Josué 2:12 - Li Santil hu

¹² Joꞌcan nak la̱in nintzꞌa̱ma che̱ru nak te̱ba̱nu li juramento saꞌ xcꞌabaꞌ li Ka̱cuaꞌ le̱ Dios nak te̱ba̱nu usilal reheb li cuechꞌalal joꞌ nak xinba̱nu usilal e̱re la̱in. Te̱qꞌue junak retalil cue re nak tinnau nak ya̱l nak te̱ba̱nu li cꞌaꞌru yo̱quin chixtzꞌa̱manquil che̱ru.

Q'eqchi Bible

¹² Jo'kan utan, yehomaq we anaqwan sa' jurament sa' xk'ab'a' li Qaawa' naq teeb'aanu usilal re linjunkab'al, jo' naq laa'in xinb'aanu usilal eere. K'ehomaq we junaq eetalil li tinnaw wi'

Josué 2:12 ပူးပေါင်းရင်းမြစ်များ

Josué 2:18

Nak to-oc chire̱chaninquil li tenamit aꞌin, la̱at ta̱tꞌuyub li caki cꞌa̱m aꞌin saꞌ li ventana, li xoa̱cubsi cuiꞌ. Ut ta̱chꞌutubeb saꞌ la̱ cuochoch la̱ naꞌ ut la̱ yucuaꞌ rochbeneb la̱ cuas ut eb la̱ cui̱tzꞌin, ut chixjunileb li cuanqueb saꞌ rochoch la̱ yucuaꞌ.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

1 Timoteo 5:8

Tento nak junak laj pa̱banel tixtenkꞌaheb li rechꞌalal. Ut kꞌaxal cuiꞌchic tento nak tixchꞌolaniheb li cuanqueb saꞌ li rochoch. Cui incꞌaꞌ naxba̱nu aꞌan, li jun aꞌan incꞌaꞌ naxqꞌue xcuanquil lix pa̱ba̱l ut kꞌaxal cuiꞌchic nim lix ma̱c chiruheb li toj ma̱jiꞌ nequeꞌxpa̱b li Dios.

Romanos 1:31

Incꞌaꞌ nequeꞌxtau xya̱lal. Incꞌaꞌ nequeꞌxba̱nu li cꞌaꞌru nequeꞌxsume xba̱nunquil. Incꞌaꞌ nequeꞌrahoc. Incꞌaꞌ nequeꞌcuyuc ma̱c, ut incꞌaꞌ nequeꞌuxta̱nan u.

San Marcos 14:44

Ut laj Judas quixye reheb nak tixqꞌue jun retalil chanru nak tixkꞌaxtesi li Jesús. Ac quixye reheb: —Li ani tincuutzꞌ ru, aꞌan li te̱chap ut te̱cꞌam.—

Jeremías 12:16

Ya̱l nak eb aꞌan queꞌcꞌamoc be chiruheb lin tenamit chixlokꞌoninquil li yi̱banbil dios Baal. Abanan naru teꞌcua̱nk saꞌ xya̱nkeb lin tenamit cui teꞌxqꞌue inlokꞌal joꞌ nequeꞌxba̱nu lin tenamit ut cui teꞌxba̱nu li juramento saꞌ incꞌabaꞌ la̱in li yoꞌyo̱quil Dios.

Ester 8:6

¿Chanru nak tincuy rilbal li raylal li teꞌraj xba̱nunquil reheb li cuech tenamitil? La̱in incꞌaꞌ tincuy cui teꞌcamsi̱k li cuechꞌalal, chan lix Ester.

2 Crónicas 36:13

Quixkꞌetkꞌeti rib chiru li rey Nabucodonosor ut incꞌaꞌ chic quiraj xba̱nunquil li juramento li quixba̱nu saꞌ xcꞌabaꞌ li Dios riqꞌuin laj Nabucodonosor. Quixcacuubresi ban lix chꞌo̱l ut incꞌaꞌ quiraj sukꞌi̱c riqꞌuin li Ka̱cuaꞌ lix Dioseb laj Israel.

1 Samuel 30:15

Laj David quixye re: —¿Ma ta̱ru̱k tina̱cꞌam cuanqueb cuiꞌ li jun chꞌu̱tal chi aj e̱lkꞌ aꞌan? chan. Ut li cui̱nk quixye re: —Cui la̱at ta̱ye cue saꞌ xcꞌabaꞌ li Dios nak incꞌaꞌ tina̱camsi, chi moco tina̱kꞌaxtesi saꞌ rukꞌ lin patrón, la̱in tatincꞌam bar cuanqueb cuiꞌ, chan.

