Josué 21:2 - Li Santil hu

² Queꞌa̱tinac riqꞌuineb aran Silo saꞌ li naꞌajej Canaán ut queꞌxye reheb: —Li Ka̱cuaꞌ Dios quixye re laj Moisés nak te̱qꞌue ke eb li tenamit re tocua̱nk cuiꞌ joꞌ ajcuiꞌ li cꞌaleba̱l re teꞌcua̱nk cuiꞌ li kaqueto̱mk, chanqueb.

Q'eqchi Bible

² naq wankeb' aran Siló, sa' xch'och'eb' laj Kanahán, ut ke'xye reheb': “Li Qaawa' kixye re laj Moisés naq chik'ehe'q qatenamit b'arwi' toohilanq jo'wi' qak'aleb'aal cho'q reheb' li qaketomq”, chankeb'.

Josué 21:2 ပူးပေါင်းရင်းမြစ်များ

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Gálatas 6:6

Li ani yo̱ chixtzolbal li ra̱tin li Dios, tento ajcuiꞌ nak tixtenkꞌa li ani yo̱ chi tzoloc re.

San Mateo 10:10

Chi moco te̱cꞌam xnaꞌaj li cꞌaꞌak re ru ta̱cꞌanjelak e̱re saꞌ be, chi moco te̱cꞌam xjalbal le̱ rakꞌ, chi moco xjalbal e̱xa̱b, chi moco e̱xukꞌ. Me̱cꞌam li cꞌaꞌak re ru aꞌin xban nak laj cꞌanjel, aꞌan tento nak ta̱qꞌuehekꞌ re lix tzacae̱mk.

Levítico 25:32

Ut chirix lix tenamiteb laj levita, joꞌcaꞌin teꞌxba̱nu. Naru teꞌxlokꞌ cuiꞌchic lix naꞌajeb yalak jokꞌe saꞌ li naꞌajej li queꞌtzꞌak eb aꞌan.

Josué 14:5

Eb laj Israel queꞌxjeqꞌui li chꞌochꞌ joꞌ quiyeheꞌ re laj Moisés xban li Ka̱cuaꞌ.

Josué 21:3

Eb laj Israel queꞌxqꞌue eb lix tenamiteb chokꞌ reheb li ralal xcꞌajol laj Leví, joꞌ quixye li Ka̱cuaꞌ. Ut queꞌxqꞌue ajcuiꞌ li cꞌaleba̱l reheb.