Josué 19:30 - Li Santil hu

³⁰ Ut nacuulac ajcuiꞌ toj saꞌ eb li tenamit Uma, Afec, ut Rehob. Cuib xcaꞌcꞌa̱l chixjunileb li tenamit rochbeneb li cocꞌ cꞌaleba̱l.

Q'eqchi Bible

³⁰ Ako, Afek, Rejob: wiib' xka'k'aal chi tenamit rochb'eeneb' xk'aleb'aaleb'.

Josué 19:30 ပူးပေါင်းရင်းမြစ်များ

1 Reyes 20:30

Eb li incꞌaꞌ queꞌcamsi̱c queꞌe̱lelic ut queꞌco̱eb saꞌ li tenamit Afec re teꞌxcol raj ribeb. Abanan li tzꞌac li sutsu cuiꞌ li tenamit quitꞌaneꞌ saꞌ xbe̱neb ut queꞌcamsi̱c cuukub xcaꞌcꞌa̱l mil (27,000) chic li soldado aj Siria. Abanan li rey Ben-adad quixcol rib saꞌ eb li cab cuan aran.

1 Samuel 4:1

Laj Samuel quixye reheb laj Israel li cꞌaꞌru quiyeheꞌ re xban li Ka̱cuaꞌ. Saꞌ eb li cutan aꞌan eb laj filisteo queꞌxchꞌutub ribeb re nak teꞌxic chi pletic riqꞌuineb laj Israel. Eb laj Israel queꞌxyi̱b lix muheba̱leb saꞌ li naꞌajej Eben-ezer ut eb laj filisteo queꞌxyi̱b lix muheba̱leb saꞌ li naꞌajej Afec.

Josué 21:31

Helcat ut Rehob. Ca̱hib chi tenamit rochbeneb lix naꞌajeb lix queto̱mkeb.

Josué 19:28

Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.

Josué 13:4

chixjunil li naꞌajej li cuan saꞌ li sur lix naꞌajeb laj cananeo, joꞌ ajcuiꞌ li naꞌajej Mehara lix naꞌajeb laj Sidón li nacuulac toj saꞌ li tenamit Afec saꞌ li nuba̱l re lix naꞌajeb laj amorreo;

Josué 12:18

li rey re Afec, ut li rey re Sarón,

Números 13:11

Ut saꞌ lix te̱paleb li ralal xcꞌajol laj Manasés quitakla̱c laj Gadi li ralal laj Susi. Ut laj José, aꞌan lix xeꞌto̱nil yucuaꞌeb.

Josué 19:29

Li nuba̱l naxqꞌue chak vue̱lt toj saꞌ li naꞌajej Ramá ut nacuulac cuan cuiꞌ li tenamit Tiro, li sutsu saꞌ tzꞌac. Ut naxic cuan cuiꞌ li naꞌajej Hosa ut nocox-e̱lk saꞌ lix naꞌaj laj Aczib, cuan cuiꞌ li palau Mediterráneo.

Josué 19:31

Aꞌaneb aꞌin li naꞌajej rochbeneb li tenamit ut eb li cocꞌ cꞌaleba̱l li quiqꞌueheꞌ reheb li ralal xcꞌajol laj Aser, aꞌ yal chanru xqꞌuial li junju̱nk chꞌu̱tal.

1 Samuel 29:1

Eb laj filisteo queꞌxchꞌutub lix solda̱deb aran Afec ut eb laj Israel cuanqueb aran Jezreel cuan cuiꞌ li yuꞌam haꞌ.

Jueces 1:31

Chi moco eb li ralal xcꞌajol laj Aser queꞌrisiheb li cuanqueb saꞌ eb li tenamit Aco, Sidón, Alab, Aczib, Helba ut Afec joꞌ ajcuiꞌ Rehob.

Ezequiel 28:21

—At ralal cui̱nk, ilon cuan cuiꞌ li tenamit Sidón ut ta̱ye resil li raylal li ta̱cha̱lk saꞌ xbe̱neb laj Sidón.