Josué 22:15 - Li Santil hu

¹⁵ Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.

Q'eqchi Bible

¹⁵ Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

Josué 22:15 ပူးပေါင်းရင်းမြစ်များ

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

1 Corintios 5:4

Kꞌaxal us raj nak te̱chꞌutub e̱rib saꞌ xcꞌabaꞌ li Jesucristo ut te̱cꞌu̱b cꞌaꞌru te̱ba̱nu chirix aꞌan. Chanchan nak cua̱nkin e̱riqꞌuin xban nak yo̱quin chi tijoc che̱rix. Ut lix nimal xcuanquil li Jesucristo chicua̱nk e̱riqꞌuin ut chextenkꞌa.

1 Corintios 1:10

Ex inherma̱n, saꞌ xcꞌabaꞌ li Ka̱cuaꞌ Jesucristo nintzꞌa̱ma che̱ru nak junajak le̱ naꞌleb. Ma̱cꞌaꞌak li jachoc ib saꞌ e̱ya̱nk. Junajak ban le̱ cꞌaꞌux ut junajak le̱ chꞌo̱l.

San Mateo 18:17

Ut cui incꞌaꞌ naraj ta̱rabiheb aꞌan, ta̱ye re li iglesia re nak li herma̱n teꞌxchꞌolob xya̱lal chiru. Ut cui incꞌaꞌ ajcuiꞌ naraj abi̱nc chiruheb aꞌan, aꞌan chic ta̱cua̱nk che̱ru joꞌ chanchan li ma̱cuaꞌak aj pa̱banel ut chanchanak laj titzꞌol toj li incꞌaꞌ us nequeꞌxba̱nu.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Salmos 78:8

Teꞌxserakꞌi reheb li ralal xcꞌajol re nak incꞌaꞌ teꞌxba̱nu joꞌ queꞌxba̱nu li kaxeꞌto̱nil yucuaꞌ. Eb aꞌan queꞌxba̱nu li cꞌaꞌru queꞌraj xjuneseb ut incꞌaꞌ queꞌabin chiru li Dios. Moco cauheb ta xchꞌo̱l riqꞌuin li Dios. Joꞌcan nak queꞌxkꞌet li ra̱tin.

Esdras 9:15

At Ka̱cuaꞌ, at kaDios, la̱at li kaDios la̱o aj Israel. La̱at ti̱c la̱ chꞌo̱l. Joꞌcan nak toj yoꞌyo̱co la̱o anakcuan, li joꞌ qꞌuial chic xocoleꞌ. Ya̱l nak cuan li kama̱c cha̱cuu. Joꞌcan nak incꞌaꞌ naru nococuan chi sum a̱tin a̱cuiqꞌuin, chan laj Esdras nak quitijoc.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

2 Crónicas 28:13

Eb aꞌan queꞌxye: —Incꞌaꞌ nakaj te̱rocsiheb chak li pre̱x aꞌan saꞌ li katenamit. Cui te̱rocsiheb ta̱numta̱k li kama̱c chiru li Ka̱cuaꞌ Dios. Li cꞌaꞌru yo̱quex la̱ex, aꞌan xqꞌuebal xtzꞌakob li ma̱c saꞌ kabe̱n. ¿Ma te̱raj te̱qꞌue xtzꞌakob li raylal yo̱co chixcꞌulbal? Ac cuan kama̱c ut yo̱ xjoskꞌil li Dios saꞌ kabe̱n, chanqueb.

2 Crónicas 26:18

Queꞌxye re li rey nak incꞌaꞌ us li yo̱ chixba̱nunquil. Queꞌxye re: —At rey Uzías, ma̱cuaꞌ a̱cue la̱at xcꞌatbal li pom chiru li Ka̱cuaꞌ. Eb li ralal laj Aarón, aꞌaneb laj tij. Aꞌaneb li sicꞌbil ruheb chixcꞌatbal li pom chiru li Ka̱cuaꞌ. At rey, elen saꞌ li santil naꞌajej aꞌin. La̱at xakꞌet li ra̱tin li Dios. Ut incꞌaꞌ ta̱qꞌuehekꞌ a̱lokꞌal xban li Dios, chanqueb.

2 Crónicas 25:27

Chalen nak laj Amasías quixcanab xlokꞌoninquil li Ka̱cuaꞌ, eb li tenamit li cuanqueb Jerusalén queꞌxcꞌu̱b ru chanru nak teꞌxcamsi. Laj Amasías quie̱lelic chiruheb ut co̱ toj Laquis. Abanan queꞌxta̱ke ut aran queꞌxcamsi.

