Josué 20:9 - Li Santil hu

⁹ Aꞌaneb aꞌin li tenamit li quisiqꞌueꞌ ruheb xbaneb laj Israel re teꞌxcol ribeb ut re ajcuiꞌ nak teꞌxcol ribeb li jalaneb xtenamit li naxcamsi ras ri̱tzꞌin chi incꞌaꞌ yal naraj xchꞌo̱l. Teꞌxcol rib saꞌ li tenamit aꞌan re nak incꞌaꞌ teꞌcamsi̱k xbaneb li rechꞌalal li camenak toj ta̱rakekꞌ a̱tin saꞌ xbe̱neb.

Q'eqchi Bible

⁹ A'aneb' a'in li tenamit xaqab'anb'ileb' cho'q reheb' chixjunileb' laj Israel, jo'wi' cho'q reheb' laj ab'l tenamit li wanqeb' sa' xyanqeb'. Aran truuq tixkol rib' yalaq ani xkamsink junaq ras riitz'in chi ink'a' rajom xch'ool. Chi jo'kan ink'a' taakamsiiq xb'aaneb' li rech'alal li kamenaq, toj taaraqe'q aatin chirix xb'aaneb' li komonil.

Josué 20:9 ပူးပေါင်းရင်းမြစ်များ

Números 35:15

Eb li cuakib chi tenamit aꞌin, aꞌaneb li tenamit bar ta̱ru̱k teꞌxcol cuiꞌ ribeb laj Israel joꞌ eb ajcuiꞌ li jalaneb xtenamit li nequeꞌxcamsi ras ri̱tzꞌin chi incꞌaꞌ yal naraj xchꞌo̱l.

Josué 20:6

Li cui̱nk aꞌan ta̱cana̱k saꞌ li tenamit aꞌan toj ta̱rakekꞌ a̱tin chirix xbaneb li tenamit ut toj ta̱ca̱mk lix yucuaꞌil laj tij li cua̱nk saꞌ eb li cutan aꞌan. Chirix aꞌan naru ta̱xic cuiꞌchic saꞌ li rochoch ut saꞌ li tenamit li qui-el cuiꞌ chak, chan li Ka̱cuaꞌ.

Josué 20:4

Li ani ta̱xic chixcolbal rib saꞌ junak reheb li tenamit aꞌan, tento nak ta̱xic saꞌ li oqueba̱l re li tenamit ut tixye reheb li nequeꞌcꞌamoc be saꞌ li tenamit aꞌan cꞌaꞌru xma̱c re nak teꞌxcꞌul saꞌ lix tenamiteb ut teꞌxqꞌue xnaꞌaj re nak ta̱cua̱nk aran.

Números 35:13

Saꞌ xya̱nkeb li tenamit ta̱qꞌuehekꞌ reheb laj levita ta̱cua̱nk cuakib li tenamit li teꞌxcol cuiꞌ ribeb laj Israel.

Josué 20:8

Ut queꞌxsicꞌ ajcuiꞌ ruheb li tenamit aꞌin jun pacꞌal li nimaꞌ Jordán li nacana saꞌ li este re li tenamit Jericó: Beser li cuan saꞌ li ru takꞌa saꞌ li chaki chꞌochꞌ saꞌ lix chꞌochꞌeb li ralal xcꞌajol laj Rubén, joꞌ ajcuiꞌ li tenamit Ramot aran Galaad saꞌ lix chꞌochꞌeb li ralal xcꞌajol laj Gad, ut li tenamit Golán aran Basán saꞌ lix chꞌochꞌeb li ralal xcꞌajol laj Manasés.