Josué 21:1 - Li Santil hu

¹ Eb li nequeꞌcꞌamoc be saꞌ xya̱nkeb li ralal xcꞌajol laj Leví queꞌco̱eb riqꞌuin laj Eleazar laj tij ut riqꞌuin laj Josué li ralal laj Nun, joꞌ ajcuiꞌ riqꞌuineb li nequeꞌcꞌamoc be saꞌ xya̱nkeb laj Israel.

Q'eqchi Bible

¹ Eb' li xjolomil li xjunkab'aleb' laj Leví ke'jilok chi xk'atq laj Elehasar laj tij, rik'in ajwi' laj Josué, ralal laj Nun, ut rik'ineb' li xjolomileb' li xjunkab'aleb' li xteepaleb' laj Israel,

Josué 21:1 ပူးပေါင်းရင်းမြစ်များ

Josué 14:1

Li naꞌajej Canaán quiqꞌueheꞌ chokꞌ reheb laj Israel xbaneb laj Eleazar laj tij, ut laj Josué li ralal laj Nun, rochbeneb li nequeꞌcꞌamoc be saꞌ xya̱nkeb lix te̱paleb li ralal xcꞌajol laj Israel.

Josué 19:51

Aꞌaneb aꞌin li naꞌajej li queꞌxjeqꞌui laj Eleazar laj tij, ut laj Josué li ralal laj Nun, rochbeneb li nequeꞌcꞌamoc be saꞌ xya̱nkeb li ralal xcꞌajol laj Israel. Queꞌxbu̱li rix li naꞌajej chiru li Dios chiru li oqueba̱l re li tabernáculo nak cuanqueb aran Silo. Joꞌcaꞌin nak queꞌxchoy xjeqꞌuinquil li naꞌajej reheb laj Israel.

Josué 17:4

Eb li ixk aꞌin queꞌco̱eb riqꞌuineb laj Eleazar laj tij ut laj Josué li ralal laj Nun, rochbeneb li nequeꞌcꞌamoc be saꞌ xya̱nkeb li tenamit ut queꞌxye reheb: —Li Ka̱cuaꞌ Dios quixye re laj Moisés nak ta̱qꞌue kachꞌochꞌ la̱o, joꞌ eb ajcuiꞌ li kechꞌalal, chanqueb. Joꞌcan nak laj Josué quixqꞌue xchꞌochꞌeb aꞌan joꞌ nak quixqꞌue reheb li rechꞌalal, joꞌ quiyeheꞌ reheb xban li Ka̱cuaꞌ Dios.

Éxodo 6:25

Laj Eleazar li ralal laj Aarón, quixcꞌam chokꞌ rixakil jun lix rabin laj Futiel. Ut quicuan li ralal riqꞌuin aj Finees xcꞌabaꞌ. Aꞌaneb li queꞌtaklan reheb li yucuaꞌbej saꞌ xya̱nkeb laj levitas. Aꞌaneb aꞌin li ralal xcꞌajol laj Eleazar.

Éxodo 6:14

Aꞌaneb aꞌin li yucuaꞌbej saꞌ xya̱nkeb li ralal xcꞌajol laj Israel. Li xbe̱n ralal laj Israel, aꞌan laj Rubén. Ut eb li ralal laj Rubén, aꞌaneb aꞌin: laj Hanoc, laj Falú, laj Hezrón, ut laj Carmi. Aꞌaneb li ralal laj Rubén.

Génesis 49:7

Tzꞌekta̱nanbilakex taxak xban le̱ joskꞌil. Kꞌaxal numtajenak le̱ joskꞌil. Li Ka̱cuaꞌ Dios ta̱jeqꞌui̱nk reheb le̱ ralal e̱cꞌajol saꞌ xya̱nkeb chixjunileb li cualal incꞌajol.

Números 35:1

Li Ka̱cuaꞌ quia̱tinac riqꞌuin laj Moisés saꞌ li ru takꞌa re Moab chire li nimaꞌ Jordán saꞌ xcaꞌyaba̱l li tenamit Jericó. Quixye re:

Números 35:8

Li tenamit li teꞌqꞌuehekꞌ reheb laj levita aꞌ yal joꞌ qꞌuial li chꞌochꞌ li xeꞌxcꞌul li junju̱nk xte̱paleb laj Israel. Cui jun xte̱paleb laj Israel nabal li chꞌochꞌ xeꞌxcꞌul, nabal ajcuiꞌ li teꞌxqꞌue reheb laj levita. Cui incꞌaꞌ qꞌui, incꞌaꞌ ajcuiꞌ qꞌui li teꞌxqꞌue reheb laj levita.—