Josué 2:11 - Li Santil hu

¹¹ Cꞌajoꞌ nak coxucuac nak xkanau nak ma̱ ani naru napletic e̱riqꞌuin la̱ex xban nak li Ka̱cuaꞌ le̱ Dios cuan xcuanquil saꞌ choxa ut cuan ajcuiꞌ xcuanquil saꞌ ruchichꞌochꞌ.

Q'eqchi Bible

¹¹ K'ajo' naq kooxiwak chi rab'inkil a'an, ut chixjunileb' ke'ch'inank xch'ool cheru laa'ex, xb'aan naq li Qaawa' leeYos a'an li xYos chixjunil li choxach'och'.

Josué 2:11 ပူးပေါင်းရင်းမြစ်များ

Deuteronomio 4:39

Joꞌcan nak junelic cua̱nk saꞌ e̱chꞌo̱l nak li Ka̱cuaꞌ, aꞌan li nimajcual Dios, joꞌ saꞌ choxa joꞌ saꞌ ruchichꞌochꞌ. Ma̱ jun chic Dios cuan. Caꞌaj cuiꞌ aꞌan.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Isaías 13:7

Ta̱chꞌina̱nk xchꞌo̱leb chixjunileb li cristian ut ma̱cꞌaꞌak chic xmetzꞌe̱uheb.

Josué 7:5

Queꞌcamsi̱c cuaklaju xcaꞌcꞌa̱l (36) eb laj Israel. Ut eb lix comoneb queꞌe̱lelic. Queꞌxtiquib ra̱linanquileb saꞌ li tenamit Hai. Queꞌcuulac cuan cuiꞌ li cubsi̱nc li nequeꞌisin cuiꞌ pec ut aran queꞌnumta saꞌ xbe̱neb. Joꞌcan nak eb laj Israel queꞌchꞌinan xchꞌo̱l. Incꞌaꞌ chic queꞌcacuu xchꞌo̱leb chi pletic.

Salmos 102:15

Eb li jalaneb xtenamit teꞌxxucua ru li Ka̱cuaꞌ. Eb li rey li cuanqueb saꞌ ruchichꞌochꞌ teꞌxqꞌue retal lix lokꞌal.

Salmos 83:18

re nak chixjunileb teꞌxnau nak caꞌaj cuiꞌ la̱at li nimajcual Dios li cuan a̱cuanquil saꞌ xbe̱n chixjunil li ruchichꞌochꞌ.

1 Reyes 8:60

Choxtenkꞌa taxak re nak eb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan li tzꞌakal Dios. Ma̱cꞌaꞌ chic junak joꞌ aꞌan.

Apocalipsis 6:16

Ut queꞌxye reheb li tzu̱l ut reheb ajcuiꞌ li pec: —Tꞌanekex chak saꞌ kabe̱n ut choe̱muk taxak chiru li cꞌojcꞌo saꞌ lix lokꞌlaj cꞌojariba̱l. Choe̱muk chiru li Jun li chanchan carner, li yo̱ xjoskꞌil saꞌ kabe̱n.

Nahum 2:10

Ma̱cꞌaꞌ chic cuan saꞌ li tenamit. Xeꞌosoꞌ. Xeꞌcana chi ma̱cꞌaꞌ chic cuan reheb. Sachso̱queb xchꞌo̱leb li cristian ut ma̱cꞌaꞌ chic nequeꞌxyoꞌoni. Nequeꞌsicsot xban xxiuheb ut sakquirineb aj chic.

Salmos 22:14

Yo̱ chi osocꞌ lin metzꞌe̱u. Chanchan li haꞌ li yo̱ chi hoyecꞌ. Chanchan nak ma̱cꞌaꞌ chic saꞌ xnaꞌaj lin bakel. Chanchan yo̱ chi haꞌocꞌ li cua̱m joꞌ nak nahaꞌoꞌ li cera.

Josué 14:8

Eb li queꞌcuulac chicuix queꞌxqꞌue xxiuheb li tenamit riqꞌuin li cꞌaꞌru queꞌxye chirix li naꞌajej aꞌan. Abanan la̱in quinba̱nu joꞌ li quixye li Ka̱cuaꞌ lin Dios.

