucuaꞌeb laj Abraham, ut laj Nacor, queꞌcuan jun pacꞌal li nimaꞌ Éufrates ut queꞌxlokꞌoniheb li jalanil dios.

Q'eqchi Bible

² kixye reheb' chixjunil li tenamit: “A'in xyehom li Qaawa' xYos laj Israel: Chire li nima' Éwfrates ke'wank chaq junxil eb' leexe'toonil yuwa', laj Téraj, jo'wi' laj Abrahán ut laj Najor li ralaleb', ut ke'xloq'oni ru eb' li jalanil yos.

Josué 24:2 ပူးပေါင်းရင်းမြစ်များ

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Génesis 31:30

La̱in ninnau nak xat-el cuiqꞌuin saꞌ junpa̱t xban nak ta̱cuaj ru xic saꞌ rochoch la̱ yucuaꞌ. Caꞌaj cuiꞌ li incꞌaꞌ nintau ru la̱in, ¿cꞌaꞌut nak xacuelkꞌaheb chak lin dios? chan laj Labán.

Ezequiel 16:3

Ta̱ye reheb nak li nimajcual Dios naxye chi joꞌcaꞌin chirixeb laj Jerusalén. La̱at catyoꞌla aran Canaán. La̱ yucuaꞌ, aꞌan aj amorreo ut la̱ naꞌ, aꞌan aj hetea.

Isaías 51:2

Chijulticokꞌ e̱re le̱ xeꞌto̱nil yucuaꞌ laj Abraham ut lix Sara. Saꞌ xcꞌabaꞌ aꞌan nak cuanquex la̱ex. Nak la̱in xinsicꞌ ru laj Abraham, aꞌan jun ajcuiꞌ. Abanan la̱in quicuosobtesi ut queꞌnabaloꞌ li ralal xcꞌajol.

Deuteronomio 26:5

Ut la̱ex te̱ye chiru li Ka̱cuaꞌ le̱ Dios, “Eb li kaxeꞌto̱nil yucuaꞌ, aꞌaneb jun chꞌina chꞌu̱tal chi arameo li queꞌco̱eb chi cua̱nc Egipto. Aran queꞌtam ut queꞌnabaloꞌ. Cuanqueb xcuanquil joꞌ jun xnimal ru tenamit, ut cuanqueb xmetzꞌe̱u.

Génesis 35:4

Eb aꞌan queꞌxkꞌaxtesi saꞌ rukꞌ laj Jacob chixjunileb li jalanil dios. Queꞌxkꞌaxtesiheb ajcuiꞌ chixjunileb li caꞌxic li queꞌxqꞌue xcuanquil. Laj Jacob quixmuk li cꞌaꞌak re ru aꞌin saꞌ chꞌochꞌ rubel jun to̱n li cheꞌ ji. Li cheꞌ aꞌan nachꞌ cuan riqꞌuin li tenamit Siquem.

Génesis 31:53

Li Dios li quixlokꞌoni laj Abraham la̱ xeꞌto̱nil yucuaꞌ joꞌ ajcuiꞌ laj Nacor lin xeꞌto̱nil yucuaꞌ aꞌan ta̱rakok a̱tin saꞌ kabe̱n cui incꞌaꞌ takaba̱nu li cꞌaꞌru xkaye, chan laj Labán. Ut laj Jacob quixye re laj Labán: —La̱in tinye a̱cue chiru li Ka̱cuaꞌ Dios, li quixlokꞌoni laj Isaac lin yucuaꞌ, nak ac xcꞌul inchꞌo̱l li contrato li xkaba̱nu chi kibil kib, chan.

Génesis 31:32

Chiruheb li kechꞌalal naru ta̱siqꞌueb la̱ dios saꞌ kaya̱nk. Cui ta̱tauheb arin, ta̱cꞌameb ut ta̱ca̱mk li ani xcꞌamoc chak re, chan laj Jacob. Laj Jacob incꞌaꞌ naxnau nak aꞌ lix Raquel qui-elkꞌan reheb lix dios laj Labán.

Génesis 31:19

Ma̱ ani laj Labán. Cuan chak saꞌ jalan naꞌajej chixbesbal rixeb lix carner nak lix Raquel quirelkꞌaheb lix dios lix yucuaꞌ.

Génesis 11:26

Laje̱b xca̱cꞌa̱l (70) chihab cuan re laj Taré nak quiyoꞌla laj Harán li ralal. Ut mokon chic quicuan cuib chic li ralal. Lix cꞌabaꞌeb aꞌan aj Abram ut aj Nacor.

San Lucas 3:34

Ut laj Judá, aꞌan li ralal laj Jacob. Ut laj Jacob, aꞌan li ralal laj Isaac. Ut laj Isaac, aꞌan li ralal laj Abraham. Ut laj Abraham, aꞌan li ralal laj Taré. Ut laj Taré, aꞌan li ralal laj Nacor.

Génesis 11:24

Bele̱b xcaꞌcꞌa̱l (29) chihab cuan re laj Nacor nak quiyoꞌla laj Taré li ralal.

Génesis 11:27

Aꞌan aꞌin lix cꞌabaꞌeb li ralal xcꞌajol laj Taré. Laj Taré, aꞌan lix yucuaꞌeb laj Abram, laj Nacor ut laj Harán. Ut laj Harán, aꞌan lix yucuaꞌ laj Lot.

Génesis 11:22

Laje̱b xcaꞌcꞌa̱l (30) chihab cuan re laj Serug nak quiyoꞌla laj Nacor li ralal.

1 Crónicas 1:27

Ut laj Taré, aꞌan lix yucuaꞌ laj Abram, li nequeꞌxye ajcuiꞌ Abraham re.