Josué 2:5 - Li Santil hu

⁵ Nak x-ecuu, xco̱eb xban nak saꞌ li o̱r aꞌan nequeꞌxtzꞌap li oqueba̱l re li tenamit ut incꞌaꞌ ninnau bar xco̱eb. Cui la̱ex texxic chirixeb saꞌ junpa̱t ma̱re toxe̱tauheb, chan lix Rahab.

Q'eqchi Bible

⁵ Ut naq x'ewuuk, kach'in chik maa natz'apmank li rokeb'aal li tenamit, eb' li winq a'an xe'elk ut ink'a' ninnaw b'ar xkoheb'. Ayuqex chirixeb' sa' junpaat ut toxeetaweb', chan.

Josué 2:5 ပူးပေါင်းရင်းမြစ်များ

Apocalipsis 21:25

Eb li oqueba̱l incꞌaꞌ teꞌtzꞌapekꞌ xban nak junelic cutanak. Ma̱cꞌaꞌak kꞌojyi̱n.

Ezequiel 47:12

Ut chire li nimaꞌ saꞌ xcaꞌ pacꞌalil teꞌcua̱nk qꞌuila pa̱y ru li cheꞌ teꞌu̱chi̱nk. Li cheꞌ aꞌan incꞌaꞌ teꞌtꞌanekꞌ lix xak ut incꞌaꞌ teꞌxcanab u̱chi̱nc. Rajlal teꞌu̱chi̱nk saꞌ xkꞌehil xban nak cuanqueb chire li nimaꞌ li na-el saꞌ li templo. Li cheꞌ aꞌan teꞌu̱chi̱nk ut li ru ta̱loꞌekꞌ ut lix xak ta̱cꞌanjelak chokꞌ ban.—

Jeremías 50:20

Saꞌ eb li cutan aꞌan eb laj Israel ut eb laj Judá ma̱cꞌaꞌak xma̱queb xban nak la̱in tincuy tinsach lix ma̱queb li joꞌ qꞌuial chic xeꞌcana, chan li Ka̱cuaꞌ.

Isaías 60:11

Incꞌaꞌ chic ta̱tzꞌapma̱nk li oqueba̱l re le̱ tenamit. Junelic teto̱k chi kꞌek chi cutan, re nak eb li tenamit teꞌxcꞌam chak chokꞌ e̱re lix biomaleb. Eb lix reyeb li jalan xtenamiteb teꞌcꞌamekꞌ chak e̱riqꞌuin.

Nehemías 13:19

Ut quinye ajcuiꞌ reheb nak acak cuulac re xcutanquil li hiloba̱l cutan nak teꞌxtzꞌapeb li oqueba̱l re li tenamit nak toj ma̱jiꞌ nakꞌojyi̱noꞌ chi us. Ut incꞌaꞌ teꞌxte toj ta̱numekꞌ li hiloba̱l cutan. Ut quinxakabeb li mo̱s saꞌ eb li oqueba̱l ut quebinye re nak ma̱ jun teꞌrocsi riqꞌuineb ri̱k saꞌ li hiloba̱l cutan.

Josué 2:7

Li cui̱nk li quixtaklaheb li rey chixta̱kenquileb laj qꞌuehol etal co̱eb toj chire li nimaꞌ Jordán bar incꞌaꞌ cham li haꞌ. Nak ac xeꞌco̱eb li soldado li quixtaklaheb li rey, queꞌxtzꞌap li oqueba̱l re li tenamit.

Josué 2:4

Abanan lix Rahab quixmukeb li cui̱nk ut quixye reheb li takl: —Ya̱l nak xeꞌcꞌulun li cui̱nk cuiqꞌuin. Abanan incꞌaꞌ xinnau bar xeꞌchal chak.

Josué 2:6

Abanan lix Rahab ac xtaklaheb li cuib chi cui̱nk saꞌ xbe̱n li cab bar yo̱ cuiꞌ chixchinanquil lix cheꞌel li acui̱mk lino. Ut quixmukeb saꞌ xya̱nk li lino.

1 Samuel 19:14

Nak laj Saúl quixtaklaheb lix takl re teꞌxchap laj David, lix Mical quixye reheb: —Laj David yaj, chan.