Josué 22:18 - Li Santil hu

¹⁸ Ut la̱ex yo̱quex chixcanabanquil li Ka̱cuaꞌ Dios ut yo̱quex chixkꞌetkꞌetinquil e̱rib chiru. Cui joꞌcan yo̱quex, ta̱cha̱lk xjoskꞌil li Dios saꞌ kabe̱n la̱o aj Israel.

Q'eqchi Bible

¹⁸ Laa'ex yookex xkanab'ankil li Qaawa'. Ma ink'a' nekek'e reetal? Wi anaqwan yookex xq'etq'etinkil eerib' chiru li Yos, wulaj taachalq li xjosq'il sa' xb'een chixjunil li xkomonileb' laj Israel.

Josué 22:18 ပူးပေါင်းရင်းမြစ်များ

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

Josué 22:16

Ut queꞌxye reheb: —La̱o xochal chi a̱tinac e̱riqꞌuin saꞌ xcꞌabaꞌeb laj Israel, le̱ rech tenamitil. ¿Cꞌaꞌut nak xeba̱nu li ma̱c aꞌin chiru li kaDios? ¿Cꞌaꞌut nak xex-oc chixyi̱banquil li artal aꞌin? ¿Cꞌaꞌut nak yo̱quex chixkꞌetbal lix chakꞌrab li Ka̱cuaꞌ Dios?

2 Crónicas 34:33

Ut li rey Josías quixtakla xsachbal chixjunileb li jalanil dios li cuanqueb saꞌ chixjunileb lix naꞌajeb laj Israel. Quixye reheb nak tento teꞌcꞌanjelak chiru li Dios chixjunileb laj Israel. Ut incꞌaꞌ queꞌxcanab xlokꞌoninquil li Ka̱cuaꞌ li queꞌxlokꞌoni lix xeꞌto̱nil yucuaꞌ joꞌ najtil yoꞌyo laj Josías.

2 Crónicas 25:27

Chalen nak laj Amasías quixcanab xlokꞌoninquil li Ka̱cuaꞌ, eb li tenamit li cuanqueb Jerusalén queꞌxcꞌu̱b ru chanru nak teꞌxcamsi. Laj Amasías quie̱lelic chiruheb ut co̱ toj Laquis. Abanan queꞌxta̱ke ut aran queꞌxcamsi.

1 Crónicas 21:14

Joꞌcan nak li Ka̱cuaꞌ quixtakla li caki yajel saꞌ xbe̱neb laj Israel ut queꞌcam laje̱b xca̱cꞌa̱l mil (70,000) chi cui̱nk.

1 Crónicas 21:1

Laj tza quiraj xtaklanquil li raylal saꞌ xbe̱neb laj Israel. Joꞌcan nak quixqꞌue saꞌ xchꞌo̱l laj David rajlanquileb chixjunileb laj Israel.

2 Reyes 17:21

Nak li Ka̱cuaꞌ quirisiheb li ralal xcꞌajol laj Israel saꞌ xya̱nkeb li ralal xcꞌajol laj David, eb laj Israel queꞌxxakab laj Jeroboam li ralal laj Nabat chokꞌ xreyeb. Ut laj Jeroboam, aꞌan li quiqꞌuehoc reheb laj Israel chixtzꞌekta̱nanquil li Ka̱cuaꞌ ut kꞌaxal nimla ma̱c queꞌxba̱nu.

1 Reyes 9:6

Abanan cui la̱at ut eb la̱ cualal a̱cꞌajol te̱canab xba̱nunquil li naxye lin chakꞌrab, ut incꞌaꞌ te̱ba̱nu li cꞌaꞌru xinye e̱re, ut cui la̱ex tex-oc chixlokꞌoninquil li jalanil dios ut texcꞌanjelak chiruheb,

2 Samuel 24:1

Quichal cuiꞌchic xjoskꞌil li Ka̱cuaꞌ Dios saꞌ xbe̱neb laj Israel. Joꞌcan nak quixqꞌue xjoskꞌil laj David saꞌ xbe̱neb. Quiyeheꞌ re laj David nak ta̱rajlaheb chixjunileb laj Israel ut eb laj Judá.

1 Samuel 12:20

Laj Samuel quixye reheb: —Mexxucuac. Ya̱l nak xexma̱cob. Abanan me̱tzꞌekta̱na chic li Ka̱cuaꞌ. Chexcꞌanjelak ban chiru chi anchal le̱ chꞌo̱l, chan.

