Josué 2:9 - Li Santil hu

⁹ —La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.

Q'eqchi Bible

⁹ ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.

Josué 2:9 ပူးပေါင်းရင်းမြစ်များ

Éxodo 23:27

La̱in tinqꞌueheb chixjapbal reheb xbaneb xxiu li tenamit li texnumekꞌ cuiꞌ. Ut teꞌe̱lelik li xicꞌ nequeꞌiloc e̱re che̱ru la̱ex.

Deuteronomio 2:25

Saꞌ li cutan aꞌin la̱in tinqꞌue xxiuheb chixjunileb li tenamit li cuanqueb rubel choxa. Teꞌrabi resil li cꞌaꞌru yo̱kex ut sicsotkeb xban xxiuheb che̱ru,” chan li Dios.

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

Eclesiastés 8:12

Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Salmos 115:16

Li choxa aꞌan xnaꞌaj li nimajcual Dios xban nak aran cuan. Abanan li ruchichꞌochꞌ aꞌan quixqꞌue reheb li cristian re teꞌcua̱nk cuiꞌ.

Salmos 112:10

Eb li incꞌaꞌ useb xnaꞌleb nequeꞌxqꞌue retal nak osobtesinbil li cha̱bil xnaꞌleb. Nequeꞌjoskꞌoꞌ xban. Xicꞌ chic nequeꞌril ut nequeꞌraj xba̱nunquil ma̱usilal re. Abanan incꞌaꞌ teꞌru̱k.

Li xHu LAJ JOB 19:25

La̱in ninnau nak li nacoloc cue yoꞌyo. Ut ninnau nak aꞌan ta̱a̱tinak chicuix re incolbal arin saꞌ ruchichꞌochꞌ.

Josué 2:11

Cꞌajoꞌ nak coxucuac nak xkanau nak ma̱ ani naru napletic e̱riqꞌuin la̱ex xban nak li Ka̱cuaꞌ le̱ Dios cuan xcuanquil saꞌ choxa ut cuan ajcuiꞌ xcuanquil saꞌ ruchichꞌochꞌ.

Génesis 35:5

Li Dios quixqꞌue xxiuheb chixjunileb li tenamit li cuanqueb chi nachꞌ riqꞌuin li quicuan cuiꞌ laj Jacob. Xban nak queꞌxucuac, incꞌaꞌ queꞌxta̱ke laj Jacob re teꞌxpleti nak yo̱queb chi xic Bet-el.

San Mateo 20:15

¿Ma incꞌaꞌ ta biꞌ la̱in yal cue saꞌ xbe̱n li cꞌaꞌru cue? ¿Cꞌaꞌut nak nacatcakalin? ¿Ma xban nak cha̱bilin la̱in riqꞌuineb? chan li patrón.

Nahum 2:10

Ma̱cꞌaꞌ chic cuan saꞌ li tenamit. Xeꞌosoꞌ. Xeꞌcana chi ma̱cꞌaꞌ chic cuan reheb. Sachso̱queb xchꞌo̱leb li cristian ut ma̱cꞌaꞌ chic nequeꞌxyoꞌoni. Nequeꞌsicsot xban xxiuheb ut sakquirineb aj chic.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

2 Reyes 7:6

Li Ka̱cuaꞌ quixqꞌueheb laj Siria chirabinquil jun li choki̱nc. Chanchan xya̱b li carruaje ut li cacua̱y nak yo̱queb chi cha̱lc nabaleb li soldado. Saꞌ xchꞌo̱leb laj Siria nak lix reyeb laj Israel queꞌxjunaji ribeb riqꞌuineb laj hiteo ut eb laj Egipto ut yo̱queb chi cha̱lc chi pletic riqꞌuineb.

2 Reyes 5:15

Laj Naamán qui-el saꞌ li nimaꞌ ut co̱ cuiꞌchic saꞌ rochoch li profeta Eliseo rochben chixjunileb lix mo̱s. Ut laj Naamán quixye re laj Eliseo: —Anakcuan xinqꞌue retal nak ma̱cꞌaꞌ chic junak Dios saꞌ chixjunil li ruchichꞌochꞌ. Caꞌaj cuiꞌ arin Israel. Joꞌcan nak nintzꞌa̱ma cha̱cuu nak ta̱cꞌul junak la̱ ma̱tan tinsi a̱cue, chan laj Naamán.

2 Samuel 17:10

Usta eb la̱ soldados cauheb rib joꞌ xcacuil rib li cakcoj, teꞌxucuak xban nak chixjunileb laj Israel nequeꞌxnau nak la̱ yucuaꞌ kꞌaxal cau rib chi pletic. Ut eb li cuanqueb rochben cauheb ajcuiꞌ rib chi pletic.

