Josué 22:4 - Li Santil hu

⁴ Anakcuan ac xqꞌue ke li Ka̱cuaꞌ li cꞌaꞌru quixyechiꞌi ut eb le̱ rech tenamitil cuanqueb saꞌ xya̱lal. Anakcuan tintzꞌa̱ma che̱ru nak texsukꞌi̱k saꞌ le̱ naꞌaj aran jun pacꞌal li nimaꞌ Jordán, li quiqꞌueheꞌ e̱re xban laj Moisés laj cꞌanjel chiru li Ka̱cuaꞌ.

Q'eqchi Bible

⁴ Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

Josué 22:4 ပူးပေါင်းရင်းမြစ်များ

Josué 13:8

Eb li ralal xcꞌajol laj Rubén ut eb li ralal xcꞌajol laj Gad ac xeꞌxcꞌul lix chꞌochꞌeb joꞌ eb ajcuiꞌ li yijach chic li ralal xcꞌajol laj Manasés queꞌxcꞌul lix chꞌochꞌeb nak laj Moisés quixjeqꞌui lix chꞌochꞌeb joꞌ quixye li Ka̱cuaꞌ. Li naꞌajej li queꞌxcꞌul, aꞌan cuan jun pacꞌal li nimaꞌ Jordán saꞌ li este.

Números 32:18

La̱o incꞌaꞌ tosukꞌi̱k saꞌ li naꞌajej aꞌin toj nak ac xeꞌre̱chani lix naꞌajeb chixjunileb laj Israel.

Deuteronomio 3:20

Incꞌaꞌ naru texsukꞌi̱k saꞌ le̱ naꞌaj la̱ex toj teꞌre̱chani lix naꞌajeb li jun chꞌol chic joꞌ nak li Ka̱cuaꞌ xqꞌue e̱re la̱ex. Nak ac cua̱nkeb saꞌ lix naꞌajeb chi cꞌojcꞌo xchꞌo̱leb naru texsukꞌi̱k saꞌ li naꞌajej li xqꞌueheꞌ e̱re la̱ex.

Josué 13:15

Laj Moisés quixjeqꞌui li naꞌajej aꞌin reheb li ralal xcꞌajol laj Rubén aꞌ yal chanru xqꞌuial li junju̱nk chꞌu̱tal.

Deuteronomio 29:8

La̱o xke̱chani lix naꞌajeb ut xkajeqꞌui reheb li ralal xcꞌajol laj Rubén, ut reheb li ralal xcꞌajol laj Gad, ut reheb ajcuiꞌ yi jach li ralal xcꞌajol laj Manasés.

Deuteronomio 12:9

Toj ma̱jiꞌ nequexcuulac saꞌ li naꞌajej li tixqꞌue e̱re li Ka̱cuaꞌ li texcua̱nk cuiꞌ saꞌ tuktu̱quil usilal.

Hebreos 4:8

Eb li queꞌpa̱ban saꞌ xya̱nkeb laj Israel queꞌoc chi hila̱nc saꞌ li naꞌajej Canaán nak laj Josué quicꞌamoc be chiruheb. Abanan ma̱cuaꞌ aꞌan li tzꞌakal naꞌajej re hila̱nc chi junelic. Cui ta aꞌan li tzꞌakal hiloba̱l, incꞌaꞌ raj chic quixye li Dios nak toj naru to-oc chi hila̱nc riqꞌuin.

Éxodo 33:14

Ut li Dios quixye re laj Moisés: —La̱in cua̱nkin a̱cuiqꞌuin ut riqꞌuin aꞌan chacꞌojob a̱chꞌo̱l, chan.

Josué 1:15

Te̱tenkꞌaheb toj retal teꞌre̱chani li naꞌajej re teꞌhila̱nk cuiꞌ joꞌ yechiꞌinbil reheb xban li Dios. Te̱tenkꞌaheb toj teꞌre̱chani lix naꞌajeb joꞌ nak xere̱chani le̱ re la̱ex. Ut nak ac xeꞌre̱chani lix naꞌajeb, la̱ex texsukꞌi̱k cuiꞌchic saꞌ le̱ naꞌaj li cuan saꞌ li pacꞌal aꞌin saꞌ li este. Aꞌin li naꞌajej li quixqꞌue e̱re li Dios joꞌ quiyeheꞌ e̱re xban laj Moisés laj cꞌanjel chiru li Dios, chan laj Josué.

Josué 22:3

Chalen chak junxil ut toj chalen anakcuan ma̱ jun sut xecanabeb xjuneseb laj Israel le̱ rech tenamitil. Xeba̱nu ban chi tzꞌakal re ru le̱ chakꞌrabinquil xban li Ka̱cuaꞌ li kaDios.

Josué 12:6

Junxil laj Moisés rochbeneb lix soldado queꞌnumta saꞌ xbe̱neb li rey Sehón ut li rey Og. Ut li naꞌajej li queꞌre̱chani, laj Moisés quixjecꞌ reheb li jun te̱p chi ralal xcꞌajol laj Rubén, reheb li jun te̱p chi ralal xcꞌajol laj Gad ut reheb ajcuiꞌ yijach xte̱paleb li ralal xcꞌajol laj Manasés.

1 Crónicas 22:18

Quixye reheb: —¿Ma incꞌaꞌ ta biꞌ cuan li Ka̱cuaꞌ le̱ Dios e̱riqꞌuin? ¿Ma ma̱cuaꞌ ta biꞌ aꞌan xqꞌuehoc e̱re chi cua̱nc saꞌ li tuktu̱quil usilal? ¿Ma ma̱cuaꞌ ta biꞌ aꞌan xkꞌaxtesin re saꞌ cuukꞌ chixjunileb li cuanqueb chi xjun sutam li kanaꞌaj? Li kanaꞌaj cuan rubel xcuanquil li Dios ut rubel ajcuiꞌ le̱ cuanquil la̱ex lix tenamit.