Josué 2:3 - Li Santil hu

³ Ut li rey quixtakla xyebal re lix Rahab: —Isiheb li cui̱nk aꞌan li cuanqueb saꞌ la̱ cuochoch xban nak eb aꞌan xeꞌchal chi qꞌuehoc etal, chan.

Q'eqchi Bible

³ Toja' naq li awab'ej re Jerikó kixtaqla xyeeb'al re lix Rajab: “Isiheb' chaq li winq li xe'ok aawik'in, sa' laawochoch, xb'aan naq xe'chalk chi xk'eeb'al reetal chixjunil li tenamit”, chan re.

Josué 2:3 ပူးပေါင်းရင်းမြစ်များ

2 Samuel 10:3

eb li nequeꞌtaklan saꞌ xya̱nkeb li ralal xcꞌajol laj Amón queꞌxye re laj Hanún: —¿Ma nacapa̱b la̱at nak li rey David xtaklaheb chak lix takl arin caꞌaj cuiꞌ re xqꞌuebal xlokꞌal la̱ yucuaꞌ ut re xcꞌojobanquil a̱chꞌo̱l? ¿Ma incꞌaꞌ ta biꞌ xtaklaheb chak arin yal re xqꞌuebal retal li katenamit re tixsach ru? chanqueb.

Hechos 12:6

Ac cuulac re xkꞌehil nak ta̱cꞌamekꞌ laj Pedro xban laj Herodes chiruheb li tenamit. Saꞌ li kꞌojyi̱n aꞌan laj Pedro yo̱ chi cua̱rc saꞌ xyiheb li cuib chi soldado bacꞌbo riqꞌuin cadena. Ut cuanqueb ajcuiꞌ laj cꞌacꞌalenel chire li oqueba̱l re li tzꞌalam.

Hechos 12:4

Nak ac xchapeꞌ laj Pedro, li rey Herodes quixtakla saꞌ tzꞌalam ut quixkꞌaxtesi saꞌ rukꞌeb ca̱hib chꞌu̱tal chi soldado re teꞌxcꞌacꞌale. Ca̱hib chi soldado cuan saꞌ li junju̱nk chꞌu̱tal. Laj Herodes cuan saꞌ xchꞌo̱l nak tixcꞌam chiruheb li tenamit nak ac xrakeꞌ li ninkꞌe re teꞌxrak a̱tin saꞌ xbe̱n.

San Juan 19:4

Laj Pilato co̱ cuiꞌchic riqꞌuineb laj judío ut quixye reheb: —Xincꞌam chak arin chirix cab re nak te̱nau nak ma̱ jun xma̱c xintau, chan.

Li xHu LAJ JOB 21:30

Nak najoskꞌoꞌ li Dios, naxqꞌue chak li raylal saꞌ xbe̱neb li cristian. Abanan eb li incꞌaꞌ useb xnaꞌleb ma̱cꞌaꞌ nequeꞌxcꞌul.

1 Crónicas 19:3

Abanan eb li cuanqueb xcuanquil saꞌ xya̱nkeb li ralal xcꞌajol laj Amón queꞌxye re laj Hanún: —¿Ma nacapa̱b la̱at nak li rey David xtaklaheb chak lix takl arin yal re xqꞌuebal xlokꞌal la̱ yucuaꞌ ut re xcꞌojobanquil a̱chꞌo̱l? ¿Ma incꞌaꞌ nacaqꞌue retal nak quixtaklaheb chak arin chixqꞌuebal retal li katenamit? chanqueb.

Josué 10:23

Joꞌcan nak queꞌxte li ochoch pec ut queꞌrisiheb lix reyeb li tenamit Jerusalén, Hebrón, Jarmut, Laquis, ut Eglón. Ut queꞌxcꞌameb riqꞌuin laj Josué.

Levítico 24:14

—Cꞌamomak li cui̱nk aꞌan toj chirix li naꞌajej li cuanqueb cuiꞌ lix muheba̱leb laj Israel. Chixjunileb li queꞌabin re nak quixmajecua lin cꞌabaꞌ teꞌxqꞌue li rukꞌeb saꞌ xbe̱n xjolom retalil nak cuan xma̱c. Ut chirix aꞌan chixjunileb teꞌxcamsi chi pec.

Génesis 42:31

La̱o xkaye re: “La̱o saꞌ xya̱lal nococuan. La̱o incꞌaꞌ cꞌaynako chi qꞌuehoc etal.”

Génesis 38:24

Nak ac xnumeꞌ chic oxib po queꞌxye re laj Judá: —Lix Tamar la̱ cualib yo̱ chi yumbe̱tac xban nak yaj aj ixk chic.— Ut laj Judá quixye reheb: —Ayukex. Te̱risi li ixk aꞌan saꞌ rochoch lix yucuaꞌ ut te̱cꞌat, chan laj Judá reheb.

Josué 2:2

Abanan cuan li queꞌyehoc resil re li rey li cuan Jericó. Ut queꞌxye: —Cuanqueb aj Israel xeꞌchal chixqꞌuebal retal li tenamit chiru li kꞌojyi̱n aꞌin, chanqueb.

Josué 2:4

Abanan lix Rahab quixmukeb li cui̱nk ut quixye reheb li takl: —Ya̱l nak xeꞌcꞌulun li cui̱nk cuiqꞌuin. Abanan incꞌaꞌ xinnau bar xeꞌchal chak.

2 Samuel 17:20

Eb li nequeꞌcꞌanjelac chiru laj Absalón queꞌcuulac saꞌ li cab aꞌan ut queꞌxpatzꞌ re li ixk: —¿Bar cuanqueb laj Ahimaas ut laj Jonatán? chanqueb. Li ixk quixye reheb: —Ac xeꞌnumeꞌ arin. Xeꞌco̱eb saꞌ li nimaꞌ, chan. Queꞌxsiqꞌui abanan incꞌaꞌ queꞌxtauheb. Joꞌcan nak queꞌsukꞌi cuiꞌchic Jerusalén.

Jueces 4:20

Ut laj Sísara quixye re lix Jael: —Cua̱nkat aran chire li oqueba̱l. Cui ani nachal ut tixye a̱cue: “¿Ma ma̱ ani xol-ocak a̱cuiqꞌuin?” la̱at ta̱ye nak ma̱ ani, chan.