Josué 2:1 - Li Santil hu

¹ Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

Q'eqchi Bible

¹ Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Josué 2:1 ပူးပေါင်းရင်းမြစ်များ

Hebreos 11:31

Lix Rahab aꞌan jun ixk naxcꞌayi rib nak quicuan. Xban nak quipa̱ban, quixtenkꞌaheb laj Israel li queꞌchal chixqꞌuebal retal li tenamit. Xban lix pa̱ba̱l, lix Rahab incꞌaꞌ quicam saꞌ xya̱nkeb li incꞌaꞌ queꞌpa̱ban re li Dios.

Santiago 2:25

Lix Rahab, aꞌan xcomoneb li ixk li nequeꞌxcꞌayi rib nak quicuan. Abanan quixtenkꞌaheb laj qꞌuehol etal chixsicꞌbal jalan chic be re nak teꞌxcol ribeb. Riqꞌuin li usilal quixba̱nu lix Rahab, li Dios quixye nak ti̱c xchꞌo̱l.

San Mateo 1:5

Ut laj Salmón ut lix Rahab, aꞌaneb xnaꞌ xyucuaꞌ laj Booz. Laj Booz ut lix Rut, aꞌaneb xnaꞌ xyucuaꞌ laj Obed. Ut laj Obed, aꞌan xyucuaꞌ laj Isaí.

Números 25:1

Eb laj Israel queꞌcana chi cua̱nc aran Sitim. Nak cuanqueb aran eb li cui̱nk queꞌxtiquib ma̱cobc riqꞌuineb li ixk aj Moab.

Efesios 5:5

Te̱nau chi tzꞌakal nak li nequeꞌxba̱nu ma̱usilal incꞌaꞌ teꞌtzꞌako̱nk saꞌ lix nimajcual xcuanquilal li Cristo ut li Dios. Chi moco eb laj coꞌbe̱t ut eb laj yumbe̱t chi moco li nequeꞌxrahi li jalan aj e xban nak li ma̱c aꞌan juntakꞌe̱t riqꞌuin xlokꞌoninquil li jalanil dios.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Josué 3:1

Joꞌ cuulajak chic ekꞌela queꞌel Sitim laj Josué rochbeneb chixjunileb laj Israel ut queꞌco̱eb. Queꞌcuulac cuan cuiꞌ li nimaꞌ Jordán. Abanan incꞌaꞌ queꞌnumeꞌ jun pacꞌal. Toj queꞌcana chi hila̱nc aran.

Números 13:2

—Ta̱taklaheb li cui̱nk chixqꞌuebal retal li naꞌajej Canaán, li tinqꞌue reheb laj Israel. Ta̱taklaheb li cui̱nk li cuanqueb xcuanquil, li nequeꞌcꞌamoc be chiruheb li junju̱nk xte̱paleb laj Israel, chan li Dios.

Jueces 18:17

Ut eb li o̱b chi aj qꞌuehol etal queꞌoc saꞌ li rochoch laj Micaía ut queꞌxcꞌam lix efod ut queꞌxcꞌam ajcuiꞌ lix dios yi̱banbil riqꞌuin cheꞌ joꞌ ajcuiꞌ li dios yi̱banbil riqꞌuin plata. Queꞌxcꞌam chixjunil li yi̱banbil dios. Ut laj tij xakxo saꞌ li oqueba̱l rochbeneb li cuakib ciento chi soldado.

Jueces 18:2

Joꞌcan nak eb li ralal xcꞌajol laj Dan queꞌxsicꞌ ruheb o̱b chi cui̱nk cauheb xchꞌo̱l saꞌ xya̱nkeb ut queꞌxtaklaheb chixqꞌuebal retal chanru li naꞌajej. Queꞌxye reheb: —Ayukex ut qꞌuehomak chak retal chanru li naꞌajej, chanqueb. Queꞌel saꞌ eb li tenamit Zora ut Estaol ut queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru, ut queꞌxnumsi li kꞌojyi̱n saꞌ li rochoch laj Micaía.

Josué 5:10

Nak yo̱queb chi hila̱nc aran Gilgal saꞌ li ru takꞌa nachꞌ riqꞌuin li tenamit Jericó, queꞌxba̱nu li ninkꞌe Pascua chiru li ecuu saꞌ li ca̱laju xbe li po.

Números 33:49

Aran chire li nimaꞌ Jordán queꞌxyi̱b lix muheba̱leb saꞌ eb li naꞌajej naticla Bet-jesimot nacuulac toj Abel-sitim saꞌ li cꞌaleba̱l cuan xcue̱nt Moab.

Josué 21:31

Helcat ut Rehob. Ca̱hib chi tenamit rochbeneb lix naꞌajeb lix queto̱mkeb.

Jueces 18:14

Li o̱beb chi cui̱nk li queꞌco̱eb chi qꞌuehoc etal saꞌ li naꞌajej Lais queꞌxye reheb lix comon: —Cꞌoxlahomak cꞌaꞌru te̱ba̱nu xban nak saꞌ li rochoch li cui̱nk aꞌan cuan jun li efod ut cuanqueb li yi̱banbil dios. Ut cuan lix dios yi̱banbil riqꞌuin cheꞌ ut li ru yi̱banbil riqꞌuin plata. ¿Cꞌaꞌru nequecꞌoxla? ¿Cꞌaꞌru takaba̱nu? chanqueb.

Josué 1:18

Chixjunileb li incꞌaꞌ teꞌabi̱nk cha̱cuu, ut incꞌaꞌ teꞌxba̱nu li cꞌaꞌru ta̱ye, eb aꞌan teꞌcamsi̱k. Li cꞌaꞌru nakaj la̱o, aꞌan nak incꞌaꞌ ta̱chꞌina̱nk a̱chꞌo̱l. Cauhak ban a̱chꞌo̱l chi cꞌamoc be chiku, chanqueb li tenamit re laj Josué.

Josué 2:2

Abanan cuan li queꞌyehoc resil re li rey li cuan Jericó. Ut queꞌxye: —Cuanqueb aj Israel xeꞌchal chixqꞌuebal retal li tenamit chiru li kꞌojyi̱n aꞌin, chanqueb.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Génesis 42:9

Ut quinak saꞌ xchꞌo̱l laj José chanru nak quimatqꞌuec chirixeb li ras. Quixye reheb: —La̱ex moco ya̱l ta nak chi lokꞌoc xexchal arin. La̱ex yal qꞌuehoc etal xexchal arin re nak te̱ril li cꞌaꞌru cuan arin, chan laj José.

Génesis 42:16

Xicak junak li cuan saꞌ e̱ya̱nk chixcꞌambal chak le̱ ri̱tzꞌin. Ut la̱ex texcana̱k arin saꞌ tzꞌalam. Chi joꞌcan tinnau ma relic chi ya̱l li cꞌaꞌru yo̱quex chixyebal cue. Cui incꞌaꞌ nequecꞌam chak le̱ ri̱tzꞌin, ta̱nauma̱nk saꞌ xcꞌabaꞌ laj faraón nak la̱ex aj qꞌuehol etal, chan.

Números 13:1

Li Dios quia̱tinac riqꞌuin laj Moisés ut quixye re:

Jueces 1:23

Eb li ralal xcꞌajol laj José queꞌxtaklaheb laj qꞌuehol etal saꞌ li tenamit Bet-el, li quiyeman ajcuiꞌ Luz re junxil.