Josué 22:29 - Li Santil hu

²⁹ Incꞌaꞌ taxak chicꞌulma̱nk chi joꞌcan. Incꞌaꞌ taxak takakꞌetkꞌeti kib chiru li Ka̱cuaꞌ chi moco takatzꞌekta̱na riqꞌuin xyi̱banquil li artal re li cꞌatbil mayej, chi moco re qꞌuehoc mayej, chi moco re li cꞌatbil xul, xban nak ma̱cꞌaꞌ chic junak artal chiru lix artal li Ka̱cuaꞌ Dios li cuan chiru li tabernáculo, chanqueb.

Q'eqchi Bible

²⁹ Maajun sut xqak'oxla xq'etq'etinkil qib' chiru li Qaawa' ut xtz'eqtaanankil A'an rik'in xyiib'ankil junaq artal re xq'axtesinkil k'atb'il mayej, qayeechi'om malaj re mayejak. Laa'o toomayejaq ka'ajwi' sa' xb'een li x'artal li Qaawa' li qaYos, li wank chiru li xLoq'laj Muheb'aal.

Josué 22:29 ပူးပေါင်းရင်းမြစ်များ

Josué 24:16

Ut eb li tenamit queꞌchakꞌoc ut queꞌxye: —Incꞌaꞌ taxak takacanab li Ka̱cuaꞌ li kaDios. La̱o incꞌaꞌ naru takacanab xlokꞌoninquil li Ka̱cuaꞌ yal xban xlokꞌoninquil li yi̱banbil dios.

Romanos 9:14

¿Cꞌaꞌru takaye chirix aꞌan? ¿Ma takaye nak ma̱cuaꞌ ti̱quilal li naxba̱nu li Dios? Ma̱ jokꞌe takaye chi joꞌcan.

Romanos 6:2

¡Ma̱ jokꞌe! Ma̱min ta̱ru̱k. Chanchan nak ac camenako la̱o xban nak moco cuan ta chic xcuanquil li ma̱c saꞌ kabe̱n. Cui ma̱cꞌaꞌ chic xcuanquil li ma̱c saꞌ kabe̱n, ¿cꞌaꞌut nak toj yo̱ko chi ma̱cobc?

Romanos 3:6

Relic chi ya̱l nak ti̱c xchꞌo̱l li Dios. Cui ta incꞌaꞌ, ¿chan raj ru nak tixrak a̱tin saꞌ xbe̱neb li cuanqueb saꞌ ruchichꞌochꞌ?

2 Crónicas 32:12

¿Ma ma̱cuaꞌ ta biꞌ laj Ezequías li qui-isin reheb li artal saꞌ li naꞌajej li najt xteram li nequelokꞌoni cuiꞌ le̱ Dios? ¿Ma ma̱cuaꞌ ta biꞌ aꞌan li quiyehoc reheb laj Jerusalén ut eb laj Judá nak caꞌaj cuiꞌ saꞌ li artal li cuan Jerusalén teꞌlokꞌoni̱nk ut teꞌxcꞌat li incienso?

2 Reyes 18:22

Ma̱re la̱ex te̱ye cue nak cꞌojcꞌo e̱chꞌo̱l riqꞌuin li Ka̱cuaꞌ le̱ Dios. ¿Ma incꞌaꞌ ta biꞌ isinbil saꞌ e̱ya̱nk chixjunileb li artal xban li rey Ezequías? ¿Ma ma̱cuaꞌ ta biꞌ aꞌan quiyehoc reheb laj Judá ut laj Jerusalén nak chiru jun ajcuiꞌ li artal teꞌlokꞌoni̱nk aran Jerusalén?

1 Reyes 21:3

Abanan laj Nabot quixye re: —Incꞌaꞌ taxak chixqꞌue inlese̱ns li Dios chixcꞌayinquil a̱cue li naꞌajej aꞌin xban nak la̱in xcue̱chani riqꞌuin lin xeꞌto̱nil yucuaꞌ, chan.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.

Josué 22:26

Joꞌcan nak xkacꞌu̱b ru nak takayi̱b junak li artal. Ma̱cuaꞌ re qꞌuehoc mayej chi moco re cꞌatoc xul.

Josué 22:23

Aꞌ ta li Ka̱cuaꞌ chiqꞌuehok ke chixtojbal li kama̱c cui la̱o xkayi̱b li artal aꞌin re xtzꞌekta̱nanquil li Dios malaj ut re li mayej re xcꞌambal kib saꞌ usilal, malaj ut re xqꞌuebal li cꞌatbil mayej.

Génesis 44:17

Laj José quichakꞌoc ut quixye reheb: —Incꞌaꞌ nacuaj chi joꞌcan. Caꞌaj cuiꞌ li xtauman cuiꞌ lin secꞌ, aꞌan ta̱cana̱k chokꞌ inmo̱s. Ut la̱ex naru texsukꞌi̱k saꞌ xya̱lal riqꞌuin le̱ yucuaꞌ, chan.

Génesis 44:7

Eb aꞌan queꞌchakꞌoc ut queꞌxye re: —At Ka̱cuaꞌ, ¿cꞌaꞌut nak yo̱cat chixyebal ke chi joꞌcan? La̱o moco cꞌaynako ta chixba̱nunquil li naꞌleb aꞌan.

Josué 22:28

La̱o xkacꞌoxla nak cui ani ta̱yehok reheb li kalal kacꞌajol chi joꞌcan, eb aꞌan teꞌxye, “Qꞌuehomak retal. Eb li kaxeꞌto̱nil yucuaꞌ queꞌxyi̱b li artal aꞌin chokꞌ re li Ka̱cuaꞌ. Ma̱cuaꞌ re qꞌuehoc mayej chi moco re xcꞌatbal li xul. Re ban nak ta̱cꞌanjelak chokꞌ retalil chiku la̱o ut che̱ru la̱ex.”

Josué 22:30

Laj Finees laj tij ut eb li nequeꞌcꞌamoc be, joꞌ ajcuiꞌ li nequeꞌtaklan saꞌ xbe̱neb li junju̱nk chꞌu̱tal queꞌrabi li cꞌaꞌru queꞌxye li ralal xcꞌajol laj Rubén, ut eb li ralal xcꞌajol laj Gad, ut li yijach li ralal xcꞌajol laj Manasés. Ut queꞌxcꞌul xchꞌo̱l li cꞌaꞌru queꞌxye.

Deuteronomio 12:11

Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.