Josué 9:15

Joꞌcan nak laj Josué quixba̱nu li contrato re nak teꞌxcꞌam rib saꞌ usilal riqꞌuineb laj Gabaón. Ut quixyechiꞌi reheb nak incꞌaꞌ tixcamsiheb. Ut joꞌcan ajcuiꞌ queꞌxba̱nu eb laj cꞌamol be saꞌ xya̱nkeb laj Israel.

Josué 2:13

Checol rix xyuꞌam lin naꞌ ut lin yucuaꞌ joꞌ ajcuiꞌ eb li cuas ut eb li cui̱tzꞌin joꞌ ixk joꞌ cui̱nk ut chixjunil li cꞌaꞌruheb re. Choe̱col taxak re nak incꞌaꞌ toca̱mk, chan lix Rahab.

Éxodo 12:13

Abanan li quicꞌ li te̱qꞌue chire xpuertil le̱ rochoch, aꞌan e̱retalil chicuu. Nak tincuil li quicꞌ, ti̱c tinnumekꞌ saꞌ le̱ rochoch. Ma̱ jun ta̱ca̱mk saꞌ le̱ rochoch la̱ex nak yo̱kin chixcamsinquil li xbe̱n ralaleb aj Egipto.

Génesis 24:9

Tojoꞌnak lix mo̱s quixqꞌue li rukꞌ rubel li raꞌ laj Abraham lix patrón. Joꞌcaꞌin nak quixba̱nu li juramento.

Génesis 24:3

Saꞌ xcꞌabaꞌ li Ka̱cuaꞌ Dios ta̱ye cue nak incꞌaꞌ ta̱sicꞌ rixakil li cualal saꞌ li tenamit Canaán li cuanquin cuiꞌ anakcuan. Ta̱ye cue chiru li tzꞌakal Dios li cuan saꞌ choxa re nak tinpa̱b la̱ cua̱tin nak incꞌaꞌ ta̱sicꞌ xcomoneb aj Canaán chokꞌ rixakil.

Génesis 21:23

Xban aꞌan, tintzꞌa̱ma cha̱cuu nak ta̱ye cue saꞌ xya̱lal chiru li Ka̱cuaꞌ Dios nak la̱at incꞌaꞌ ta̱ba̱nu li incꞌaꞌ us kiqꞌuin. Incꞌaꞌ ta̱ba̱nu li incꞌaꞌ us riqꞌuineb li cualal, joꞌ ajcuiꞌ riqꞌuineb li ralal xcꞌajol eb aꞌan. Joꞌ nak xinba̱nu li usilal a̱cue la̱at, joꞌcan ajcuiꞌ nak ta̱ba̱nu li usilal ke la̱o. Ta̱ba̱nu ajcuiꞌ usilal reheb li cristian li cuanqueb saꞌ li naꞌajej li cuancat cuiꞌ la̱at, chan.

Génesis 40:14

Nak cua̱nkat cuiꞌchic saꞌ rochoch laj faraón saꞌ la̱ cꞌanjel, ba̱nu usilal, chijulticokꞌ a̱cue li usilal xinba̱nu a̱cue. Chat-a̱tinak chicuix riqꞌuin laj faraón re nak naru tineꞌrisi ajcuiꞌ la̱in.

Josué 2:19

Abanan cui ta̱e̱lk junak saꞌ la̱ cuochoch, aꞌan cuan xma̱c cui nacam. Ma̱cuaꞌ chic kama̱c la̱o. La̱o cuan kama̱c cui junak nacuulac chixcamsinquil junak reheb li cuanqueb saꞌ la̱ cuochoch.

Josué 6:22

Ut laj Josué quixye reheb li cuib chi cui̱nk li queꞌcuulac Jericó chi qꞌuehoc etal: —Ayukex saꞌ rochoch lix Rahab li naxcꞌayi rib ut te̱risi aran joꞌ ajcuiꞌ chixjunil li cꞌaꞌru cuan re, joꞌ queyechiꞌi re, chan.

Jueces 1:24

Queꞌril jun li cui̱nk eb laj qꞌuehol etal nak yo̱ chi e̱lc saꞌ li tenamit ut queꞌxye re: —Ta̱cꞌut chiku chanru naru to-oc saꞌ li tenamit ut takuxta̱na a̱cuu nak tonumta̱k saꞌ xbe̱n li tenamit, chanqueb re.