Josué 2:24 - Li Santil hu

²⁴ Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Q'eqchi Bible

²⁴ chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.

Josué 2:24 ပူးပေါင်းရင်းမြစ်များ

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

Proverbios 25:13

Kꞌaxal lokꞌ li cha̱bil takl chokꞌ re li ani nataklan re. Naxqꞌue xsahil xchꞌo̱l lix patrón. Chanchan xquehal li sakbach chiru li cutan tik ru.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Josué 1:8

Incꞌaꞌ ta̱canab xyebal li chakꞌrab li xinqꞌue e̱re. Chi kꞌek chi cutan yo̱kat chixcꞌoxlanquil li chakꞌrab re nak incꞌaꞌ ta̱canab xba̱nunquil li cꞌaꞌru naxye, ut re ajcuiꞌ nak sa tatcua̱nk ut chixjunil ta̱e̱lk chi us cha̱cuu.

Éxodo 15:15

Ma̱ caꞌchꞌin nak teꞌxucuak eb li nequeꞌtaklan saꞌ xbe̱neb laj Edom. Sicsotkeb xbaneb xxiu li cuanqueb xcuanquil saꞌ xya̱nkeb laj Moab. Teꞌsachk xchꞌo̱l chixjunileb laj cananeo.

Josué 2:23

Ut eb laj qꞌuehol etal queꞌcube saꞌ li naꞌajej li tzu̱l ru ut queꞌco̱eb. Queꞌxkꞌax li nimaꞌ Jordán ut coxeꞌxtau laj Josué. Queꞌxserakꞌi re li cꞌaꞌru queꞌxcꞌul.

Jueces 7:9

Saꞌ ajcuiꞌ li kꞌojyi̱n aꞌan li Dios quixye re laj Gedeón: —Ayu cuan cuiꞌ lix muheba̱leb laj Madián xban nak anakcuan tinkꞌaxtesiheb aꞌan saꞌ a̱cuukꞌ.

Josué 6:2

Abanan li Ka̱cuaꞌ quixye re laj Josué: —La̱in xinkꞌaxtesi li tenamit Jericó saꞌ a̱cuukꞌ, ut xinkꞌaxtesi ajcuiꞌ li rey joꞌ eb ajcuiꞌ lix soldado.

Josué 8:1

Tojoꞌnak li Ka̱cuaꞌ Dios quixye re laj Josué: —Matxucuac chi moco chichꞌina̱nk a̱chꞌo̱l. Cꞌameb chixjunileb la̱ soldado ut ayukex chire̱chaninquil li tenamit Hai. La̱in tintenkꞌa̱nk e̱re chi numta̱c saꞌ xbe̱n lix reyeb ut saꞌ xbe̱neb li tenamit. Li tenamit ut chixjunil li naꞌajej aꞌan e̱rehak chic.

Jueces 1:2

Quichakꞌoc li Ka̱cuaꞌ ut quixye reheb: —Aꞌaneb laj Judá li teꞌxic xbe̱n cua. La̱in tinkꞌaxtesi li naꞌajej saꞌ rukꞌeb aꞌan, chan.

Jueces 18:10

Tocuulak chi pletic riqꞌuineb chi ma̱cꞌaꞌ saꞌ xchꞌo̱leb li cuanqueb aran. Toxkatau jun nimla naꞌajej. Saꞌ li naꞌajej aꞌan ma̱cꞌaꞌ pa̱lt. Cuan ban chixjunil. Li Dios ac xkꞌaxtesi li naꞌajej aꞌan saꞌ kukꞌ, chanqueb.