Josué 21:43 - Li Santil hu

⁴³ Joꞌcaꞌin nak li Ka̱cuaꞌ quixqꞌueheb lix chꞌochꞌ laj Israel, joꞌ quixyechiꞌi chak reheb lix xeꞌto̱nil yucuaꞌ riqꞌuin juramento. Queꞌxcꞌul chokꞌ reheb ut queꞌcuan aran.

Q'eqchi Bible

⁴³ Li Qaawa' kixk'e reheb' laj Israel chixjunil li ch'och' li kixyeechi'i sa' jurament reheb' li xna' xyuwa'eb'. Ke'reechani ut ke'na'ajunk aran.

Josué 21:43 ပူးပေါင်းရင်းမြစ်များ

Génesis 13:15

Ut ilon chi us. Chixjunil li chꞌochꞌ, li yo̱cat chi rilbal, aꞌan tinqꞌue a̱cue la̱at chi junaj cua joꞌ ajcuiꞌ reheb la̱ cualal a̱cꞌajol. Aꞌin li naꞌajej li xinyechiꞌi a̱cue, chan.

Génesis 28:4

Aꞌ taxak li Ka̱cuaꞌ Dios chi-osobtesi̱nk a̱cue, joꞌqueb ajcuiꞌ la̱ cualal a̱cꞌajol, joꞌ quixyechiꞌi re laj Abraham. La̱ex te̱re̱chani li chꞌochꞌ aꞌin li cuanco cuiꞌ anakcuan joꞌ aj numelo. Li chꞌochꞌ aꞌin yechiꞌinbil re laj Abraham xban li Ka̱cuaꞌ Dios, chan laj Isaac.

Salmos 44:3

Eb li kaxeꞌto̱nil yucuaꞌ incꞌaꞌ queꞌre̱chani li naꞌajej riqꞌuin li ple̱t queꞌxba̱nu chi moco xban xcuanquileb. La̱at ban cattenkꞌan reheb riqꞌuin la̱ cuanquilal xban nak cacuil xtokꞌoba̱l ruheb ut cacuuxta̱na ruheb.

Deuteronomio 11:31

Chi se̱b texxic jun pacꞌal li nimaꞌ Jordán chire̱chaninquil li naꞌajej li quixyechiꞌi e̱re li Ka̱cuaꞌ le̱ Dios. Te̱re̱chani ut texcua̱nk aran.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Deuteronomio 17:14

Nak tex-oc saꞌ li naꞌajej li tixqꞌue e̱re li Ka̱cuaꞌ, nak ac xere̱chani ut cua̱nkex chic aran, ma̱re te̱ye, “Takaj junak karey re ta̱takla̱nk saꞌ kabe̱n joꞌ eb li tenamit li cuanqueb chi xjun sutam li kanaꞌaj”, chaꞌkex.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Deuteronomio 34:4

Ut li Ka̱cuaꞌ quixye re laj Moisés: —Aꞌan aꞌin li naꞌajej li quinyechiꞌi reheb laj Abraham, laj Isaac ut laj Jacob. Quinye riqꞌuin juramento nak tinqꞌue reheb li ralal xcꞌajoleb. La̱in nacuaj nak ta̱cuil, usta incꞌaꞌ naru tat-oc saꞌ li naꞌajej aꞌan, chan li Ka̱cuaꞌ.

Números 33:53

Te̱risiheb chixjunileb li cristian li cuanqueb saꞌ li naꞌajej aꞌan ut texcana̱k chi cua̱nc aran xban nak la̱in xinqꞌuehoc e̱re li naꞌajej aꞌan.

Josué 21:42

Eb li tenamit aꞌin xjunes cuanqueb ut cuan lix naꞌajeb lix queto̱mk chi xjun sutam. Joꞌcaꞌin nak quiqꞌueheꞌ xnaꞌajeb li ralal xcꞌajol laj Leví.

