Josué 23:14 - Li Santil hu

¹⁴ La̱in cuulac re xkꞌehil lin camic. La̱in nacuaj nak te̱qꞌue retal chi anchal e̱chꞌo̱l ut chi anchal e̱ra̱m nak chixjunil li cha̱bil li quixyechiꞌi e̱re li Ka̱cuaꞌ, xqꞌue e̱re. Ut ma̱ jun li cꞌaꞌru quixyechiꞌi e̱re incꞌaꞌ ta xqꞌue.

Q'eqchi Bible

¹⁴ “Laa'in wulak re xq'ehil linkamik, ab'an xb'enwa nawaj naq teek'e sa' xnaq' eeru chi anchal eech'ool, chi anchal eeraanm naq chixjunil li xyeechi'om chaq li Qaawa' leeYos cho'q eere, ak xtz'aqlok ru; maajun ink'a' ta x'uxk.

Josué 23:14 ပူးပေါင်းရင်းမြစ်များ

San Lucas 21:33

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk li cꞌaꞌru naxye.

1 Reyes 2:2

—La̱in ca̱mc cue joꞌ nak nequeꞌcam chixjunileb li cristian saꞌ ruchichꞌochꞌ. Cauhak taxak a̱chꞌo̱l ut ta̱yal taxak a̱kꞌe chixba̱nunquil li us.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

1 Reyes 8:56

—Lokꞌoninbil taxak li Ka̱cuaꞌ Dios xban nak xqꞌue tuktu̱quil usilal saꞌ lix tenamit Israel joꞌ quixyechiꞌi. Ma̱ jun li cꞌaꞌak re ru incꞌaꞌ ta xba̱nu. Quixba̱nu ban chixjunil li quixye chak re laj Moisés laj cꞌanjel chiru.

1 Samuel 3:19

Laj Samuel quiniman ut li Ka̱cuaꞌ cuan riqꞌuin ut aꞌan yo̱ chi tenkꞌa̱nc re. Ut quicꞌulman chixjunil joꞌ quixye laj Samuel.

Eclesiastés 12:5

Tatxucuak chi cubec saꞌ junak naꞌajej najt xteram. Yo̱k a̱xiu nak tatbe̱k ut sakak chic la̱ cuismal, chanchanak xsakal li ratzꞌum li almendro. Incꞌaꞌ chic ta̱cuy xban nak ti̱xakat chic chi us. Incꞌaꞌ chic tatcuaꞌak ut ma̱cꞌaꞌ chic ta̱ra ru. Chi se̱b tatca̱mk ut tatxic chi hila̱nc saꞌ la̱ naꞌaj chi junaj cua. Ut nak eb laj mukunel yo̱keb chi xic cha̱mukbal, yo̱keb chi ya̱bac xban nak ac xatcam.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Li xHu LAJ JOB 30:23

La̱in ninnau nak la̱at ta̱cuaj tinca̱mk. Ninnau nak la̱at ta̱cuaj nak tinxic saꞌ li naꞌajej li teꞌxic cuiꞌ chixjunileb li nequeꞌcam.

Ezequiel 20:28

La̱in quincꞌameb saꞌ li cha̱bil naꞌajej li quinyechiꞌi reheb. Nak queꞌril li tzu̱l li najt xteram ut eb li cheꞌ li ni̱nk xmu, queꞌxqꞌue xmayejeb aran. Queꞌxchikꞌ injoskꞌil nak queꞌxqꞌue lix cꞌatbil mayej ut queꞌxqꞌue li vino chokꞌ xmayej ut queꞌxqꞌue ajcuiꞌ li sununquil pom.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.