Josué 2:14 - Li Santil hu

¹⁴ Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

Q'eqchi Bible

¹⁴ Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

Josué 2:14 ပူးပေါင်းရင်းမြစ်များ

San Mateo 5:7

Us xak reheb li nequeꞌuxta̱nan u xban nak eb aꞌan teꞌuxta̱na̱k ruheb xban li Dios.

Proverbios 18:24

Cuan amigo incꞌaꞌ chꞌaꞌaj nak nequeꞌxyoꞌob junak chꞌaꞌajquilal. Abanan cuan li tzꞌakal amigo kꞌaxal cuiꞌchic cha̱bil chiru junak asbej.

Génesis 24:49

—Anakcuan checuyak inma̱c nak tinpatzꞌ e̱re. ¿Ma te̱ba̱nu li usilal re lin patrón? ¿Ma te̱takla lix Rebeca chokꞌ rixakil li ralal lin patrón malaj ut incꞌaꞌ? Yehomak cue re nak tinnau ma tento nak tinxic saꞌ jalan naꞌajej chixsicꞌbal rixakil laj Isaac, chan.

1 Reyes 20:39

Nak yo̱ chi numecꞌ li rey, li profeta quixye re: —At rey, la̱in yo̱quin chi pletic nak xcuulac jun li soldado cuiqꞌuin ut quixye cue, “Il chi us li cui̱nk aꞌin re nak incꞌaꞌ ta̱e̱lelik. Cui ta̱e̱lelik cha̱cuu, ta̱toj rix riqꞌuin la̱ yuꞌam malaj ut ta̱toj rix riqꞌuin oꞌlaju libra chi tumin plata” chan li profeta.

2 Samuel 9:1

Saꞌ jun li cutan li rey David quixye: —¿Ma toj yoꞌyo junak ralal xcꞌajol laj Saúl re tinba̱nu usilal re saꞌ xcꞌabaꞌ laj Jonatán? chan.

1 Samuel 20:8

Ba̱nu usilal cue saꞌ xcꞌabaꞌ li juramento li kaba̱nu chi kibil kib. China̱tenkꞌa la̱in aj cꞌanjel cha̱cuu. Cui ut la̱in cuan inma̱c, china̱camsi la̱at anakcuan. Incꞌaꞌ tento nak tina̱cꞌam riqꞌuin la̱ yucuaꞌ re nak aꞌan tinixcamsi, chan laj David.

Josué 6:25

Abanan laj Josué quixcol lix yuꞌam lix Rahab li naxcꞌayi rib ut quixcoleb li rechꞌalal joꞌ ajcuiꞌ li cꞌaꞌru cuan re xban nak quixmuk li cuib chi cui̱nk li queꞌcuulac Jericó chi qꞌuehoc etal. Ut aꞌan quicana chi cua̱nc saꞌ xya̱nkeb laj Israel chalen anakcuan.

Josué 6:17

Li tenamit aꞌan, ut chixjunil li cuan chi saꞌ ta̱sachma̱nk ru joꞌ quixye ke li Ka̱cuaꞌ. Caꞌaj cuiꞌ lix Rahab xcomoneb li nequeꞌxcꞌayi rib, aꞌan ta̱colekꞌ rochbeneb li cuanqueb saꞌ li rochoch xban nak aꞌan li quimukuc reheb li cui̱nk li queꞌtakla̱c chi qꞌuehoc etal.

Josué 2:13

Checol rix xyuꞌam lin naꞌ ut lin yucuaꞌ joꞌ ajcuiꞌ eb li cuas ut eb li cui̱tzꞌin joꞌ ixk joꞌ cui̱nk ut chixjunil li cꞌaꞌruheb re. Choe̱col taxak re nak incꞌaꞌ toca̱mk, chan lix Rahab.

Josué 2:15

Li rochoch lix Rahab, aꞌan yi̱banbil saꞌ xbe̱n li tzꞌac li sutsu cuiꞌ li tenamit. Joꞌcan nak quixcubsiheb li cui̱nk saꞌ li ventana riqꞌuin jun li nimla cꞌa̱m.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Josué 6:22

Ut laj Josué quixye reheb li cuib chi cui̱nk li queꞌcuulac Jericó chi qꞌuehoc etal: —Ayukex saꞌ rochoch lix Rahab li naxcꞌayi rib ut te̱risi aran joꞌ ajcuiꞌ chixjunil li cꞌaꞌru cuan re, joꞌ queyechiꞌi re, chan.

2 Samuel 2:5

Ut laj David quixtaklaheb lix takl riqꞌuineb laj Jabes li cuan xcue̱nt Galaad ut quixye reheb: —Aꞌ taxak li Dios chi-osobtesi̱nk e̱re riqꞌuin li usilal xeba̱nu re li rey Saúl nak xemuk.

2 Samuel 2:6

Aꞌ taxak li Ka̱cuaꞌ chi-uxta̱na̱nk e̱ru la̱ex ut aꞌ taxak li usilal chicua̱nk e̱riqꞌuin. Joꞌcan ajcuiꞌ la̱in tinba̱nu usilal e̱re riqꞌuin li usilal li xeba̱nu.

Proverbios 14:22

Li ani junes li ma̱usilal naxcꞌoxla xba̱nunquil naxsach rib xjunes. Abanan eb li nequeꞌxba̱nu li us, teꞌrahekꞌ ut teꞌuxta̱na̱k ruheb.

Hechos 23:22

Ut li coronel quixchakꞌrabi li al ut quixye re nak ma̱ ani aj e tixye li cꞌaꞌru quixye resil re.