Josué 20:8 - Li Santil hu

⁸ Ut queꞌxsicꞌ ajcuiꞌ ruheb li tenamit aꞌin jun pacꞌal li nimaꞌ Jordán li nacana saꞌ li este re li tenamit Jericó: Beser li cuan saꞌ li ru takꞌa saꞌ li chaki chꞌochꞌ saꞌ lix chꞌochꞌeb li ralal xcꞌajol laj Rubén, joꞌ ajcuiꞌ li tenamit Ramot aran Galaad saꞌ lix chꞌochꞌeb li ralal xcꞌajol laj Gad, ut li tenamit Golán aran Basán saꞌ lix chꞌochꞌeb li ralal xcꞌajol laj Manasés.

Q'eqchi Bible

⁸ Junpak'al li nima' Jordán, sa' xjayal releb'l saq'e re Jerikó, ke'xsik' ruheb': Béser, sa' xteepal Rubén sa' li chaqich'och', sa' li taq'a ru; Ramot aran Galahad, sa' xteepal Gad, ut Golán aran Basán, sa' xteepal Manasés.

Josué 20:8 ပူးပေါင်းရင်းမြစ်များ

1 Crónicas 6:78

Eb li ralal xcꞌajol laj Rubén queꞌxqꞌue li naꞌajej li cuan jun pacꞌal li nimaꞌ Jordán, li cuan chiru li tenamit Jericó saꞌ li oriente riqꞌuin li nimaꞌ Jordán. Queꞌxqꞌue Beser li cuan saꞌ li chaki chꞌochꞌ rochben lix cocꞌ cꞌaleba̱l ut Jaza rochben lix cocꞌ cꞌaleba̱l,

Josué 21:36

Ut queꞌxcꞌul ajcuiꞌ eb li tenamit aꞌin riqꞌuineb li ralal xcꞌajol laj Rubén: Beser, Jahaza,

Josué 21:38

Ut eb li tenamit li queꞌxcꞌul riqꞌuineb li ralal xcꞌajol laj Gad, aꞌaneb aꞌin: Mahanaim ut Ramot li cuan Galaad, li quisiqꞌueꞌ ru re teꞌxcol cuiꞌ rib li nequeꞌxcamsi ras ri̱tzꞌin chi incꞌaꞌ yal nequeꞌraj xchꞌo̱l.

Josué 21:27

Ut eb li ralal xcꞌajol laj Gersón, li ralal laj Leví, queꞌxcꞌul eb li tenamit aꞌin riqꞌuineb yijach li ralal xcꞌajol laj Manasés: li tenamit Beestera, joꞌ ajcuiꞌ li tenamit Golán li cuan Basán, li quisiqꞌueꞌ ru re teꞌxcol cuiꞌ rib li teꞌxcamsi ras ri̱tzꞌin chi incꞌaꞌ yal teꞌraj xchꞌo̱l.

1 Crónicas 6:80

Eb li ralal xcꞌajol laj Gad queꞌxqꞌue Ramot li cuan saꞌ xcue̱nt Galaad rochben lix cocꞌ cꞌaleba̱l, Mahanaim rochben lix cocꞌ cꞌaleba̱l,

1 Reyes 22:6

Ut lix reyeb laj Israel quixchꞌutubeb li profeta. Cuanqueb na ca̱hib ciento chi profeta. Ut li rey quixpatzꞌ reheb: —¿Ma us nak toxic chi pletic aran Ramot xcue̱nt Galaad? chan. Ut eb li profeta queꞌxye re: —Us texxic chi pletic xban nak li Ka̱cuaꞌ tixkꞌaxtesi li tenamit Ramot saꞌ a̱cuukꞌ la̱at, chanqueb.

Deuteronomio 4:43

Li oxib chi tenamit, aꞌaneb aꞌin: Beser li cuan saꞌ li ru takꞌa saꞌ li chaki chꞌochꞌ reheb li ralal xcꞌajol laj Rubén; Ramot li cuan saꞌ xcue̱nt Galaad reheb li ralal xcꞌajol laj Gad; ut Golán li cuan saꞌ xcue̱nt Basán reheb li ralal xcꞌajol laj Manasés.

Deuteronomio 3:10

Quike̱chani chixjunileb li tenamit li cuanqueb saꞌ li ru takꞌa, li naꞌajej Galaad, li naꞌajej Basán ut eb li naꞌajej toj Salca ut Edrei. Aꞌaneb lix naꞌaj li rey Og aran Basán.

Josué 20:7

Ut eb laj Israel queꞌxsicꞌ ruheb li tenamit aꞌin: Cedes li cuan aran Galilea saꞌ li tzu̱l ru saꞌ lix naꞌajeb li ralal xcꞌajol laj Neftalí: li tenamit Siquem li tzu̱l ru li cuan saꞌ lix naꞌajeb li ralal xcꞌajol laj Efraín: ut li tenamit Quiriat-arba li nequeꞌxye ajcuiꞌ Hebrón re. Li tenamit aꞌan cuan saꞌ li naꞌajej tzu̱l ru saꞌ lix naꞌajeb li ralal xcꞌajol laj Judá.

Josué 20:9

Aꞌaneb aꞌin li tenamit li quisiqꞌueꞌ ruheb xbaneb laj Israel re teꞌxcol ribeb ut re ajcuiꞌ nak teꞌxcol ribeb li jalaneb xtenamit li naxcamsi ras ri̱tzꞌin chi incꞌaꞌ yal naraj xchꞌo̱l. Teꞌxcol rib saꞌ li tenamit aꞌan re nak incꞌaꞌ teꞌcamsi̱k xbaneb li rechꞌalal li camenak toj ta̱rakekꞌ a̱tin saꞌ xbe̱neb.

2 Reyes 8:28

Laj Ocozías lix reyeb aj Judá quixjunaji rib riqꞌuin lix reyeb laj Israel re teꞌxic chi pletic riqꞌuin laj Hazael lix reyeb laj Siria. Lix reyeb laj Israel, aꞌan laj Horam li ralal laj Acab. Queꞌpletic aran Ramot li cuan saꞌ xcue̱nt Galaad. Eb laj Siria queꞌrocsi xyajel laj Joram.