Josué 2:6 - Li Santil hu

⁶ Abanan lix Rahab ac xtaklaheb li cuib chi cui̱nk saꞌ xbe̱n li cab bar yo̱ cuiꞌ chixchinanquil lix cheꞌel li acui̱mk lino. Ut quixmukeb saꞌ xya̱nk li lino.

Q'eqchi Bible

⁶ A'ut lix Rajab ak kixtaqlaheb' li wiib' chi winq sa' xb'een li kab'l ut kixmuqeb' chaq sa' xyanqeb' xjoob'il xnoq'el li liin li tub'tu aran re chaqik.

Josué 2:6 ပူးပေါင်းရင်းမြစ်များ

Santiago 2:25

Lix Rahab, aꞌan xcomoneb li ixk li nequeꞌxcꞌayi rib nak quicuan. Abanan quixtenkꞌaheb laj qꞌuehol etal chixsicꞌbal jalan chic be re nak teꞌxcol ribeb. Riqꞌuin li usilal quixba̱nu lix Rahab, li Dios quixye nak ti̱c xchꞌo̱l.

Hebreos 11:23

Xban lix pa̱ba̱leb lix naꞌ xyucuaꞌ laj Moisés, nak quiyoꞌla laj Moisés, oxib po queꞌxmuk chiru li rey. Queꞌril nak cꞌajoꞌ xchakꞌal ru li cꞌulaꞌal ut incꞌaꞌ queꞌxucuac chi xkꞌetbal lix chakꞌrab li rey nak quixye nak teꞌcamsi̱k li cꞌulaꞌal li cocꞌ te̱lom.

Colosenses 3:3

Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios.

2 Samuel 17:19

Li rixakil li cui̱nk quixtzꞌap li becbil haꞌ riqꞌuin jun li tꞌicr ut quixhel li ru li trigo saꞌ xbe̱n. Ut ma̱ ani quinaꞌoc re nak mukmu̱queb li cui̱nk chi saꞌ li becbil haꞌ.

San Mateo 24:17

Li ani cua̱nk chak saꞌ xbe̱n li rochoch nak ta̱cꞌulma̱nk aꞌan, chi cubec chak ut ti̱c ta̱e̱lelik ut incꞌaꞌ chic ta̱oc saꞌ rochoch chirisinquil li cꞌaꞌru cuan re.

Jeremías 36:26

Li rey quixtaklaheb laj Jerameel li ralal laj Hamelec, ut laj Seraías li ralal laj Azriel, ut laj Selemías li ralal laj Abdeel chixchapbaleb laj Baruc laj tzꞌi̱b ut li profeta Jeremías re nak teꞌxqꞌue chi pre̱xil. Abanan li Ka̱cuaꞌ quixtenkꞌaheb re teꞌxmuk rib chiruheb.

2 Reyes 11:2

Abanan lix Josaba lix rabin li rey Joram quixcol laj Joás li ralal laj Ocozías. Quirisi saꞌ xya̱nkeb li ralal laj Ocozías li oqueb re chi camsi̱c. Quixcꞌam laj Joás rochben li ixk li na-iloc re ut quixmukeb saꞌ jun li cuariba̱l re nak incꞌaꞌ teꞌtaꞌekꞌ xban lix Atalía. Joꞌcaꞌin nak lix Josaba li ranab laj Ocozías quixcol laj Joás re nak incꞌaꞌ ta̱camsi̱k.

1 Reyes 18:13

At ka̱cuaꞌ Elías, ¿ma incꞌaꞌ cacuabi resil nak la̱in xinmuk jun ciento lix profeta li Dios nak lix Jezabel yo̱ chixcamsinquileb? Xinmukeb saꞌ li ochoch pec. Laje̱b roxcꞌa̱l (50) xinmuk saꞌ jun li ochoch pec ut laje̱b roxcꞌa̱l saꞌ li jun chic ut xinqꞌueheb ajcuiꞌ lix cua rucꞌaheb.

1 Reyes 18:4

Junxil nak lix Jezabel yo̱ chixcamsinquileb lix profeta li Ka̱cuaꞌ, laj Abdías quixcꞌam jun ciento li profeta ut quixmukeb saꞌ li ochoch pec. Laje̱b roxcꞌa̱l (50) quixmuk saꞌ li junju̱nk chi ochoch pec. Ut quixqꞌueheb xcua rucꞌa.

2 Samuel 11:2

Saꞌ jun li ecuu nak quicuacli chak laj David saꞌ lix chꞌa̱t, co̱ saꞌ xbe̱n li rochoch. Nak yo̱ chi be̱c aran, quiril jun li ixk yo̱ chi ati̱nc. Cꞌajoꞌ xchꞌinaꞌusal li ixk aꞌan.

Josué 2:8

Nak toj ma̱jiꞌ nequeꞌcuar laj qꞌuehol etal, co̱ lix Rahab saꞌ xbe̱n li cab chirilbaleb ut quixye reheb:

Deuteronomio 22:8

Nak te̱yi̱b le̱ rochoch, tento nak te̱qꞌue xramleb nak te̱yi̱b re nak incꞌaꞌ ta̱cana̱k saꞌ e̱be̱n li chꞌaꞌajquilal cui junak ta̱tꞌanekꞌ aran ut nacam.

Éxodo 2:2

Li rixakil quicana chi yaj aj ixk. Quicuan jun xcꞌulaꞌal te̱lom. Quiril nak cꞌajoꞌ xchakꞌal ru li cꞌulaꞌal ut quixmuk oxib po.

Josué 2:5

Nak x-ecuu, xco̱eb xban nak saꞌ li o̱r aꞌan nequeꞌxtzꞌap li oqueba̱l re li tenamit ut incꞌaꞌ ninnau bar xco̱eb. Cui la̱ex texxic chirixeb saꞌ junpa̱t ma̱re toxe̱tauheb, chan lix Rahab.

Josué 2:7

Li cui̱nk li quixtaklaheb li rey chixta̱kenquileb laj qꞌuehol etal co̱eb toj chire li nimaꞌ Jordán bar incꞌaꞌ cham li haꞌ. Nak ac xeꞌco̱eb li soldado li quixtaklaheb li rey, queꞌxtzꞌap li oqueba̱l re li tenamit.

Josué 6:25

Abanan laj Josué quixcol lix yuꞌam lix Rahab li naxcꞌayi rib ut quixcoleb li rechꞌalal joꞌ ajcuiꞌ li cꞌaꞌru cuan re xban nak quixmuk li cuib chi cui̱nk li queꞌcuulac Jericó chi qꞌuehoc etal. Ut aꞌan quicana chi cua̱nc saꞌ xya̱nkeb laj Israel chalen anakcuan.