Josué 23:6 - Li Santil hu

⁶ Joꞌcan nak checacuubresi e̱chꞌo̱l ut cheqꞌuehak retal chi us re nak te̱ba̱nu chi tzꞌakal chixjunil li cꞌaꞌru tzꞌi̱banbil saꞌ li chakꞌrab li quiqꞌueheꞌ re laj Moisés. Ut incꞌaꞌ te̱canab xba̱nunquil li naxye saꞌ li chakꞌrab.

Q'eqchi Bible

⁶ “Q'axal cheyal eeq'e chi xpaab'ankil ut xk'anjelankil ru chixjunil li tz'iib'anb'il sa' xhuhil li xChaq'rab' laj Moisés. Chepaab'aq chi tz'aqal re ru.

Josué 23:6 ပူးပေါင်းရင်းမြစ်များ

Deuteronomio 28:14

Me̱canab xba̱nunquil li chakꞌrab li yo̱quin chixqꞌuebal e̱re anakcuan. Ut me̱lokꞌoni li jalanil dios chi moco texcꞌanjelak chiruheb.

Deuteronomio 5:32

Joꞌcan nak cheqꞌuehak retal ut te̱ba̱nu li cꞌaꞌru naxye e̱re li Ka̱cuaꞌ le̱ Dios. Me̱canab xba̱nunquil. Te̱ba̱nu ban chixjunil li naxye li Ka̱cuaꞌ.

Hebreos 12:4

La̱ex toj ma̱jiꞌ nequexcamsi̱c xban nak nequeqꞌue e̱chꞌo̱l chixcolbal e̱rib chiru li ma̱c.

Deuteronomio 17:20

Incꞌaꞌ tixnimobresi rib chiruheb li rech tenamitil. Ut incꞌaꞌ tixcanab xba̱nunquil li cꞌaꞌru naxye li chakꞌrab. Tixqꞌue ban xchꞌo̱l chixba̱nunquil chi tzꞌakal re ru saꞌ e̱ya̱nk la̱ex aj Israel re nak najt ta̱cua̱nk saꞌ lix cuanquil joꞌ eb ajcuiꞌ li ralal xcꞌajol.

Deuteronomio 12:32

Te̱ba̱nu chixjunil li cꞌaꞌru xinye e̱re. Me̱qꞌue xtzꞌakob li cua̱tin, chi moco te̱cꞌos li cꞌaꞌru xinye e̱re.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Salmos 101:3

La̱in incꞌaꞌ tinba̱nu li cꞌaꞌru nequeꞌxba̱nu li incꞌaꞌ useb xnaꞌleb. Xicꞌ nacuil li cꞌaꞌru nequeꞌxba̱nu eb aꞌan. Ma̱ jokꞌe tincꞌam cuib riqꞌuineb aꞌan.

Salmos 119:102

Incꞌaꞌ nincanab xba̱nunquil li naxye la̱ chakꞌrab xban nak la̱at xatcꞌutuc chicuu lix ya̱lal.

1 Reyes 2:3

Chaba̱nu la̱ taklanquil li xqꞌue li Ka̱cuaꞌ la̱ Dios. Ta̱ba̱nu taxak li cꞌaꞌru naxye a̱cue. Ba̱nu li cꞌaꞌru naraj aꞌan joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Ta̱ba̱nu li cꞌaꞌru naraj li Ka̱cuaꞌ re nak us tat-e̱lk riqꞌuin chixjunil li ta̱ba̱nu yalak bar tatxic.