Deuteronomio 20:8

Ut eb li nequeꞌtaklan teꞌxye ajcuiꞌ, “¿Ma cuan junak xchꞌinan xchꞌo̱l ut ta̱xucuak? Cui cuan, chisukꞌi̱k saꞌ rochoch re nak eb li ras ri̱tzꞌin incꞌaꞌ teꞌchꞌina̱nk xchꞌo̱leb xban.”

Deuteronomio 1:28

¿Bar ta̱ru̱k toxic anakcuan? Xchꞌinan li kachꞌo̱l xban nak eb li kacomon xeꞌxye ke nak eb li cristian aran ni̱nkeb rok chiku la̱o ut cauheb rib. Ut ni̱nkeb li tenamit ut ni̱nkeb ajcuiꞌ xteram li tzꞌac li sutsu̱queb cuiꞌ. Ut xeꞌrileb ajcuiꞌ chak ruheb li ralal xcꞌajol li nimla cui̱nk aj Anac xcꞌabaꞌ.”

Éxodo 15:14

Eb li jalaneb xtenamit teꞌrabi resil li cꞌaꞌru xaba̱nu. Ut sicsotkeb xbaneb xxiu. Ut cꞌajoꞌ nak teꞌxucuak laj filisteo.

Éxodo 15:15

Ma̱ caꞌchꞌin nak teꞌxucuak eb li nequeꞌtaklan saꞌ xbe̱neb laj Edom. Sicsotkeb xbaneb xxiu li cuanqueb xcuanquil saꞌ xya̱nkeb laj Moab. Teꞌsachk xchꞌo̱l chixjunileb laj cananeo.

2 Reyes 5:15

Laj Naamán qui-el saꞌ li nimaꞌ ut co̱ cuiꞌchic saꞌ rochoch li profeta Eliseo rochben chixjunileb lix mo̱s. Ut laj Naamán quixye re laj Eliseo: —Anakcuan xinqꞌue retal nak ma̱cꞌaꞌ chic junak Dios saꞌ chixjunil li ruchichꞌochꞌ. Caꞌaj cuiꞌ arin Israel. Joꞌcan nak nintzꞌa̱ma cha̱cuu nak ta̱cꞌul junak la̱ ma̱tan tinsi a̱cue, chan laj Naamán.

Salmos 58:7

Chasacheb li incꞌaꞌ useb xnaꞌleb. Cheꞌosokꞌ joꞌ nak na-osoꞌ li haꞌ li naxic saꞌ rok haꞌ. Cheꞌosokꞌ joꞌ li pim li nayekꞌiman saꞌ li be.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Ezequiel 21:15

Cꞌajoꞌ nak teꞌxucuak xban li chꞌi̱chꞌ. Nabaleb li teꞌcamsi̱k xban. Saꞌ chixjunileb li oqueba̱l teꞌril li chꞌi̱chꞌ. Cꞌajoꞌ nak nalemtzꞌun. Cauresinbil re ta̱camsi̱nk.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Josué 9:24

Eb aꞌan queꞌxye re laj Josué: —La̱o xexkabalakꞌi xban kaxiu. Xkabi resil nak li Ka̱cuaꞌ le̱ Dios quixye re laj Moisés laj cꞌanjel chiru nak tixkꞌaxtesi e̱re li naꞌajej aꞌin ut te̱sach ruheb chixjunileb li cuanqueb arin. La̱o xkacꞌoxla nak toe̱camsi.

Nehemías 6:16

Queꞌrabi nak ac xya̱loꞌ li cꞌanjel. Chixjunileb li xicꞌ nequeꞌiloc ke queꞌxucuac, joꞌqueb ajcuiꞌ li tenamit li cuanqueb chi nachꞌ kiqꞌuin. Xuta̱nal queꞌel xban nak queꞌxqꞌue retal nak li Ka̱cuaꞌ, aꞌan li quitenkꞌan ke chixyi̱banquil li tzꞌac.

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.