Josué 24:17 - Li Santil hu

¹⁷ Li Ka̱cuaꞌ li kaDios, aꞌan li qui-isin chak reheb li kaxeꞌto̱nil yucuaꞌ joꞌ ajcuiꞌ la̱o saꞌ li naꞌajej Egipto bar cocuan cuiꞌ chak chokꞌ rahobtesinbil mo̱s. Aꞌan quixba̱nu qꞌuila milagro chiku ut aꞌan ajcuiꞌ li qui-iloc ke nak quilajonumeꞌ chak saꞌ eb li naꞌajej aꞌan.

Q'eqchi Bible

¹⁷ Xb'aan naq li Qaawa' li qaYos, a'an ki'isink chaq qe ut eb' li qana' qayuwa' sa' li na'ajej Ejiipt, b'arwi' koowank chaq chi munil. A'an kib'aanunk re xninqal eetalil chiqu ut kooxkol sa' li qab'eenik ut sa'atqeb' chixjunil li tenamit koonume'k wi'.

Josué 24:17 ပူးပေါင်းရင်းမြစ်များ

Éxodo 19:4

La̱ex xeril chanru xinba̱nu reheb laj Egipto. La̱ex xexcuisi saꞌ xya̱nkeb ut xexincꞌam cuiqꞌuin joꞌ naxba̱nu li cꞌuch riqꞌuin li cocꞌ ral.

Isaías 46:4

La̱in junelic tin-ilok e̱re toj saꞌ e̱ti̱xilal. Texcuil nak sak chic le̱ jolom. La̱in quinyoꞌobtesin e̱re ut la̱in tin-ilok e̱re. La̱in tintenkꞌa̱nk e̱re ut tincolok e̱re.

Josué 24:16

Ut eb li tenamit queꞌchakꞌoc ut queꞌxye: —Incꞌaꞌ taxak takacanab li Ka̱cuaꞌ li kaDios. La̱o incꞌaꞌ naru takacanab xlokꞌoninquil li Ka̱cuaꞌ yal xban xlokꞌoninquil li yi̱banbil dios.

Josué 24:18

Li Ka̱cuaꞌ quikꞌaxtesin saꞌ kukꞌ chixjunileb li tenamit ut quixkꞌaxtesiheb ajcuiꞌ laj amorreo li queꞌcuan saꞌ li chꞌochꞌ aꞌin. Joꞌcan nak la̱o tocꞌanjelak ajcuiꞌ chiru li Ka̱cuaꞌ joꞌ nacatcꞌanjelac la̱at xban nak aꞌan li kaDios, chanqueb.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 13:14

Mokon chic le̱ ralal e̱cꞌajol teꞌxpatzꞌ e̱re cꞌaꞌru xya̱lal li nequeba̱nu. La̱ex te̱ye reheb, “Nakaba̱nu aꞌin re xjulticanquil nak riqꞌuin xnimal xcuanquilal li Dios corisi chak saꞌ li tenamit Egipto bar cocuan cuiꞌ chak chokꞌ rahobtesinbil mo̱s.

Deuteronomio 7:19

Riqꞌuin xnakꞌ e̱ru la̱ex xeril li sachba chꞌo̱lej ut li milagro li quixba̱nu li Ka̱cuaꞌ riqꞌuin xnimal xcuanquil nak quexrisi saꞌ li raylal li cuanquex cuiꞌ. Ut joꞌcan ajcuiꞌ tixba̱nu li Ka̱cuaꞌ le̱ Dios riqꞌuineb li tenamit aꞌin li yo̱queb chixqꞌuebal e̱xiu.

Deuteronomio 29:2

Laj Moisés quixchꞌutubeb chixjunileb laj Israel ut quixye reheb: —La̱ex queril li cꞌaꞌru quixba̱nu li Ka̱cuaꞌ re laj faraón lix reyeb laj Egipto ut reheb chixjunileb li nequeꞌtenkꞌan reheb joꞌ eb ajcuiꞌ chixjunileb li tenamit.

Deuteronomio 32:9

La̱ex li ralal xcꞌajol laj Jacob, la̱ex lix tenamit li Ka̱cuaꞌ.

2 Crónicas 13:10

Abanan, li kaDios la̱o, aꞌan li Ka̱cuaꞌ. Incꞌaꞌ yo̱co chixtzꞌekta̱nanquil. Eb laj tij li yo̱queb chi cꞌanjelac chiru li Ka̱cuaꞌ, aꞌaneb li ralal xcꞌajol laj Aarón ut eb li nequeꞌtenkꞌan reheb, aꞌaneb laj levitas.