Josué 22:9 - Li Santil hu

⁹ Joꞌcaꞌin nak queꞌxjach ribeb li ralal xcꞌajol laj Rubén ut eb li ralal xcꞌajol laj Gad, joꞌ ajcuiꞌ li yijach li ralal xcꞌajol laj Manasés riqꞌuineb li jun chꞌol chic laj Israel. Queꞌxjach ribeb aran Silo saꞌ li naꞌajej Canaán ut queꞌco̱eb saꞌ li naꞌajej Galaad, li naꞌajej li quiqꞌueheꞌ reheb joꞌ quixye li Ka̱cuaꞌ re laj Moisés.

Q'eqchi Bible

⁹ Toja' naq eb' laj Rubén, eb' laj Gad ut li xyiijachil xteepal laj Manasés ke'xjach rib' rik'ineb' laj Israel aran Siló, sa' xteepal Kanahán, ut ke'sutq'iik sa' li na'ajej Galahad, a' li reechanihomeb' chaq jo' chanru li xyehom li Qaawa' re laj Moisés.

Josué 22:9 ပူးပေါင်းရင်းမြစ်များ

Números 32:29

Quixye reheb: —Cui eb li cui̱nk xcomoneb li ralal xcꞌajol laj Gad ut eb li ralal xcꞌajol laj Rubén teꞌxic jun pacꞌal li nimaꞌ chi pletic, la̱ex te̱qꞌue reheb li naꞌajej Galaad nak ac xere̱chani li chꞌochꞌ.

Números 32:26

Eb li kacocꞌal, ut eb li kixakil joꞌ eb ajcuiꞌ li kaqueto̱mk teꞌcana̱k arin saꞌ eb li tenamit li cuan saꞌ xcue̱nt Galaad.

Números 32:1

Kꞌaxal nabaleb lix queto̱mkeb li ralal xcꞌajol laj Rubén ut eb li ralal xcꞌajol laj Gad. Queꞌril li naꞌajej Jazer ut Galaad ut queꞌxqꞌue retal nak cha̱bil re qꞌuiresi̱nc queto̱mk.

Salmos 60:7

Galaad ut Manasés cue la̱in. Efraín lokꞌ chicuu. Chanchan xcolbal injolom. Judá chanchan lin xukꞌ retalil lin cuanquilal.

Josué 13:31

Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

Josué 13:25

Aꞌan aꞌin li naꞌajej li quiqꞌueheꞌ reheb: li naꞌajej Jazer ut chixjunileb li tenamit li cuanqueb Galaad, ut yijach lix naꞌajeb li ralal xcꞌajol laj Amón. Nacuulac toj saꞌ li tenamit Aroer li cuan chiru li naꞌajej Rabá.

Josué 13:11

Ut quijeqꞌui̱c ajcuiꞌ reheb li naꞌajej Galaad ut lix tenamiteb laj gesureo ut lix naꞌajeb laj maacateo, ut chixjunil li tzu̱l Hermón ut chixjunil li naꞌajej Basán. Nacuulac toj saꞌ li tenamit Salca.

Josué 22:10

Nak queꞌcuulac saꞌ li nuba̱l cuan cuiꞌ li nimaꞌ Jordán, queꞌxyi̱b jun nimla artal saꞌ li naꞌajej Canaán eb li ralal xcꞌajol laj Rubén ut eb li ralal xcꞌajol laj Gad, joꞌ ajcuiꞌ li yijach li ralal xcꞌajol laj Manasés.

Jueces 5:17

Incꞌaꞌ queꞌco̱eb li ralal xcꞌajol laj Galaad li cuanqueb jun pacꞌal li nimaꞌ Jordán saꞌ li este. Ut incꞌaꞌ queꞌco̱eb li ralal xcꞌajol laj Dan li nequeꞌcꞌanjelac saꞌ li ni̱nki jucub. Chi moco queꞌco̱eb li ralal xcꞌajol laj Aser li cuanqueb saꞌ li naꞌajej chire li nimla palau.

2 Samuel 2:9

Ut quixxakab laj Is-boset chokꞌ xreyeb li cuanqueb Galaad, ut eb li cuanqueb Gesuri, joꞌ eb ajcuiꞌ li cuanqueb Jezreel. Ut quixxakab ajcuiꞌ chokꞌ xreyeb li ralal xcꞌajol laj Efraín ut eb li ralal xcꞌajol laj Benjamín. Quixxakab chokꞌ xreyeb chixjunileb li cuanqueb saꞌ li naꞌajej Israel.

1 Crónicas 5:9

Queꞌcuan saꞌ li oriente. Naticla saꞌ li chaki chꞌochꞌ ut nacuulac cuan cuiꞌ li nimaꞌ Éufrates xban nak queꞌqꞌuian lix queto̱mkeb aran Galaad.

Números 32:20

Ut laj Moisés quixye reheb: —Cui ya̱l nak yo̱quex chi a̱tinac, cauresihomak e̱rib chi pletic joꞌ quixye li Ka̱cuaꞌ.

Números 32:22

Nak acak xere̱chani li naꞌajej, la̱ex naru texsukꞌi̱k saꞌ li naꞌajej aꞌin xban nak ac xeba̱nu li cꞌaꞌru xeyechiꞌi xba̱nunquil re li Dios ut reheb le̱ rech tenamitil. Ut li naꞌajej aꞌin e̱rehak chic chiru li Ka̱cuaꞌ.

Deuteronomio 3:18

Saꞌ li cutan aꞌan la̱in quinye e̱re, Li Ka̱cuaꞌ li kaDios xqꞌue e̱re li naꞌajej aꞌin re texcua̱nk cuiꞌ. Cauresihomakeb li cauheb xchꞌo̱l chi pletic ut taklahomakeb jun pacꞌal li nimaꞌ Jordán re xtenkꞌanquileb li jun chꞌol chic laj Israel chixcolbal rix lix naꞌajeb.

Deuteronomio 3:20

Incꞌaꞌ naru texsukꞌi̱k saꞌ le̱ naꞌaj la̱ex toj teꞌre̱chani lix naꞌajeb li jun chꞌol chic joꞌ nak li Ka̱cuaꞌ xqꞌue e̱re la̱ex. Nak ac cua̱nkeb saꞌ lix naꞌajeb chi cꞌojcꞌo xchꞌo̱leb naru texsukꞌi̱k saꞌ li naꞌajej li xqꞌueheꞌ e̱re la̱ex.

Deuteronomio 34:1

Laj Moisés qui-el saꞌ li ru takꞌa aran Moab ut quitakeꞌ chiru li tzu̱l Nebo ut co̱ saꞌ xbe̱n li tzu̱l Pisga li cuan saꞌ xcaꞌyaba̱l li tenamit Jericó. Ut li Ka̱cuaꞌ quixcꞌut chiru chixjunil li nimla naꞌajej li cuan Galaad toj saꞌ li naꞌajej li teꞌre̱chani li ralal xcꞌajol laj Dan.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.