1 Samuel 12:14

Cui la̱ex te̱xucua ru li Ka̱cuaꞌ ut texcꞌanjelak chiru ut cui la̱ex joꞌ ajcuiꞌ le̱ rey, te̱ba̱nu li cꞌaꞌru naraj li Dios ut incꞌaꞌ te̱kꞌetkꞌeti e̱rib chiru, us tex-e̱lk riqꞌuin li cꞌaꞌru te̱ba̱nu.

Josué 22:20

Chijulticokꞌ e̱re nak laj Acán li ralal laj Zera quima̱cob riqꞌuin xchapbal li ta̱cꞌanjelak chiru li Dios ut riqꞌuin xchapbal li ac kꞌaxtesinbil re sachecꞌ. Xban li ma̱c li quixba̱nu, li Ka̱cuaꞌ quijoskꞌoꞌ saꞌ kabe̱n chikajunilo ut moco caꞌaj cuiꞌ ta aꞌan quicam xban li ma̱c li quixba̱nu, chanqueb.

Josué 7:21

Nak xo-oc aran Jericó, xcuil saꞌ xya̱nkeb li cꞌaꞌak re ru jun cha̱bil tꞌicr xcomon li akꞌej li nequeꞌrocsi laj Babilonia. Xcuil ajcuiꞌ cuib ciento chi tumin plata ut numenak na jun libra li oro. La̱in quinra ru. Joꞌcan nak quinxoc chokꞌ cue. Xinbec jun li jul saꞌ li naꞌajej li cuanquin cuiꞌ chi hila̱nc ut aran xinmuk. Xinqꞌue li tumin rubel li tꞌicr, chan laj Acán.

Josué 7:11

Eb laj Israel xeꞌma̱cob ut xeꞌxkꞌet li contrato li xinba̱nu riqꞌuineb nak xinye reheb nak incꞌaꞌ teꞌxxoc li cꞌaꞌak re ru ac kꞌaxtesinbil re ta̱sachekꞌ. Eb aꞌan xeꞌrelkꞌa li cꞌaꞌru incꞌaꞌ raj xeꞌxchꞌeꞌ ut xeꞌticꞌtiꞌic. Ut li cꞌaꞌru xeꞌxxoc, xeꞌxqꞌue saꞌ xya̱nk li cꞌaꞌruheb re.

Josué 7:1

Jun li cui̱nk aj Acán xcꞌabaꞌ, xcomoneb li ralal xcꞌajol laj Judá, quixxoc chokꞌ re li cꞌaꞌru ac kꞌaxtesinbil xban li Dios re sachecꞌ. Laj Acán, aꞌan li ralal laj Carmi. Laj Carmi, aꞌan li ralal laj Zabdi ut laj Zabdi, aꞌan li ralal laj Zera. Li ma̱c quixba̱nu laj Acán, li Dios quixqꞌue saꞌ xbe̱neb chixjunileb li ralal xcꞌajol laj Israel, ut cꞌajoꞌ nak quijoskꞌoꞌ saꞌ xbe̱neb.

Deuteronomio 7:4

Cui texsumla̱k riqꞌuineb, teꞌrisi ribeb le̱ ralal e̱cꞌajol riqꞌuin li Ka̱cuaꞌ ut teꞌoc chixlokꞌoninquil li jalanil dios. Riqꞌuin aꞌan ta̱cha̱lk xjoskꞌil li Ka̱cuaꞌ saꞌ e̱be̱n ut saꞌ junpa̱t ta̱sachekꞌ e̱ru chi junaj cua.

Levítico 10:6

Laj Aarón cuan rochbeneb laj Eleazar ut laj Itamar li ralal cuib. Laj Moisés quixye reheb: —Me̱risi xbatbal le̱ jolom ut me̱kꞌich le̱ rakꞌ xban xrahil e̱chꞌo̱l re nak incꞌaꞌ texca̱mk ajcuiꞌ la̱ex ut re nak incꞌaꞌ ta̱cha̱lk xjoskꞌil li Ka̱cuaꞌ Dios saꞌ xbe̱neb chixjunileb li tenamit. Aban le̱ rech tenamitil aj Israel teꞌrahokꞌ saꞌ xchꞌo̱leb xban li xam li quixtakla chak li Ka̱cuaꞌ.

Números 32:15

Cui la̱ex te̱raj xkꞌetkꞌetinquil e̱rib chiru li Dios, li Dios toxcanab chi cua̱nc saꞌ li chaki chꞌochꞌ joꞌ quixba̱nu junxil. Ut saꞌ e̱ma̱c la̱ex nak ta̱sachekꞌ ru li katenamit Israel, chan laj Moisés.

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.