Jueces 7:14

Ut li rochben quixye re: —Aꞌan retalil lix chꞌi̱chꞌ laj Gedeón, li ralal laj Joás laj Israel. Li Ka̱cuaꞌ Dios toxkꞌaxtesi chikajunilo la̱o aj Madián saꞌ rukꞌ aꞌan, chan.

Deuteronomio 32:8

Li Ka̱cuaꞌ li kꞌaxal nim xcuanquil quixqꞌue xnaꞌajeb li xni̱nkal ru tenamit. Quixye reheb bar cuan xnuba̱l lix chꞌochꞌeb. Ut quixqꞌue lix chꞌochꞌeb laj Israel aꞌ yal jarubeb saꞌ li junju̱nk xte̱paleb.

Deuteronomio 28:10

Ut chixjunileb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ quisicꞌoc chak e̱ru chokꞌ ralal xcꞌajol ut teꞌxucuak e̱ban.

Deuteronomio 11:25

Ma̱ ani tixcuy e̱sumenquil. Li Ka̱cuaꞌ le̱ Dios tixba̱nu joꞌ quixye e̱re. Tixqꞌueheb xxiuheb chixjunileb ut teꞌxucuak e̱ban yalak bar texxic.

Éxodo 18:11

Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Hebreos 11:31

Lix Rahab aꞌan jun ixk naxcꞌayi rib nak quicuan. Xban nak quipa̱ban, quixtenkꞌaheb laj Israel li queꞌchal chixqꞌuebal retal li tenamit. Xban lix pa̱ba̱l, lix Rahab incꞌaꞌ quicam saꞌ xya̱nkeb li incꞌaꞌ queꞌpa̱ban re li Dios.

Números 20:14

Nak cuanqueb Cades laj Moisés quixtaklaheb lix takl chi a̱tinac riqꞌuin lix reyeb laj Edom. Nak queꞌcuulac queꞌxye re: —La̱o aj Israel kechꞌalal kib e̱riqꞌuin la̱ex. Xotakla̱c chak chixyebal a̱cue chi joꞌcaꞌin. La̱at nacanau chixjunil li raylal li yo̱co chixcꞌulbal.

Números 20:24

—Laj Aarón ta̱ca̱mk. Incꞌaꞌ ta̱oc saꞌ li naꞌajej li tinqꞌue reheb laj Israel xban nak chixcabichalex quekꞌet lin chakꞌrab nak cuanquex chire li haꞌ li cuan Meriba li quineꞌxcuechꞌi cuiꞌ li tenamit.

Josué 2:8

Nak toj ma̱jiꞌ nequeꞌcuar laj qꞌuehol etal, co̱ lix Rahab saꞌ xbe̱n li cab chirilbaleb ut quixye reheb:

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Josué 9:9

Ut eb aꞌan queꞌchakꞌoc ut queꞌxye: —La̱o xochal chak saꞌ najtil tenamit xban nak xkabi chixjunil li yo̱ chixba̱nunquil li Ka̱cuaꞌ le̱ Dios. Xkabi resil chixjunil li quilajxba̱nu chak aran Egipto.

Josué 9:10

Ut xkabi ajcuiꞌ resil li quixba̱nu reheb li cuib chi rey li queꞌcuan chokꞌ xreyeb laj amorreo li cuanqueb jun pacꞌal li nimaꞌ Jordán. Xkabi resil nak queꞌsach ruheb li rey Sehón aran Hesbón ut laj Og, lix rey eb laj Basán, li quicuan Astarot.

Josué 9:24

Eb aꞌan queꞌxye re laj Josué: —La̱o xexkabalakꞌi xban kaxiu. Xkabi resil nak li Ka̱cuaꞌ le̱ Dios quixye re laj Moisés laj cꞌanjel chiru nak tixkꞌaxtesi e̱re li naꞌajej aꞌin ut te̱sach ruheb chixjunileb li cuanqueb arin. La̱o xkacꞌoxla nak toe̱camsi.

Isaías 23:5

Cꞌajoꞌ nak ta̱rahokꞌ xchꞌo̱leb laj Egipto nak teꞌrabi resil nak xsacheꞌ ru li tenamit Tiro.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Josué 6:2

Abanan li Ka̱cuaꞌ quixye re laj Josué: —La̱in xinkꞌaxtesi li tenamit Jericó saꞌ a̱cuukꞌ, ut xinkꞌaxtesi ajcuiꞌ li rey joꞌ eb ajcuiꞌ lix soldado.

Nehemías 6:16

Queꞌrabi nak ac xya̱loꞌ li cꞌanjel. Chixjunileb li xicꞌ nequeꞌiloc ke queꞌxucuac, joꞌqueb ajcuiꞌ li tenamit li cuanqueb chi nachꞌ kiqꞌuin. Xuta̱nal queꞌel xban nak queꞌxqꞌue retal nak li Ka̱cuaꞌ, aꞌan li quitenkꞌan ke chixyi̱banquil li tzꞌac.

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.