2 Crónicas 10:19

Joꞌcaꞌin nak queꞌrisi ribeb laj Israel rubel xcuanquil li ralal xcꞌajol laj David toj chalen anakcuan.

1 Crónicas 21:3

Ut laj Joab quixye re: —At rey, aꞌ taxak li Dios chiqꞌuehok reheb chi ta̱mc chi nabal eb laj Israel. ¿Ma ma̱cuaꞌ ta biꞌ rubel a̱cuanquil cuanqueb chixjunileb? ¿Cꞌaꞌut nak nasahoꞌ saꞌ a̱chꞌo̱l chirajlanquileb? ¿Cꞌaꞌut nak ta̱qꞌueheb chi ma̱cobc eb laj Israel? chan.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Josué 22:18

Ut la̱ex yo̱quex chixcanabanquil li Ka̱cuaꞌ Dios ut yo̱quex chixkꞌetkꞌetinquil e̱rib chiru. Cui joꞌcan yo̱quex, ta̱cha̱lk xjoskꞌil li Dios saꞌ kabe̱n la̱o aj Israel.

Josué 22:12

Queꞌxchꞌutub ribeb chixjunileb laj Israel li cuanqueb saꞌ li oeste re teꞌxic chi pletic riqꞌuineb.

Deuteronomio 30:17

Abanan cui te̱jal e̱cꞌaꞌux ut incꞌaꞌ te̱ba̱nu li cꞌaꞌru naxye li Ka̱cuaꞌ, ut cui nequetiquib xpa̱banquil li jalanil dios ut nequecuikꞌib e̱rib chiru chixlokꞌoninquil,

Deuteronomio 7:4

Cui texsumla̱k riqꞌuineb, teꞌrisi ribeb le̱ ralal e̱cꞌajol riqꞌuin li Ka̱cuaꞌ ut teꞌoc chixlokꞌoninquil li jalanil dios. Riqꞌuin aꞌan ta̱cha̱lk xjoskꞌil li Ka̱cuaꞌ saꞌ e̱be̱n ut saꞌ junpa̱t ta̱sachekꞌ e̱ru chi junaj cua.

Números 32:15

Cui la̱ex te̱raj xkꞌetkꞌetinquil e̱rib chiru li Dios, li Dios toxcanab chi cua̱nc saꞌ li chaki chꞌochꞌ joꞌ quixba̱nu junxil. Ut saꞌ e̱ma̱c la̱ex nak ta̱sachekꞌ ru li katenamit Israel, chan laj Moisés.

Números 14:43

Cui texpletik riqꞌuineb laj Amalec ut riqꞌuineb laj Canaán texcamsi̱k xbaneb. Li Dios incꞌaꞌ textenkꞌa xban nak xekꞌet li cꞌaꞌru quixye, chan laj Moisés reheb.

Números 5:6

—Ta̱ye reheb li ralal xcꞌajol laj Israel chi joꞌcaꞌin: Nak junak cui̱nk malaj ut junak ixk ta̱ma̱cobk chiru li ras ri̱tzꞌin, nama̱cob ajcuiꞌ chiru li Dios.

Levítico 26:40

La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

Levítico 5:19

Relic chi ya̱l xkꞌet li chakꞌrab ut cuan xma̱c chiru li Ka̱cuaꞌ.

Éxodo 32:8

Saꞌ junpa̱t queꞌxkꞌet li cua̱tin. Ut queꞌxyi̱b jun cuacax oro chokꞌ xdioseb. Yo̱queb chi mayejac chiru ut yo̱queb chixlokꞌoninquil. Yo̱queb chixyebal, “Li cuacax aꞌin, aꞌan li kadios, la̱o aj Israel. Li dios aꞌin, aꞌan li qui-isin chak ke saꞌ li tenamit Egipto”, chanqueb.

Josué 22:14

Queꞌxtakla ajcuiꞌ laje̱b li nequeꞌcꞌamoc be saꞌ xya̱nkeb li junju̱nk te̱p. Queꞌco̱eb saꞌ xcꞌabaꞌ li junju̱nk chꞌu̱tal li ralal xcꞌajol laj Israel.

Josué 22:16

Ut queꞌxye reheb: —La̱o xochal chi a̱tinac e̱riqꞌuin saꞌ xcꞌabaꞌeb laj Israel, le̱ rech tenamitil. ¿Cꞌaꞌut nak xeba̱nu li ma̱c aꞌin chiru li kaDios? ¿Cꞌaꞌut nak xex-oc chixyi̱banquil li artal aꞌin? ¿Cꞌaꞌut nak yo̱quex chixkꞌetbal lix chakꞌrab li Ka̱cuaꞌ Dios?