Josué 2:4 - Li Santil hu

⁴ Abanan lix Rahab quixmukeb li cui̱nk ut quixye reheb li takl: —Ya̱l nak xeꞌcꞌulun li cui̱nk cuiqꞌuin. Abanan incꞌaꞌ xinnau bar xeꞌchal chak.

Q'eqchi Bible

⁴ Ab'anan li ixq koxmuqeb' chaq li wiib' chi winq ut kixye: —Yaal ajwi' naq xe'k'ulunk sa' li wochoch, ab'an moko ninnaw ta aj b'areb'.

Josué 2:4 ပူးပေါင်းရင်းမြစ်များ

2 Reyes 6:19

Nak incꞌaꞌ chic queꞌiloc, li profeta co̱ riqꞌuineb ut quixye: —Ma̱cuaꞌ aꞌin li be li yo̱quex chi xic cuiꞌ, chi moco aꞌin li tenamit li yo̱quex chixsicꞌbal. Chine̱ta̱ke. La̱in tincꞌamok be che̱ru re nak te̱tau li cui̱nk li yo̱quex chixsicꞌbal, chan. Ut li profeta quixcꞌameb saꞌ li tenamit Samaria.

Éxodo 1:19

Ut li cuib chi ixk queꞌchakꞌoc ut queꞌxye re laj faraón: —Xban nak eb li ixk aj hebreo ma̱cuaꞌ joꞌ eb li ixk aj Egipto. Aꞌan cauheb rib. Ma̱jiꞌ nococuulac riqꞌuineb nak ac xeꞌyoꞌla lix cꞌulaꞌaleb, chanqueb.

Santiago 2:25

Lix Rahab, aꞌan xcomoneb li ixk li nequeꞌxcꞌayi rib nak quicuan. Abanan quixtenkꞌaheb laj qꞌuehol etal chixsicꞌbal jalan chic be re nak teꞌxcol ribeb. Riqꞌuin li usilal quixba̱nu lix Rahab, li Dios quixye nak ti̱c xchꞌo̱l.

Josué 2:3

Ut li rey quixtakla xyebal re lix Rahab: —Isiheb li cui̱nk aꞌan li cuanqueb saꞌ la̱ cuochoch xban nak eb aꞌan xeꞌchal chi qꞌuehoc etal, chan.

Josué 2:5

Nak x-ecuu, xco̱eb xban nak saꞌ li o̱r aꞌan nequeꞌxtzꞌap li oqueba̱l re li tenamit ut incꞌaꞌ ninnau bar xco̱eb. Cui la̱ex texxic chirixeb saꞌ junpa̱t ma̱re toxe̱tauheb, chan lix Rahab.

Josué 6:17

Li tenamit aꞌan, ut chixjunil li cuan chi saꞌ ta̱sachma̱nk ru joꞌ quixye ke li Ka̱cuaꞌ. Caꞌaj cuiꞌ lix Rahab xcomoneb li nequeꞌxcꞌayi rib, aꞌan ta̱colekꞌ rochbeneb li cuanqueb saꞌ li rochoch xban nak aꞌan li quimukuc reheb li cui̱nk li queꞌtakla̱c chi qꞌuehoc etal.

Josué 6:25

Abanan laj Josué quixcol lix yuꞌam lix Rahab li naxcꞌayi rib ut quixcoleb li rechꞌalal joꞌ ajcuiꞌ li cꞌaꞌru cuan re xban nak quixmuk li cuib chi cui̱nk li queꞌcuulac Jericó chi qꞌuehoc etal. Ut aꞌan quicana chi cua̱nc saꞌ xya̱nkeb laj Israel chalen anakcuan.