Josué 24:18 - Li Santil hu

¹⁸ Li Ka̱cuaꞌ quikꞌaxtesin saꞌ kukꞌ chixjunileb li tenamit ut quixkꞌaxtesiheb ajcuiꞌ laj amorreo li queꞌcuan saꞌ li chꞌochꞌ aꞌin. Joꞌcan nak la̱o tocꞌanjelak ajcuiꞌ chiru li Ka̱cuaꞌ joꞌ nacatcꞌanjelac la̱at xban nak aꞌan li kaDios, chanqueb.

Q'eqchi Bible

¹⁸ Jo'wi' anchal, li Qaawa' kiraanilasiheb' chiqu chixjunileb' li tenamit ut eb' laj Amor li ke'wank sa' li na'ajej a'in. Ch'olch'o ru naq laa'o ajwi' took'anjelaq chiru li Qaawa' xb'aan naq a'an li qaYos”, chankeb'.

Josué 24:18 ပူးပေါင်းရင်းမြစ်များ

Zacarías 8:23

Saꞌ eb li cutan aꞌan, laje̱b chi cui̱nk jalan jala̱nk xtenamiteb ut jalan jala̱nk ra̱tinoba̱leb teꞌcha̱lk ut teꞌxchap chi rakꞌ junak aj judío ut teꞌxye re: —La̱o takaj xic che̱rix la̱ex aran Jerusalén xban nak nakanau nak li Ka̱cuaꞌ Dios cuan e̱riqꞌuin la̱ex aj judío, chaꞌkeb.

Miqueas 4:2

Ut nabaleb li tenamit teꞌcha̱lk ut teꞌxye: —Yoꞌkeb. Takekꞌo chiru li tzu̱l li cuan cuiꞌ li templo. Toxic saꞌ rochoch lix Dios laj Jacob ut aꞌan ta̱cꞌutuk chiku cꞌaꞌru ta̱raj takaba̱nu. Ut la̱o takaba̱nu li cꞌaꞌru naraj aꞌan xban nak aran Sión nayeman chak lix chakꞌrab li Ka̱cuaꞌ. Aran Jerusalén nayeman chak li ra̱tin li Dios.

Salmos 116:16

At nimajcual Dios, relic chi ya̱l la̱in aj cꞌanjel cha̱cuu ut lin naꞌ aj cꞌanjel ajcuiꞌ cha̱cuu. La̱at xina̱col chiru li ca̱mc.

Éxodo 15:2

Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Éxodo 10:2

Chi joꞌcan la̱ex te̱ye reheb le̱ ralal e̱cꞌajol chanru xinba̱nu riqꞌuineb laj Egipto nak xincꞌutbesi lin cuanquilal chiruheb. La̱ex te̱nau nak relic chi ya̱l nak la̱in li Ka̱cuaꞌ Dios, chan.

Hechos 7:45

Eb li kaxeꞌto̱nil yucuaꞌ queꞌxcꞌul li muheba̱l aꞌin. Ut nak laj Josué quicꞌamoc be chiruheb chi pletic, queꞌxcꞌam li muheba̱l chirixeb. Ut queꞌre̱chani lix chꞌochꞌeb li ma̱cuaꞌeb aj judío nak li Dios quirisi chiruheb li kaxeꞌto̱nil yucuaꞌ li xicꞌ queꞌiloc reheb. Li muheba̱l aꞌan quicꞌanjelac saꞌ eb li cutan aꞌan toj chalen nak quicuan laj David chokꞌ rey.

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

Deuteronomio 33:27

Li Ka̱cuaꞌ li cuan chi junelic, aꞌan li nacoloc e̱re. Aꞌan natenkꞌan e̱re riqꞌuin lix cuanquil li incꞌaꞌ na-osoꞌ. Aꞌan li ta̱isi̱nk reheb li xicꞌ nequeꞌiloc e̱re saꞌ li naꞌajej li tixqꞌue e̱re. Aꞌan li quixye e̱re nak te̱sach ruheb.

Josué 24:17

Li Ka̱cuaꞌ li kaDios, aꞌan li qui-isin chak reheb li kaxeꞌto̱nil yucuaꞌ joꞌ ajcuiꞌ la̱o saꞌ li naꞌajej Egipto bar cocuan cuiꞌ chak chokꞌ rahobtesinbil mo̱s. Aꞌan quixba̱nu qꞌuila milagro chiku ut aꞌan ajcuiꞌ li qui-iloc ke nak quilajonumeꞌ chak saꞌ eb li naꞌajej aꞌan.

Josué 24:19

Ut laj Josué quixye reheb: —La̱ex incꞌaꞌ texru̱k chi cꞌanjelac chiru li Ka̱cuaꞌ xban nak aꞌan jun Dios Santo. Aꞌan incꞌaꞌ tixcuy e̱ma̱c cui yo̱kex chixlokꞌoninquil li yi̱banbil dios. Aꞌan incꞌaꞌ tixcuy e̱ma̱c riqꞌuin le̱ kꞌetkꞌetil chi moco tixcuy e̱ma̱c riqꞌuin le̱ ma̱usilal.

Deuteronomio 10:21

Li Ka̱cuaꞌ aꞌan li te̱lokꞌoni xban nak aꞌan le̱ Dios. La̱ex queril li sachba chꞌo̱lej li quixba̱nu riqꞌuin lix nimal xcuanquilal.

Josué 23:9

Li Ka̱cuaꞌ quitenkꞌan e̱re chirisinquileb saꞌ li naꞌajej aꞌin li xni̱nkal ru tenamit li kꞌaxal cauheb rib. Ut chalen anakcuan ma̱ jun nequeꞌru chi numta̱c saꞌ e̱be̱n.