Nehemías 9:8

La̱at caqꞌue retal nak aꞌan ti̱c xchꞌo̱l cha̱cuu. Joꞌcan nak caba̱nu li contrato riqꞌuin ut caye re nak ta̱qꞌue reheb li ralal xcꞌajol lix chꞌochꞌeb laj cananeo, eb laj heteo ut eb laj amorreo ut eb laj ferezeo, ut eb laj jebuseo ut eb laj gergeseo. La̱at caqꞌue reheb li cꞌaꞌru cayechiꞌi re laj Abraham xban nak la̱at ti̱c a̱chꞌo̱l.

Nehemías 9:24

Eb li ralal xcꞌajol laj Israel queꞌoc saꞌ li naꞌajej Canaán ut caqꞌueheb chi numta̱c saꞌ xbe̱neb li cuanqueb aran. Queꞌnumta saꞌ xbe̱neb laj cananeo, ut saꞌ xbe̱neb ajcuiꞌ lix reyeb. Cakꞌaxtesiheb saꞌ rukꞌeb re nak eb aꞌan chic teꞌtakla̱nk saꞌ xbe̱neb.

Números 34:2

—Ta̱ye reheb laj Israel chi joꞌcaꞌin. Aꞌaneb aꞌin li nuba̱l re le̱ naꞌaj nak tex-oc saꞌ li naꞌajej Canaán, li tinqꞌue chokꞌ e̱re.

Deuteronomio 12:29

Li Ka̱cuaꞌ le̱ Dios tixsach ruheb chixjunileb li xni̱nkal ru tenamit li cuanqueb saꞌ li naꞌajej li texxic cuiꞌ chi cua̱nc la̱ex.

Josué 1:6

Cacuubresi a̱chꞌo̱l ut chicua̱nk a̱metzꞌe̱u xban nak la̱at tatjecꞌok re li naꞌajej aꞌin reheb laj Israel. Aꞌan aꞌin li naꞌajej li quinyechiꞌi reheb la̱ xeꞌto̱nil yucuaꞌ.

Jueces 11:24

Cui ta laj Quemos le̱ dios tixsi e̱chꞌochꞌ, ¿ma ma̱cuaꞌak ta biꞌ e̱re? Joꞌcan ajcuiꞌ la̱o. Chixjunil li xsi ke li kaDios, aꞌan ke ajcuiꞌ la̱o.

1 Samuel 12:8

Nak queꞌco̱eb Egipto laj Jacob ut eb li ralal xcꞌajol, queꞌrahobtesi̱c. Eb le̱ xeꞌto̱nil yucuaꞌ queꞌxya̱ba xcꞌabaꞌ li Ka̱cuaꞌ. Ut aꞌan quixtaklaheb laj Moisés ut laj Aarón chixtenkꞌanquileb. Eb aꞌan queꞌcꞌamoc be chiruheb le̱ xeꞌto̱nil yucuaꞌ nak queꞌel chak Egipto ut aꞌaneb li queꞌcꞌamoc chak reheb chi cua̱nc saꞌ li naꞌajej aꞌin.

2 Crónicas 20:8

Ut anakcuan arin cuanqueb laj Israel. Queꞌxyi̱b jun li templo re teꞌxlokꞌoni cuiꞌ la̱ cꞌabaꞌ ut queꞌxye,

Salmos 78:55

Quirisiheb li tenamit li cuanqueb aran ut quixjeqꞌui li chꞌochꞌ reheb li ralal xcꞌajol laj Israel re teꞌcua̱nk cuiꞌ.

Salmos 105:8

Junelic jultic re li contrato li quixba̱nu riqꞌuineb laj Israel. Usta ta̱numekꞌ qꞌuila chihab, abanan ma̱ jokꞌe ta̱sachk saꞌ xchꞌo̱l.

Jeremías 32:23

Queꞌre̱chani li naꞌajej ut queꞌxyal xsahil. Abanan incꞌaꞌ queꞌxba̱nu li cꞌaꞌru caye reheb, chi moco queꞌxba̱nu li naxye saꞌ la̱ chakꞌrab. Incꞌaꞌ queꞌxba̱nu li cꞌaꞌru cataklaheb cuiꞌ. Joꞌcan nak la̱at caqꞌue chixjunil li raylal aꞌin saꞌ xbe̱neb.