Josué 21:44 - Li Santil hu

⁴⁴ Ut li Ka̱cuaꞌ quixba̱nu li cꞌaꞌru quixyechiꞌi reheb. Quixqꞌueheb chi cua̱nc saꞌ usilal saꞌ lix tenamiteb. Ut ma̱ jun reheb li xicꞌ nequeꞌiloc reheb queꞌru chi pletic riqꞌuineb xban nak li Ka̱cuaꞌ naxqꞌueheb laj Israel chi numta̱c saꞌ xbe̱neb.

Q'eqchi Bible

⁴⁴ Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.

Josué 21:44 ပူးပေါင်းရင်းမြစ်များ

Josué 11:23

Joꞌcaꞌin nak laj Josué quire̱chani chixjunil lix naꞌajeb, joꞌ quiyeheꞌ re laj Moisés xban li Dios. Ut quixjeqꞌui li naꞌajej reheb li cablaju xte̱paleb laj Israel. Ut incꞌaꞌ chic quicuan li ple̱t saꞌ eb li naꞌajej aꞌan.

Hebreos 4:9

Joꞌcan nak toj cuan li lokꞌlaj naꞌajej re hila̱nc reheb li nequeꞌpa̱ban re li Dios.

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

Josué 22:9

Joꞌcaꞌin nak queꞌxjach ribeb li ralal xcꞌajol laj Rubén ut eb li ralal xcꞌajol laj Gad, joꞌ ajcuiꞌ li yijach li ralal xcꞌajol laj Manasés riqꞌuineb li jun chꞌol chic laj Israel. Queꞌxjach ribeb aran Silo saꞌ li naꞌajej Canaán ut queꞌco̱eb saꞌ li naꞌajej Galaad, li naꞌajej li quiqꞌueheꞌ reheb joꞌ quixye li Ka̱cuaꞌ re laj Moisés.

Josué 22:4

Anakcuan ac xqꞌue ke li Ka̱cuaꞌ li cꞌaꞌru quixyechiꞌi ut eb le̱ rech tenamitil cuanqueb saꞌ xya̱lal. Anakcuan tintzꞌa̱ma che̱ru nak texsukꞌi̱k saꞌ le̱ naꞌaj aran jun pacꞌal li nimaꞌ Jordán, li quiqꞌueheꞌ e̱re xban laj Moisés laj cꞌanjel chiru li Ka̱cuaꞌ.

Josué 1:15

Te̱tenkꞌaheb toj retal teꞌre̱chani li naꞌajej re teꞌhila̱nk cuiꞌ joꞌ yechiꞌinbil reheb xban li Dios. Te̱tenkꞌaheb toj teꞌre̱chani lix naꞌajeb joꞌ nak xere̱chani le̱ re la̱ex. Ut nak ac xeꞌre̱chani lix naꞌajeb, la̱ex texsukꞌi̱k cuiꞌchic saꞌ le̱ naꞌaj li cuan saꞌ li pacꞌal aꞌin saꞌ li este. Aꞌin li naꞌajej li quixqꞌue e̱re li Dios joꞌ quiyeheꞌ e̱re xban laj Moisés laj cꞌanjel chiru li Dios, chan laj Josué.

Josué 1:13

—Chijulticokꞌ e̱re li cꞌaꞌru quixye chak e̱re laj Moisés laj cꞌanjel chiru li Dios nak quixye, “Li Ka̱cuaꞌ le̱ Dios tixqꞌue le̱ naꞌaj re texhila̱nk cuiꞌ”, chan.

Éxodo 33:14

Ut li Dios quixye re laj Moisés: —La̱in cua̱nkin a̱cuiqꞌuin ut riqꞌuin aꞌan chacꞌojob a̱chꞌo̱l, chan.

Deuteronomio 21:10

Nak texxic chi pletic riqꞌuineb li xicꞌ nequeꞌiloc e̱re ut nak li Ka̱cuaꞌ le̱ Dios tixkꞌaxtesi saꞌ e̱rukꞌ li tenamit, cuanqueb li te̱cꞌam chi pre̱xil.

Josué 23:1

Li Ka̱cuaꞌ quixqꞌueheb laj Israel chixnumsinquil nabal chihab chi saheb saꞌ xchꞌo̱leb chi ma̱cꞌaꞌ chic ple̱t riqꞌuineb li xicꞌ nequeꞌiloc reheb. Laj Josué ac ti̱x chic chi us.

Isaías 63:14

Ut lix musikꞌ li Dios qui-iloc reheb. Chanchaneb li queto̱mk li yo̱queb chi ichajibc saꞌ li ru takꞌa. Quixberesiheb lix tenamit chi joꞌcan re nak ta̱qꞌuehekꞌ xlokꞌal lix santil cꞌabaꞌ.

Deuteronomio 2:36

Ma̱ jun li tenamit incꞌaꞌ ta conumta saꞌ xbe̱n naticla Aroer ut nacuulac toj Galaad. Ma̱ jun li tenamit kꞌaxal cau rib chiku la̱o. Li Ka̱cuaꞌ Dios quixkꞌaxtesiheb chixjunileb saꞌ kukꞌ.

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Josué 11:12

Queꞌxsach ruheb chi junaj cua chixjunileb li tenamit li queꞌoquen chi pletic riqꞌuineb laj Israel ut queꞌxcamsiheb chi chꞌi̱chꞌ joꞌ ajcuiꞌ lix reyeb joꞌ quiyeheꞌ reheb xban laj Moisés laj cꞌanjel chiru li Dios.

2 Crónicas 13:16

Eb laj Israel queꞌoc chi e̱lelic, abanan li Ka̱cuaꞌ ac xkꞌaxtesiheb saꞌ rukꞌeb laj Judá.