Josué 23:15 - Li Santil hu

¹⁵ Joꞌ nak xqꞌue chixjunil li cha̱bil li quixyechiꞌi e̱re li Ka̱cuaꞌ le̱ Dios, joꞌcan ajcuiꞌ nak tixqꞌue chak raylal saꞌ e̱be̱n joꞌ quixye e̱re, cui incꞌaꞌ te̱ba̱nu li us. Tixsach e̱ru re nak incꞌaꞌ chic texcua̱nk saꞌ li cha̱bil naꞌajej aꞌin li quixqꞌue e̱re li Ka̱cuaꞌ.

Q'eqchi Bible

¹⁵ Ab'anan kama' xtz'aqlok ru chixjunil li k'aru chaab'il li kixyeechi'i eere li Qaawa' leeYos, jo'kan ajwi' naq li Qaawa' tixtaqla chaq sa' eeb'een li rahilal, toj reetal maajun eere tkanaaq sa' xb'een li xchaq'alil ru ch'och' a'in li xk'ehom eere li Qaawa' leeYos.

Josué 23:15 ပူးပေါင်းရင်းမြစ်များ

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

Jueces 13:1

Eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb rubel xcuanquileb laj filisteo chiru caꞌcꞌa̱l (40) chihab.

Jueces 6:1

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb saꞌ rukꞌeb laj Madián chiru cuukub chihab.

Jueces 3:8

Xban li ma̱usilal queꞌxba̱nu, cꞌajoꞌ nak quijoskꞌoꞌ li Dios saꞌ xbe̱neb ut quixcanabeb saꞌ rukꞌeb laj Cusan-risataim, lix reyeb laj Mesopotamia. Joꞌcan nak eb laj Israel queꞌcuan rubel xtakl li rey aꞌan chiru cuakxakib chihab.

Jueces 3:12

Queꞌma̱cob cuiꞌchic chiru li Ka̱cuaꞌ eb laj Israel. Joꞌcan nak li Ka̱cuaꞌ quixqꞌue xmetzꞌe̱u laj Eglón chi numta̱c saꞌ xbe̱neb. Laj Eglón, aꞌan lix reyeb laj Moab. Kꞌaxal cau rib laj Eglón chiruheb laj Israel.

1 Reyes 8:56

—Lokꞌoninbil taxak li Ka̱cuaꞌ Dios xban nak xqꞌue tuktu̱quil usilal saꞌ lix tenamit Israel joꞌ quixyechiꞌi. Ma̱ jun li cꞌaꞌak re ru incꞌaꞌ ta xba̱nu. Quixba̱nu ban chixjunil li quixye chak re laj Moisés laj cꞌanjel chiru.

1 Reyes 14:15

Li Ka̱cuaꞌ tixqꞌueheb chi rahobtesi̱c laj Israel. Chanchan nak na-ecꞌasi̱c li caxlan ajl xban li haꞌ nak teꞌisi̱k saꞌ li cha̱bil naꞌajej li quixqꞌue li Dios reheb lix xeꞌto̱nil xyucuaꞌeb. Tixchaꞌchaꞌi ruheb ut tixtaklaheb jun pacꞌal li nimaꞌ Éufrates xban nak queꞌxchikꞌ xjoskꞌil li Dios nak queꞌxyi̱b lix dios Asera ut queꞌxlokꞌoni.

Isaías 24:6

Xban li ma̱usilal li queꞌxba̱nu quisacheꞌ ru li ruchichꞌochꞌ. Ut eb li cristian yo̱queb chixtojbal rix li ma̱c queꞌxba̱nu. Moco qꞌuiheb ta chic li teꞌcana̱k.

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

Jeremías 35:17

Joꞌcan nak la̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tintakla li raylal saꞌ xbe̱neb laj Judá ut chixjunileb li cuanqueb Jerusalén joꞌ quinye reheb. Nabal li raylal tintakla saꞌ xbe̱neb. Xina̱tinac riqꞌuineb, abanan incꞌaꞌ xeꞌabin chicuu. Xinbokeb chi cha̱lc cuiqꞌuin ut incꞌaꞌ queꞌraj cha̱lc cuiqꞌuin, chan.

Levítico 26:3

Cui te̱ba̱nu li cꞌaꞌru naxye saꞌ li chakꞌrab li xinqꞌue e̱re, ut cui te̱ba̱nu li cꞌaꞌru xinye e̱re,

Jeremías 32:42

Aꞌan aꞌin li naxye li Ka̱cuaꞌ: Joꞌ nak quinqꞌue li nimla raylal aꞌin saꞌ xbe̱neb li tenamit, joꞌcan ajcuiꞌ nak la̱in tinba̱nu chixjunil li usilal aꞌin reheb joꞌ xinyechiꞌi reheb.