Josué 19:35 - Li Santil hu

³⁵ Aꞌaneb aꞌin li tenamit li sutsu saꞌ tzꞌac li quiqꞌueheꞌ reheb li ralal xcꞌajol laj Neftalí: Sidim, Zer, Hamat, Racat, Cineret,

Q'eqchi Bible

³⁵ Ut eb' li tenamit suttz'akinkileb' li ke'k'ehe'k reheb' laj Neftalí, a'aneb' a'in: Sidín, Ser, Jamat, Rakat, Kinéret,

Josué 19:35 ပူးပေါင်းရင်းမြစ်များ

Josué 11:2

Ut quixtakla ajcuiꞌ xyebal resil reheb li rey li cuanqueb saꞌ li norte saꞌ li naꞌajej li tzu̱l ru, li cuan cuiꞌ li Palau Cineret, joꞌ ajcuiꞌ eb li rey li cuanqueb saꞌ li sur saꞌ li naꞌajej Arabá. Ut quixtakla resil reheb li cuanqueb saꞌ li ru takꞌa ut eb li cuanqueb saꞌ li oeste saꞌ li tenamit Dor.

1 Reyes 8:65

Saꞌ eb li cutan aꞌan laj Salomón quixba̱nu jun li ninkꞌe rochbeneb chixjunileb laj Israel. Kꞌaxal nabaleb li chꞌutchꞌu̱queb aran. Eb aꞌan queꞌchal chak saꞌ eb li naꞌajej Hamat ut toj cuan cuiꞌ li nimaꞌ re Egipto. Li ninkꞌe aꞌin queꞌxba̱nu cuukub cutan ut chirix aꞌan queꞌxba̱nu cuukub cutan chic. Ca̱laju cutan queꞌninkꞌei̱c re xlokꞌoninquil li Dios.

Génesis 10:18

Ut laj Canaán, aꞌan xyucuaꞌeb ajcuiꞌ laj arvadeo, laj zemareo, ut laj hamateo. Eb li ralal xcꞌajol laj Canaán aj cananeo nayeman reheb. Eb aꞌan queꞌxjeqꞌui rib ut queꞌco̱eb chi najt.

San Marcos 6:53

Nak queꞌcuulac li Jesús rochbeneb lix tzolom jun pacꞌal li palau, coxeꞌe̱lk saꞌ li tenamit Genesaret. Queꞌxbacꞌ li jucub chire li haꞌ.

Josué 13:27

Joꞌ ajcuiꞌ li tenamit Bet-aram li cuan saꞌ li ru takꞌa, li tenamit Bet-nimra, ut eb li tenamit Sucot ut Zafón. Aꞌaneb aꞌin li yijach chic li naꞌajej li quicuan rubel xcuanquil laj Sehón li quicuan chokꞌ rey aran Hesbón. Saꞌ li oeste, lix nuba̱l li naꞌajej aꞌan, aꞌan li nimaꞌ Jordán. Ut saꞌ li norte lix nuba̱l, aꞌan li palau Cineret.

Números 34:8

Ta̱numekꞌ saꞌ li tzu̱l Hor ut ta̱xic toj Hamat ut ta̱cuulak toj Zedad.

Números 13:21

Eb li cui̱nk li queꞌco̱eb chixqꞌuebal retal li naꞌajej queꞌxtiquib chak xqꞌuebal retal saꞌ li chaki chꞌochꞌ Zin. Ut queꞌcuulac toj saꞌ li tenamit Rehob, li cuan nachꞌ riqꞌuin Hamat.

Deuteronomio 3:17

Saꞌ li oeste lix naꞌajeb quicuulac cuan cuiꞌ li nimaꞌ Jordán. Naticla cuan cuiꞌ li palau Cineret ut quicuulac cuan cuiꞌ li palau Mar Muerto xcꞌabaꞌ li cuan saꞌ li sur. Nacuulac cuan cuiꞌ li tzu̱l Pisga li cuan saꞌ li este.

Josué 19:34

Li nuba̱l naxic saꞌ li naꞌajej Aznot-tabor saꞌ li oeste. Chirix aꞌan naxic toj saꞌ li naꞌajej Hucoc ut naxcꞌul rib saꞌ li sur riqꞌuin lix naꞌajeb li ralal xcꞌajol laj Zabulón. Ut naxcꞌul ajcuiꞌ rib saꞌ li oeste riqꞌuin lix naꞌajeb li ralal xcꞌajol laj Aser, joꞌ ajcuiꞌ riqꞌuin lix naꞌajeb li ralal xcꞌajol laj Judá cuan cuiꞌ li nimaꞌ Jordán saꞌ li este.

Josué 19:36

Adama, Ramá, Hazor,

Josué 20:7

Ut eb laj Israel queꞌxsicꞌ ruheb li tenamit aꞌin: Cedes li cuan aran Galilea saꞌ li tzu̱l ru saꞌ lix naꞌajeb li ralal xcꞌajol laj Neftalí: li tenamit Siquem li tzu̱l ru li cuan saꞌ lix naꞌajeb li ralal xcꞌajol laj Efraín: ut li tenamit Quiriat-arba li nequeꞌxye ajcuiꞌ Hebrón re. Li tenamit aꞌan cuan saꞌ li naꞌajej tzu̱l ru saꞌ lix naꞌajeb li ralal xcꞌajol laj Judá.

Josué 21:32

Ut riqꞌuineb li ralal xcꞌajol laj Neftalí queꞌxcꞌuleb li tenamit aꞌin: Hamot-dor, Cartán ut Cedes li cuan Galilea. Aꞌan ajcuiꞌ li quisiqꞌueꞌ ru re teꞌxcol cuiꞌ rib li nequeꞌxcamsi ras ri̱tzꞌin chi incꞌaꞌ yal naraj xchꞌo̱l.

Jueces 4:6

Saꞌ jun li cutan lix Débora quixtakla xbokbal laj Barac li ralal laj Abinoam li cuan saꞌ li tenamit Cedes li cuanqueb cuiꞌ li ralal xcꞌajol laj Neftalí, ut quixye re: —Li Ka̱cuaꞌ lix Dios eb laj Israel xye a̱cue chi joꞌcaꞌin, “Ta̱chꞌutubeb ru laje̱b mil chi cui̱nk xcomoneb li ralal xcꞌajol laj Neftalí ut laj Zabulón ut texxic saꞌ li tzu̱l Tabor.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.